2010年11月2日

計錯數?

俗語有云:刻薄成家,必無久享。不知道最近被人瘋狂指罵為對員工「刻薄」的“大家樂”,將來前景會是如何?

日前,“大家樂”的管理層出來和公眾“計數”,他們大概想藉著一些婆媽數據來証明自己的新工資計算方式不是「刻薄」吧。然而不管他們拿出來的數據設計得如何精密,從事態發展來看,這家公司似乎計漏計錯了好多好多!

大概,“大家樂”萬想不到改了工資計算方式這條數,一年所慳得的一百多萬元,卻會令公司賺前蝕後。而事實上,他們已經賺得剝削員工「太刻薄」的惡名,又蝕了長久以來不斷用廣告所希望建構出來的正面公司形象;這條數,是否應算入公關災難的賬?慳出來的百多萬元夠不夠拿去善後?

從前被香港人視為典型成功商人的“大家樂”老闆陳裕光,今次竟然飛撲出來搶盡了「廿蚊張」的負面風頭,一時間受盡全港市民的唾罵。作為一個開始獲政府委任公職的商人,對於自己商而優則仕的前途,究竟如何籌算?他是否計錯了數?

從來,政棍最想找到目標可以讓自己站上道德高地之上去罵臭,以圖乘機增加自己的政治本錢。今次,“大家樂”在社會上沒有甚麼大議題的時候,無端白白提供了一個給人可群起追著去咬的機會,是否抵死?

45 則留言:

  1. 我已決定短期內抵制大家樂

    回覆刪除
  2. 舞了:

    我已經立刻抵制了大家樂了。

    回覆刪除
  3. 佢向大家證明了佢一直係一位成功的商人。

    無奸不商!

    回覆刪除
  4. Coffee n Tea:

    妳話,有D咁人,香港人點解唔會仇商仇富呢?

    回覆刪除
  5. 職工盟表示,大家樂提出的新工資安排,不計算食飯時間,是變相減薪。職工盟號召下周二(十一月九日)抵制大家樂一日,抗議大家樂新的工資安排。

    為表示我的支持響應,由十一月二日起,至十一月九日(inclusive),我會不吃、我會不買、我亦不會代別人買任何“大家樂”出品。

    之後是否繼續“罷買”還未定,不過若有其他選擇,大家樂一定排最尾!

    回覆刪除
  6. the inner space:

    我都會響應!

    回覆刪除
  7. 陳生唔駛驚。李嘉誠準備去告那位指他行為如同魔鬼的牧師,大家的視線不免會轉移了。

    回覆刪除
  8. uncleray:

    李嘉誠準備去告嗰位其實係天主教嘅神父,佢都有鬧埋陳生一份架,所以,陳生都難以在呢單嘢中完全置身事外!

    回覆刪除
  9. e兄,

    其實不只"大家樂"刻薄員工, 洗廁所個亞嬸話我知, 佢公司一早已經實行類似"大家樂"既表面加其實減人工既措施, 以減輕最低工資的影響.

    我想遲啲連去洗手間既時間都話要計算剔除工資計算.

    回覆刪除
  10. 肥貓:

    唉!所以我哋更加不可以坐視。

    一於唱衰佢!!

    回覆刪除
  11. 我唔食「大家樂」
    轉去幫趁「大家食」

    回覆刪除
  12. 卡臣:

    乜有間「大家食」嘅喎?

    話時話,到咗下周二(十一月九日),「大家樂」駛唔駛改名叫「大0樂」呢?^^

    回覆刪除
  13. 真係只慳百幾萬?商譽嘅損失難以補償呀!

    至於最低工資帶來甚麼結果,人人靠估,且拭目以待。

    回覆刪除
  14. laulong:

    最低工資所帶來嘅眾輸局面,初露端倪!

    回覆刪除
  15. 如果因為百幾萬,就攪成咁,真係好底死!

    我本身都巳經麻麻地佢地d野食...而家,更加唔會去

    回覆刪除
  16. l.minor:

    呢鋪「大家樂」真係現眼報!

    回覆刪除
  17. 多幫襯街坊小店,
    不光顧大集團了!

    回覆刪除
  18. 新鮮人:

    好!這可能更幫到基層!!

    回覆刪除
  19. 無端白白提供了一個給人可群起追著去咬的機會,是否抵死? <--- 是

    回覆刪除
  20. 刻薄完d員工,marketing人士又有工開...

    回覆刪除
  21. hkeric:

    點解嘅? 係唔係要諗計去收拾殘局呀?

