社會不公允

你地話，係唔係又一次觸發民怨沸騰吖？！

昨晚，拖都拖到夜期收晒市之後先嚟掛八號風球，咁都算，點解落波都要玩人一鑊？

人生八苦！明明全港市民都等緊個八號波波可以轆得過兩點鐘，但點解，天文台偏偏連廿分鐘都唔等得，偏要叫所有人嘗求不得之苦？

好，提早落八號波都唔緊要，一落波之後個天忽然落晒狗屎咁，點解唔掛返個黑雨安慰吓大家先？知唔知好多好多人為著呢樣嘢出晒力咁祈禱架？

個香港咁唔公義，唔怪得阿林老師通街小人老母喇！

PS:天文台擺明玩嘢！由掛八號，到落返三號，再變返一號，通通都係一點八！

打風

每次話有風打，所有公司同事、親戚朋友、叔伯兄弟、隔離隣舍等等，都熱切期望八號風球嘅來臨，等啊等，終於等到個令人振奮嘅 whatsapp:

但點知，唔夠幾分鐘，心情又由天堂跌返落谷底，因為發現：

天文台已經應承咗半夜掛個八號波俾大家存個希望，但我好相信…..

網上圖片

一堆好嘢

先幾日，行經 K100，見到圖中呢堆零食，心想，都好耐好耐未食過呢樣嘢囉播，因此，二話不說就買咗佢番屋企，慢慢歎。

勢估唔到，呢堆零食有令人暢通嘅神奇功效！我食咗佢之後，一日就大咗冇十次都有八九次，而最神奇嘅係，次次都十分奔放；次次都派到好多好多貨。

奇妙奇妙！

海星的故事

豪仔今天終於被中大取錄了！

腦海間浮起了許多許多的往事，當中最縈繞不散的，竟是以前曾分享過的一些話...

認識過迷途少年的人也許都知道，所有已付出的不要期望有所收獲，因為一百個浪子有一個會回頭已經是很好的了。

網上圖片

關聯文章：
浪子．平凡人

玩死！

網上圖片

上一篇說過，補習社老師急 call 我太太，說晞晞在補習途中全身抽筋，嚇得她飛快地趕到補習社去帶孩子看醫生。

那個醫生說孩子身體有病菌，要替孩子抽血，又說要替他打支很貴的針。

孩子對媽媽說：「我喺補習社覺得冷氣太凍，一路恰眼瞓，一路打冷震啫，點知咁都嚇親補習姐姐！」

太太驚魂甫定，見整間診所竟然一個客都沒有，又覺醫生說話好像有些語無倫次，神態古怪，便開始有點懷疑有點驚。

她隨即悄悄地打電話求問教會的醫生弟兄們，對方說孩子不似是抽筋的徵狀，建議最好回家觀察一晚再算。

終於，太太用幾百元給那個診所醫生，買了幾粒維他命丸才可以離開。

我回到家裡，孩子立即再表演牙關打震及身體抖震的樣子給我看，還笑說嚇到補習姐姐半死！

衰仔當晚龍精虎猛，我和太太就給他的惡作劇玩死了。

晴天霹靂

菲傭忽然接到家鄉消息，原來她的丈夫死了，她傷心得在太太跟前哭了一晚，我們一家人也頓然被感染到幾許哀傷。

在辦公室看看錶，大概菲傭應該剛起飛回家奔喪了。心情再次一沉，概嘆人生無常。

忽然，太太傳來Whatsapp 短訊，說她正趕去看晞晞，因為補習社剛剛急電了她，說孩子在補習社內突然全身抽筋...

網上圖片

待續……

共挽手 一起再沖厠

請問一下，大家有冇試過喺厠所一路大便，一路唱歌呢？

冇？！未試過？？

冇緊要啦，不如聽吓人家點樣唱先啦。

註：
此歌由張智霖 (Cheung Chi Lam) 主唱，因排版出錯，加上唱得太過出力，結果被誤指由 (Lam Chi Cheung) 所唱。

我的 7542

家居又壞了東西，結果早前去了逛鴨寮街，之後順道在附近去看看那些在兒時曾光顧過的老店，究竟有多少仍然存在。

行過一間十分不起眼的茶葉店子，好奇地入了去看看。我隨便地問問老闆：「有沒有飲得過的普洱茶餅？」這位老頭竟然答我：「九年7542 綠印如何？」我立刻心裡暗忖一句：「專業！」我再看看他正在泡茶的用具，立刻令我想起細細個時老豆帶我上得男茶樓的記憶！

冇得踢波！

網上圖片

大家想睇踢波？

對唔住，就算曼聯嚟到都踢唔到個波波！

吹咩？！

我的 Tablet Stand

網上圖片

在灣電看上了一隻 Tablet Stand，我問店員賣多少錢？

「＄80」

「有冇得減？」我連忙講價。

「冇！」店員語氣好堅決。

「咁我去第二間格完價先再返轉頭搵你啦。」我毫不轉灣抹角。

「你唔駛搵啦，全個場得我呢間有得賣呢隻嘢咋！」

我不信，行了全場一周後，才發現剛才店員沒有說錯，其他店鋪真的沒有這件東西。

我再回那店子，剛才那個店員不見了，換來是另一位店員。

我再問：「呢個 Tablet Stand 賣幾多錢？」

「＄50」這店員語氣同樣好堅決。

我連忙說要一隻，不講價了。

「係唔係 paid cash？」店員嚇了我一跳，令我有半秒時間不懂回答。

「我俾過隻新嘅未開過盒嘅你啦，駛唔駛開單？要唔要膠袋？」我覺得這個店服務態度一流。

我走後，離遠聽見原先那個店員在咆哮：「吓！賣＄50？＃＆＃＆％＠＄＊％＃＊＆」