2013年4月18日

Crazy Minibus

網上圖片
今天一早由大圍搭專線小巴入荃灣,點知出咗城門隧道冇耐,架車就行錯咗路,可能個司機知道自己衰咗就騰晒雞,開始將架車揸到舞龍咁舞,點知佢越舞就越亂,越亂架車就越行錯!舞吓舞吓,真係估佢唔到,舞咗我哋成車人上咗去一處疑似郊野公園嘅地方(象山附近)!

就正當架車去到荒山野嶺嘅時候,坐喺我隔離個阿嬋就開始發難。佢大叫:「落車!落車!」

架小巴真係慢咗落嚟,我心諗:「唔通真係要喺荒山野巔落車?」

好彩,個司機仲有小小良心,冇真係聽阿嬋講,就咁就由得佢一個人在山卡啦落車,反而駛返落山先肯放佢走。之但係,後尾見阿嬋落咗車行到一拐一拐,先知佢原來係不良於行嘅,心中不期然要講句冇陰公。

架車再繼續舞龍,又再行錯路,舞吓舞吓,又舞咗去葵涌.....


當年今日:
番大陸好危險

28 則留言:

  1. 真係好少發生咁樣的事,
    你今朝當黑了,
    結果有無收錢呢?

    回覆刪除
    回覆
    1. 新鮮人:

      其實我當黑咗好耐。

      我搭嘅係專線,上車時已嘟咗八達通喇:(

      刪除
    2. 司機發緊夢,
      錯完又錯,
      難怪阿婆都發火。

      刪除
    3. 向好果方面睇,阿㚪已算不幸中之大幸喇。

      刪除
  2. 比正常時間舞多咗幾耐呀?難得成車人還如此冷靜,無人嘈?

    回覆刪除
    回覆
    1. Coffee:

      大約多十五分鐘咁上下啦。

      除咗阿嬋,成架車冇人嘈,可能係:
      1)個個都係斯文人,特別係我;
      2)怕再影響多D個司機情緒,慢下手跌架車落水塘仲弊;
      3)佢去到嘅地方實在太陌生喇,我地都唔識點教佢行。

      刪除
  3. 04年10月22日北角英皇道發生致命交通意外,2輛小巴疑因超速爭客,導致2名乘客死亡加18人受傷後,我經已不再搭小巴!

    回覆刪除
    回覆
    1. the inner space:

      你米嚇我啦,我嘅心靈好弱小架咋=_=!

      刪除
  4. 通常司機入錯線或因交通事故而自行改路, 我多會開心的, 難得可以遊車河看不到景, 而且遲到有得賴~

    回覆刪除
    回覆
    1. 但今早俾人車去荒山野嶺,可能係老笠個播!

      刪除
    2. 咁又係。

      可能我當咗自已喺大陸掛?嘻嘻^^

      刪除
    3. 乘車人有個別可以是同黨嘛,
      我同意以便兄老笠的可能性!



      個次在北角英皇道的2小巴1的士重大意外,剛巧在老家不遠發生,觸目驚心呀!是日我就是路過該段路,回老家和爸媽茶聚,坐下來剛剛開了茶,就聽到警笛長鳴,問人便知道發生了意外!


      sPace

      刪除
    4. Space兄:

      呢種打劫手法,在大陸好常見,但在香港出現的話,可能係大新聞。



      咁大場面,你有冇嚇親?

      刪除
    5. 同黨假扮乘客混入巴士,
      老笠其他乘客在加拿大,
      都有架,
      是荷里活電影情節!


      每次路過都有陰影哈哈哈!


      我好驚會遇見找替死鬼架 。。。。。。

      刪除
    6. Space兄的同黨point 又幾在新意(在香港來說), 下次上車時睇下有無人賊媚賊眼先得!

      Eben, 所我上大陸只選搭火車, MTR 及公司車, 如真的要搭其他, 先選司機才上車.

      刪除
    7. Space兄:

      原來係老外教壞我地同胞,差D怪錯佢地添。

      刪除
    8. DeepC:

      我記得以前在大陸搭麵包車時,在總站開車前,會有人用錄像機逐個乘客影吓。我初初年少無知,問人點解?

      佢地答:「出事的話,方便認屍。」

      刪除
  5. 匿名:

    樓上新鮮兄解釋過啦,我當黑吖嘛^^

    回覆刪除
  6. 兄台們:
    洋為中用嘛,
    國內同胞們,
    外來轉內銷,
    轉數也很快!


    sPace

    回覆刪除
  7. 哈哈哈!好搞笑!
    真係唔好意思,我其實好同情你的。

    咁你遲咗幾耐返工呀?

    回覆刪除
    回覆
    1. Cat:

      我本來早到,現在變到呃呃好囉。

      刪除