2010年7月10日

港童?


先排要上大陸去某國內單位度做嘢,碰啱某 Big-4 亦同一時間派員去同一地方做年審,因利乘便,國內單位安排咗佢哋個 term 同我哋同車前往。

起程當日,約好咗大家在皇崗去坐單位準備好接載我哋嘅專車。我同我同事準時到達,而兩位 Big-4 嘅朋友就遲到。個司機大佬好有責任感咁在大熱天時下四出走去搵人,終於在十五分鐘後搵到位小姐,佢話因為係第一次過皇崗,唔識路所以遲咗喎。我用眼神同我同事講:「吓!皇崗都唔識路?佢唔係未跑過大陸呀嘛?」之後我知原來呢位小姐係 FIC (即係 Field in charge)

大家都問另一位同事點呢?終於再三十分鍾後,見有條友著住條超低腰超低褲浪嘅賴屎褲,施施然咁行過嚟,佢眼神好似周杰倫,一上車,就一 pat 咁癱咗係個位度,粒聲唔出,十足周杰倫咁cool,而兩位仁兄仁姐全程都冇同同車嘅人打過招呼。

上到大陸,我收到風佢哋要在某日再去某地做 observation test,我好心問吓安排成點?佢哋好大安旨意咁話得架喇,我再問有冇搵有關啲單位領導打聲招呼,double confirm 呢?點知佢地好似嫌我煩咁。我心諗:「好!唔鬼理你!」我基於好奇,走去搵有關大陸佬吹吓水,點知佢話:「哈哈,係咩?!」終於,兩位仁兄仁姐“咁啱”遇到塞車,“咁啱”時間趕唔上,去到目的地“咁啱”冇法趕到 observation time

又聽講佢地離開回港嘅時間都俾人寸。原來有關單位只能夠接載佢地去到最近嘅火車站,好等佢地自己搭火車番香港。點知佢地話:「吓,我哋唔識搭大陸火車個播!!」安排嘅人隨即講:「唔識咪學吓囉!」呢單笑料,好快就傳開晒喇。

好坦白講,我從來所遇過嘅 Auditor 都係醒醒目目,話頭醒尾嘅,以上所見嘅兩位八十後,相信只係極少數極少數嘅特別例子嚟嘅啫。

18 則留言:

  1. 咁身嬌肉貴係咪應該幫 daddy mommy 手打理生意呢?

    回覆刪除
  2. the8:

    哈哈,佢地 daddy mommy 知佢地咁慘,實擔心死啫^^

    回覆刪除
  3. 呢的未叫不知所謂,有型冇格...
    雖然吾係做會計有關行業,但真係好怕帶新人,尤其的有性格冇料的臣星.

    回覆刪除
  4. Auditor 第一守則, 一定準時; 第二守則, 自己執生.

    回覆刪除
  5. 聶秀康:

    我後尾先知,佢哋已經係第三年,唔係新仔泥!

    回覆刪除
  6. Quality Alchemist:

    呢兩條守則書本冇教,難怪佢地唔知嘅。

    回覆刪除
  7. 如果金融+會計核數是香港重要產業,未來的水平可能不斷下降中。

    daddy mommy 知佢地咁慘,實叫佢地唔好後,翻屋企做官。

    回覆刪除
  8. 佢哋完全唔志在份工作,思想又幼稚,所以香港可能很快被內地精英滲透。

    回覆刪除
  9. 唔係嘛~
    做/面對未試過的task, 第一件事是做準備功夫, 去到先算好易大失預算.

    回覆刪除
  10. 最近有人指出,近世一直吹噓的讚賞教育(小朋友做得唔好又讚,錯咗都讚)正係培養出哩班永遠自以為是自以為足夠的星君,死未?

    回覆刪除
  11. 哥斯拉:

    未來我地嘅水平是否不斷下降中就唔知,但國內同胞嘅水平正不斷上升中就肯定!

    回覆刪除
  12. DeepC:

    佢哋應該係覺得已經準備得好好^^

    回覆刪除
  13. laulong:

    校長,香港嘅未來,靠你地打求吓喇。

    回覆刪除
  14. 費事教精佢哋,
    由佢哋撞吓板囉!
    (如果佢哋識學得精嘅話)

    最憎人著賴屎褲,
    滑突到嘔!!!

    回覆刪除
  15. 新鮮人 :

    最憎人著賴屎褲X2!!!

    回覆刪除