2011年9月12日

明月幾時有?

網上圖片
一年容易又中秋!

昨天晚上下了一場大雨,窗外只有雨聲淅瀝,卻沒見半點光亮月色!不知今天中秋正日,光景又會如何?

記得去年的中秋皎月當空,但當時因思念而致心裡沉重。而今夜大有可能不見明月,心境則一片豁然。

人說:「人有悲歡離合,月有陰晴圓缺,此事古難全。」因此,中秋節沒得見圓月本來就不足為奇。然而人總得要有美好的期盼,正如廣告所謂:「希望在明天!」

**********

似乎今年中秋有特別多的風雲變幻:幾天前剛剛見美國人用跌市來對刺激經濟就業方案投以不信任的一票,今天又聞希臘似乎快要破產,法國以致歐洲隨時當殃。莫非世人想過些花好月圓的日子,希望仍然暗淡?

執筆時香港股市已經跌了八百多點,是在 Discount 上週五美國的壞消息,還是有更可怕的原因躲在背後?希臘危機不斷升溫,黃金竟然不強反弱,另一邊廂美金則在暗暗偷升,在一片月黑風高的景象下,這又是甚麼的兆頭?

**********

今夜,明月幾時有?把酒問青天!


當年今日:
Audit Finding

24 則留言:

  1. Ebenezer 兄, 祝全府上下中秋愉快.

    回覆刪除
  2. 明月出東山
    跌市意闌珊
    中秋望明月
    只求搵兩餐

    謹祝以便兄嫂及晞晞迎月賞月追月夜夜夜圓月。

    回覆刪除
  3. Space 兄:

    好詩!好詩!

    夜夜月圓,大家咁話:)

    回覆刪除
  4. 希望美金再強d,咁年底去旅行無咁貴:)

    回覆刪除
  5. 美金升番D都好吖,港紙太弱啦而家

    中秋節快樂

    回覆刪除
  6. 小星:

    去美國旅行?真開心^^

    回覆刪除
  7. naruto:

    港紙同美金掛勾,搞到我地d窮人好苦:(

    回覆刪除
  8. 中秋節快樂~~~
    this year = 中秋節快落

    回覆刪除
  9. 不是美國喇~

    港幣同美金掛鉤,美金弱, 其實去美國最無蝕底......不過真係未有興趣去美國。

    回覆刪除
  10. 熱血宅男:

    你講個市?哈哈,應景^^

    回覆刪除
  11. 小星:

    要洗美金又唔係去美國?連自己貨幣都唔流通嘅地方,一定係好落後架喇,係冇?!

    回覆刪除
  12. 唔好意思呀, 我無講清楚。

    其實我只不過想去日本行吓同買嘢~
    我理解係美元強,港元都會「強」,所以唔洗用超過10蚊兌YEN...

    回覆刪除
  13. 小星:

    OIC^^ 希望妳到時d銀紙好洗d:)

    回覆刪除
  14. 卡臣:

    大家咁話,也祝你中秋快樂:)

    回覆刪除
  15. 中秋節快樂!

    噚晚係車上我聽到港股跌八百幾點,
    當堂打個突,
    好誇張,
    可能係假期前,
    啲人想出貨安心啲!
    咁嘅環璄,
    美金升、黃金唔升,
    個市真係有點怪,
    後面有乜人做乜嘢真係唔理解!

    回覆刪除
  16. 新鮮人:

    昨日個市交投好細,唔似大家識得走人,反而係d人似末識得驚!

    傳統上,黃金係一般用嚟避險嘅工具,但金跌美金升,即係市場連黃金都唔敢信,即係預期有大到黃金都擋唔起的風險可能嚟緊,因而走晒去最保險嘅美金度,所以美金升。

    回覆刪除
  17. 我就唔再信美金了,
    美金一陣風吹一吹又散哂囉,
    不如揸嚿實金仲安全,
    衰極都可以打條金練帶吓嘛,
    哈哈哈~~~~

    回覆刪除
  18. 新鮮人:

    係囉,一於扮八兩金!

    回覆刪除