    回覆刪除
  22. 我保證,下年年中前一餐都唔會幫襯佢! XD

    回覆刪除
  23. 若缺齋老人:

    嘩!你抵制得佢好持久喎!!勁^^

    抑或係你呢段時間都唔會喺香港,所以幫襯唔到佢呢?

    回覆刪除
  24. 我都決定抵制佢直至另行通。

    回覆刪除
  25. 其實我一向唔係咁“受”攪最低工資的政黨講果套,因為擺明勞工階層只會受到唔同方法的剝削,不過諗唔到來得咁快又咁肉酸啫!
    至於大家樂,作呢個決定的管理層,唔止冇政治智慧,簡直冇與時並進啦,而家有返咁上下規模的企業,個個講 CSR丶良心企業,果佰幾萬,唔慳的話,攞出來晒對手,話人做(克薄嘅嘢)我唔做,大收宣傳效果,何樂而不為?
    而家分分鐘連果啲良心消費者同投資者都杯葛佢,真係冇眼睇!嘻嘻,轉個彎讚晒樓上所有人,重有我自己...我都唔會幫襯住,直至佢攪掂呢件事! ^_^

    回覆刪除
  26. 香港大把僱員(包括部分公務員)用膳時間是沒有薪酬的.我們可以用法例逼僱主即使僱員生產力低下,仍要給規定的時薪.用膳時間僱員不用工作, 僱主不給工資, 也是公平的.呢個世界有多少所謂良心消費者?大都是三分鐘熱度或說說笑而已. 我都會抵制大家樂, 因為它的食物定價越來越不合理地貴.

    冇良消費者

    回覆刪除
  27. 省減成本有很多方法, 他們這招就是低招啦.

    其實商家應想方法提升生產力和鎖售表現, 這麼不但可以cover加薪成本, 還可以expand business. 另外, 如何佢地認運用加薪來提升士氣, 還可能取到額外收穫.

    回覆刪除
  28. SKII:

    同意CSR對企業越來越重要,尤其在投資者及end user來說,更加越來越重視。

    "大家樂"佢真係傻嘅,似乎完全冇考慮過CSR做得唔好可以PK嘅!抵死!

    回覆刪除
  29. 匿名:

    呢個世界都唔少良心消費者架,如果唔係,CSR都唔會越嚟越hit啦。好似Manufacturing呢d行業咁,好多年前就已經要針對良心消費者做好多自律性嘅嘢架喇,如果稍有差池,真係PK架!!

    回覆刪除
  30. DeepC:

    今次事件,如果看為對整個F&B行業作為一個警號,提醒番佢地要與時並進,認真看待customer係好在意CSR嘅,咁都算係一件好事!

    回覆刪除
  31. 網誌管理員已經移除這則留言。

    回覆刪除
  32. Ebenezer, 唔好意思, 貼錯帖呀, 請刪除.

    回覆刪除
  33. 陰濕數真係「太刻薄」。

    但面對龐大的利益(抵食),消費者雖然可以堅持一陣,但不久又會走回到他們身邊。

    支持出外吃茶餐,常餐ABC。
    有成年冇食過太刻薄,多數去茶餐廳。

    回覆刪除
  34. 政治抽水
    田二少下週二都參加罷食。
    【明報專訊】下周二罷食大家樂行動如箭在弦,發起行動的職工盟成立「罷食大家樂抗爭基金」,計劃在其分店擺放宣傳攤位,呼籲市民參加,目標是令店內空空如也。

    自由黨中委田北辰昨晚批評該企業「無良」,表示絕不贊成黨友張宇人力撐大家樂扣減員工食飯時間工資的立場,表明自己當天會參加罷食。

    回覆刪除
  35. 舞了:

    刪除了。乜咁大意呀^^

    回覆刪除
  36. 鹿米館:

    雖然話食客遲早都會返轉頭幫襯,但相信人家心裡都會多條刺,對「大家樂」嘅future revenue,相信多少都有影響!

    回覆刪除
  37. The Inner Space:

    我都話啦,根本「大家樂」係引人去咬佢,唔怪得人抽水架。

    天作孽,猶可恕;自作孽,不可逭。

    回覆刪除
  38. Ebenezer, 唔該哂.

    你咁英明, 有你喺度把關, 又點到我唔大安旨意呢. 好似而家咁, 咪當咩事都冇發生過囉, 幾簡單呀.

    回覆刪除
  39. 大家樂呢鋪真係輸凸
    最低工支搞到一鑊泡
    家下又來最高工時....多事之秋

    回覆刪除
  40. 聶秀康:

    佢呢鋪叫做偷雞唔到蝕渣米,抵死!

    回覆刪除
  41. Bittermelon:

    哈哈,係呀,佢蝕晒底仲冇人會可憐佢添,真樣衰^^

    回覆刪除