2009年9月15日

食好嘢

喺大陸做 Audit,既辛苦又悶,所以一有機會,大家都會好肯去搵啲好嘢食。

記得好久之前,有次喺東莞厚街,同一位同事A君出去食晚飯。點菜嘅時候,我問A君想食乜?
佢話:「是但啦!」
我又轉個方式問佢:「咁你有啲乜嘢唔食呢?」
A君又答:「是但啦!乜都好啦!」
我同A君講:「咁我揸晒主意叫菜囉播?」
A君答:「是但啦!」

我心暗想:「咁多是但吖嗱,今舖一於撚化吓你至得!」於是由我發辦點晒啲菜。

首看嚟咗窩草龜湯,我第一時間夾個龜頭俾A君,「好嚼口呀,哈哈哈!」我好鬼衰咁笑佢。

接住又上碟炒田雞。我一睇,即刻問個服務員:「點解啲田雞仲著住件黃底黑班迷彩衣嘅?」
「呢度鄉下興連皮食架!」服務員答。
「啲田雞似青蛙多啲喎!仲應刻係亞馬遜品種潻播!!」A君寸佢。
結果,我同A君一件田雞都唔敢食。

最後上砵禾蟲蒸蛋,我夾起少少食吓,味道唔錯!A君叫我反轉件蛋嚟睇睇,「嘩!駛唔駛咁多蟲呀?仲手指尾咁大條,條條鬼咁多腳叉晒出嚟!」我越睇越反胃。

個天係有眼嘅,好快我就有報應喇。

冇耐我再到中山做Audit,個Auditee問我想食乜?我話:「是但啦。」結果,班友仔帶我去食川湘菜,樣樣菜都超勁辣,食到我由個口、落到喉嚨、食道、胃、腸、直到屎眼,都有團火!夜晚返到酒店,痾出嚟pat米田共,仲係冒住煙!嗚嗚...

34 則留言:

  1. 比著我, 未返酒店, 就已經必曬出黎了

    回覆刪除
  2. 大陸出Job真係好多好嘢食,價錢又相宜.

    好多大陸飯店都要出去大堂點菜,試過係某飯店見到有幾個籠,其中一個籠捆住一隻猫,隻猫望任我,眼神好可憐...哎,連猫狗都食,真係...

    回覆刪除
  3. 你撚化佢咪積係撚化自己?
    啲餸你都要食架!
    哈哈哈~~~~~~~

    川菜好味!

    回覆刪除
  4. Bittermelon:

    喺內地人嘅文化裡面,食猫狗真係平常不過!

    有次我見到一位國內同事自己帶便當(佢住得近,唔食canteen都得),我八掛走去問佢食乜餸,佢喺飯盒度拿件狗肉過我睇,仲問我有冇興趣潻!

    回覆刪除
  5. 新鮮人:

    鳴鳴鳴...我諗住我頂得順家嘛:(

    回覆刪除
  6. 我有興趣食禾蟲喎,d人話好美味的。

    回覆刪除
  7. uncleary:

    係呀,禾蟲蒸蛋真係好好味架,我好鍾意架!

    嗰次砵禾蟲只因搞得太樣衰,令我見到想反胃啫。

    回覆刪除
  8. 哎呀,就算響深圳,果d田雞都唔剝皮架。果次食到我剩返大半碟。禾蟲呀,蜂巢(連卵)呀,真係唔敢入口。幾年前第一次食水煮魚,雖然好味,但真係會屙拔甩架。

    啊,至於我響香港好少食到既水魚(鱉)湯,就好正。

    回覆刪除
  9. C.M.:

    講到食,你果真識途老馬播:)

    食水煮魚食到屙拔甩,真係好寫實,一啲都唔誇張!

    回覆刪除
  10. 好多年前食過禾蟲蒸蛋,確喺幾好味的,
    大陸真是乜都有得食,只看你夠唔夠膽吃,
    好似試過老鼠都有人當田鼠煮來呃人呀...

    回覆刪除
  11. xiao zhu:

    好鬼好笑?乜妳唔覺大家喺字裡行間,滲出晒啲大陸工作者嘅生活淒酸咩?嗚嗚嗚~~嗚

    回覆刪除
  12. Ivy:

    喺大陸好多嘢都好攞膽,包括食飯!

    回覆刪除
  13. 試過在大陸工作時吃過兩蚊人仔一個飯盒,是在當地同事帶我去買,以前唔知咩事,依家其實是高危得好緊要。
    但又真係好好味架。

    回覆刪除
  14. 鹿米館:

    幾蚊人仔嘅飯盒我都哽過,不過好似都冇平到兩蚊人仔咁犀利播!勁!!

    回覆刪除
  15. 兩蚊,平成咁?!三蚊一個炒米粉都試過,兩蚊...

    回覆刪除
  16. 鹿米館 & C.M.:

    我曾經喺寶安一個工廠區,見過有人去垃圾堆執地下啲用過嘅發泡膠飯盒。

    莫非兩蚊果啲飯盒係...

    回覆刪除
  17. 哈哈,著晒花,可以做火箭人喇!

    回覆刪除
  18. laulong:

    嗚嗚...咁樣辣到飛起法...

    回覆刪除
  19. 喔,原来痾秩佬就是Auditor。

    中国人就是这样,四脚背朝天的动物就可以吃。 ;P

    回覆刪除
  20. 嘿嘿:

    Yes! 喺大陸,屎都有人食!

    回覆刪除
  21. 蠶蛹, 驢肉, 蠍子, 貓蛇雞..... 正!

    回覆刪除
  22. 还好没人请你这么吃~
    O(∩_∩)O 哈哈哈~

    食过老鼠没?
    我的妈呀!
    极恐怖!
    还是是正餐好了,
    别来啥花样。

    回覆刪除
  23. 梁巔巔:

    嘩,乜你食過咁多好嘢!佩服,佩服!!

    回覆刪除
  24. 嘿嘿:

    哈哈,人一世,物一世喎!

    你都一於去中國大陸試吓啦,hehe^^

    回覆刪除
  25. 嘩! 又田雞又禾虫, 好似discovery channel既節目, 中國人真係得! 咩野都可以食.

    回覆刪除
  26. 肥猫,
    阿姐都话啦:
    勇敢的中国人!
    ;P

    回覆刪除
  27. 肥貓:

    田雞、禾虫濕濕碎啦!肥貓都有人食潻呀,哈哈^^

    回覆刪除
  28. 嘿嘿:

    "勇敢的中国人!"

    Absolutely agree!!

    回覆刪除
  29. >> :「點解啲田雞仲著住件黃底黑班迷彩衣嘅?」

    笑死我老公 !!!

    >> 肥貓都有人食潻呀

    所以返大陸, 我會扮成人類!

    回覆刪除
  30. 肥貓:

    妳返到大陸,大把老鼠可以食,啱晒妳呢隻貓啦,哈哈^^

    回覆刪除
  31. 小弟當年返東莞工作, 都試過飲「龜蛇湯」, 個客撈起塊龜板俾我睇, 我已經想嘔。

    好在佢冇好似大哥你咁, 打撈埋個龜頭, 否則我驚我細佬會嚇到縮埋成個月唔浦頭。

    回覆刪除
  32. 渣估:

    唔浦頭就更加要補補佢喇^^

    回覆刪除