2011年1月11日

終極禦寒保暖大法

網上圖片
呢排日日都天寒地凍,見到好多 Blog 友都已經介紹過林林總總嘅保暖方法。我今日都講埋一份啦!唔係話自己大口氣,我敢相信,我所介紹呢個禦寒保暖大法,絕對係最終極、最架勢、最冇得 fright 嘅版本。

呢個方法係我做0靚仔時,由導師所教嘅,聽講話仲好有理論基礎添。佢最適合在十鬆啲度嘅氣溫下做,再凍啲唔係唔做得,只要係啱 feel 都冇乜所謂嘅。

呢個終極保暖大法究竟係點樣搞法?依家慢慢講俾大家聽啦:

當覺得好凍好凍嘅時候,立即走入沖涼房,用最快嘅速度脫光晒身上嘅衣服。呢個時候,首先會見到在皮膚上面會起晒一粒一粒嘅雞皮,然後,身上各個部位嘅肌肉都會開始越嚟越硬,越嚟越彭漲顯現,越嚟越有立體感層次感(欣賞一陣好喇),之後,要即刻用個花灑頭,兜頭兜腦放水淋落去,要俾啲凍水由頭頂一直咁流落去,由肩胛肌流到背闊肌、由胸肌流到腹肌、由二頭肌流到三頭肌再流落去周頭肌.....

呢個時間,成個人可能首先會眼前一黑(放心,唔暈得嘅話兩三秒會冇事),然後全身會好似有千千萬萬支針拮落去咁,非常之過癮!跟住,週身會好冇節奏、好快速、好發狂咁震吓震吓、fing 吓 fing 吓,同時間,全身肌肉再變得更加結實,更加有勁。

如果挨得過以上各個步驟的話,就會開始感覺好似沖緊暖水涼咁,會感覺水溫越嚟越暖,因為身體入面嘅潛能,已經被完全發揮咗出嚟。

呢個時間,著番衫,全身會由內到外再到內,感覺得好溫暖好溫暖!行到出街,即使著上大褸,仍然會無法掩蓋得到全身堅挺嘅肌肉,仍然無法遮擋得到整個人優美嘅線條,因為,裡面仲係發發聲!

45 則留言:

  1. 哇哈哈哈哈哈哈...我爭地碌左落地呀!

    回覆刪除
  2. 我都有聽過,不過我未試過

    回覆刪除
  3. 卡臣:

    你一於今晚去試吓喇,好work架,保證全身曖晒:)

    回覆刪除
  4. 唔好玩啦!!!
    想我使咩!!!
    哈哈。

    凍水涼呢家野,在我小學時會做過,仲要係夏天呀!!!

    你咪比你個仔使呀。老婆炳硬你呀!!:p

    回覆刪除
  5. 哈哈哈哈哈哈...
    笑到人哋可能以為我傻咗!

    回覆刪除
  6. 鹿米館:

    你信我啦,人嘅潛能好大架,你實頂得順嘅!

    我信仔,佢精甩肺啦,點會玩呢家野呢?!

    回覆刪除
  7. Coffee n Tea:

    笑?

    我好認真咁講個播!

    回覆刪除
  8. naruto:

    試完包你面色紅潤,發發聲,點會發黑呢?

    回覆刪除
  9. 哼, 我以前浸浴缸冷水浸到變暖水啦, 幾度天氣都係著件長袖衫加件羊毛背心咋

    回覆刪除
  10. laulong:

    校長,鋼鐵是這樣練成的。

    照我所知,正生班學生同埋老師,規定十度以上都一律要日日沖凍水涼。

    回覆刪除
  11. 我試過十度沖凍水,別無它選,而且重係要搽了肥皂,但沖完真係熱血沸騰

    當然只試了一次

    回覆刪除
  12. l.minor:

    我都試過出trip酒店冇熱水,天寒地凍焗住沖凍水,完事之後,簡直血脈沸騰!

    回覆刪除
  13. X! 笑到我吖!

    不過, 我都試過幾次! 幾次都係喺台灣嗰時. 沖到一半冇晒石油氣.

    係好 work. 但前提係濕身時要冇風. 否則, 一定死硬!

    回覆刪除
  14. 梁巔巔:

    Long time no see!!

    你講得啱,其實最難頂唔係幾度要沖凍水涼,反而係全身濕晒再食西北風!

    我以前試過焗住要天寒地凍落水,坦白講,浸喺水度唔係好凍啫,上水個刻先至攞命!

    回覆刪除
  15. 堅係得嘅…不過小詩最近開工都著短袖衫…咕做喱係咁架啦!

    回覆刪除
  16. 詩白爾:

    開工都著短袖衫? 你抵冷貪瀟湘咋掛?!

    回覆刪除
  17. 本人年逾半百, 不知應否冒險一試? 會否出事?

    回覆刪除
  18. 匿名:

    呢個方法,對心臟負荷都幾重,但你假如唔即刻暈嘅話,應用唔會出事!

