2010年9月15日

新女傭

新請的菲傭可能下星期會到,她是否會是一個好幫手?我們和她是否可以互相適應得好?她可否如我們上一位菲傭一樣,令我們百份百安心,百份百信任?一切一切,現在此刻還是未知之數!

上一位菲傭由晞晞從產房出來時的一刻開始,就照顧他直到幼稚園畢業,本來我們打算以後再不用傭人的了,但最近因我和太太在時間協調上太過緊張,不得不要再找個幫手,以至我和太太,甚至晞晞都不用太過操勞。

以前的菲傭,是一位非常虔誠的基督徒,她的工作不算太標青,但是人品性格以及行為表現,都令我們信心十足,可放心讓她成為孩子在成長初期,除我們以外最親密的生活榜樣。本來我們打算請回她,但我的朋友那肯放人?

現在將會來的新菲傭是以前那舊菲傭在香港同一間教會的教友,我們也親身上過她們的教會,向她們的牧者查問過推薦。我和太太都覺得,新的傭人已經有著健康的教會支持網,再有牧者在品格上的牧養,在情緒上又應該有好好的疏導,再加上每次她放假時,我們都不需太擔心她去了甚麼地方、和怎樣的人一起、搞過了甚麼的勾當,因此,我們應該是有點放心的了,希望新的傭人是一位好合適的幫手吧!

14 則留言:

  1. 希望你呢個菲傭搵啱人啦!

    之前有朋友搵咗幾個菲傭,第一個印傭,初時叫做ok,但唔識英文,溝通好大問題,不過朋友都算啦!點知佢又唔得醒目,偷懶不特止,重講大話唔知去咗邊,朋友問咗佢幾次,俾機會佢講番個事實出黎,點知都係講大話...炒咗!

    第二個就菲傭,又係初時好地地,一個月後就黎料,飲醉酒飲到唔識返屋企...又炒

    第三個重係試用中,暫時好似OK...祝你好運,一擊即中!哈哈!

    回覆刪除
  2. 張相個女仔咁誘惑,eben你曳了!

    :P

    回覆刪除
  3. l.minor:

    希望新女傭冇問題啦!

    回覆刪除
  4. 詩白爾:

    吓~~~張相都好端莊啫-_-!!!

    回覆刪除
  5. kaka, 我都係咁話,貼張咁嘅相,引死人咩!

    回覆刪除
  6. 據e兄描述的女傭background, 看來不錯啊, 給人多點信心.

    如果這次你又請到好幫手, 你的經驗可能可以變成評估指標. ^^

    回覆刪除
  7. laulong:

    哈哈,乜真係咁吸引咩?

    回覆刪除
  8. DeepC:

    希望真的會是不錯啦,承妳貴言^^

    回覆刪除
  9. 我朋友賓傭借地址去借錢,仲人間蒸發, 唉...

    回覆刪除
  10. 卡臣:

    呢樣嘢都時有所聞,所以都好得人驚架!

    不過我覺得最得人驚嘅係,個女傭忽然大咗肚,唔做到野,又唔炒得!!

    回覆刪除
  11. e兄,

    搵女傭真係香港家庭一個好頭痛既問題, 好在我唔駛請女傭, 因為我每逢weekend就會自動變成女傭.


    >>張相都好端莊啫

    你曳了 X 2

    回覆刪除
  12. 肥貓:

    妳每逢weekend就會自動變成女傭,我就日日都變成賓佬:(

    我都日日做張相入面相同嘅清潔動作喇,有乜特別?^^

    回覆刪除
  13. 個女傭係幅相咁既話,好大鑊喎。

    回覆刪除
  14. 鹿米館:

    放心,我講明係請菲傭,如果將會嚟做果個,係幅相咁既話係,我都唔...想收貨啦-__-!!

    回覆刪除