    回覆刪除
  19. 搬下貨托下野嘛。你睇屈人寺D送水工人家陣好多都短袖啦!

    做運動好過沖凍水涼呀!

    回覆刪除
  20. 梁癲癲, 揾你揾咗好耐喎!去咗邊?

    回覆刪除
  21. Ebenezer

    你米立亂教人噃,冷病人,問你攞湯藥費!

    其實,我都試過,同樣係沖沖下無熱水,焗住沖埋個涼,嗰下全身發抖真係強勁,震到我著番衫跳上床度捲住被都仲震左好耐,唔記得之後係米好溫暖,淨係記得以後冬天沖涼要睇下個熱水爐開左未。

    回覆刪除
  22. 依家屋企室外得6.2度,室內都唔算好凍,淨係著底衫加外套。
    新界北區依家得4度多啲,諗起都覺得凍。

    回覆刪除
  23. 詩白爾:

    做運動梗好過沖凍水涼啦,起碼冇咁激呀!

    坦白講,沖凍水涼同做運動一樣,如果冇平時操開,天寒地凍忽然間先嚟搞,好易瓜老襯。

    回覆刪除
  24. macy:

    點解妳唔即刻走去開番個熱水爐先再沖過?

    回覆刪除
  25. 馬沙:

    今早check天氣,珠三角普遍得番2-3度,我過幾日仲要上去做咗添架,慘慘:(

    回覆刪除
  26. Ebenezer

    以前屋企用儲水式, 開番都唔係即刻有熱水.

    回覆刪除
  27. macy:

    天寒地凍沖沖下涼冇熬水,的確係人間悲劇!

    回覆刪除
  28. 咁點解唔直接沖熱水涼呢?

    回覆刪除
  29. hkeric:

    哈哈,好問題!!!

    回覆刪除
  30. 因為沖涷水涼代表青春有活力堅毅意志力高強!

    回覆刪除
  31. 舞了:

    哈哈,講得好!咪就係咁囉^^

    回覆刪除
  32. Bittermelon:

    如果在天寒地凍時間,身體冇番咁上下底子,失驚無神盲鐘鐘去試,無啦啦凍瓜咗都唔出奇架!

    回覆刪除
  33. 我想知有沒有網友看完後真的走去試 :)

    回覆刪除
  34. 你這篇post真是丫, 有誰看了大笑或O咀?
    哈哈哈哈哈

    我都試過, 係有效的, 因為天氣涷時水溫高過室溫, 又由於體溫度高過水溫, 沖一陣涷水將表面體的溫度跟水溫拉近, 這時就會覺得水溫不涷而且暖過空氣, 另體內自然機制會保護身體快速燃料儲備發熱; 不過大前提是沒病兼夠勇, 否則唔試好過試.

    回覆刪除
  35. DeepC:

    原來妳都玩過,失敬!失敬!

    係呀,種種溫差效應,令到感覺唔會凍而反而係暖,所以冇想像中辛苦;仲有一樣,因為身體溫度又高過水溫,所以有機會會見到身體冒煙,尤其是平時特別溫暖嘅部位(hehe!),真係好奇妙!!

    呢個咁刺激嘅遊戲,對心臟負荷好大,又好消耗能量,理論上用嚟作地獄式減肥都得,貪靚又唔怕死嘅女仕不妨試試:)

    回覆刪除
  36. 估計這不是熱身方法,
    而是消脂秘方,
    咁沖凍水,
    身體一定會係好短時間內大量燃燒脂肪來發熱禦寒,
    應該係瘦身最佳方法,
    又快又準又有效,
    不過條命仔保唔保得住就唔敢講了!

    話時話,
    你今日試過未呢?
    記得試喎,
    仲要不斷日日試足一個星期,
    試完無事話過我哋知!
    不過我唔想係東方頭條見到你,
    頭條為"猛男冬天凍水浴暈倒入院",
    請想清想楚要好試噃!

    回覆刪除
  37. 新鮮人,

    這個不是瘦身最佳方法, 如果長期用, 身體反而會在平日吸收更多榶份及轉成脂肪做儲備. 看看慣常游冬泳及游早水的人的身材就知了. :)

    回覆刪除
  38. 新鮮人:

    我過幾日要番大陸做野,曾經住過果度,試過在夏天無熱水沖涼,都唔知今次上去會唔會有番熱水?

    作定最壞打算,睇怕都有鍛鍊身體嘅可能!

    回覆刪除
  39. DeepC:

    我覺得呢個玩意,同做桑拿嘅原理差唔多,係用溫度去刺激身體,令到心跳去到同做緊運動時差唔多嘅狀態,從而加速新陳代謝。

    然而妳講得啱,佢始終冇肌肉運動,唔係瘦身嘅好方法;仲有,要達到burn fat最佳嘅效果,心率又唔可以太大,而呢個玩意咁刺激,都未必係最好嘅瘦身法。

    回覆刪除