2009年3月10日

匯控狂想曲

昨日四時十幾分係公司做做下野,朋友忽然係MSN 突發直擊報導話5號仔已經 $33喇,一睇,真係!我係一個滿有憐憫之心既人,當然第一時間即刻問佢有冇貨係手喇,佢話佢一早就 $150 放晒,條友仔原來四維搵人晒命。

今時今日,冇野係手既個個變晒股神,留低d仲有揸貨既俾人笑佢頭痕。

不久,另外又收到風話阿青姐俾匯控整喊咗,唔通真係應咗佢講果句,佢玩股,股玩佢?好辛苦先 search 到條 link 想第一時間睇下究竟發生咩事,點知上極都上唔到,勁塞車。

今早,Tony 居然因為自已曾經愛過匯控而自我剖白,認罪悔改。我諗,好似佢咁被情所傷既又豈只佢一人呢?

越來越覺得,呢個世界己經變到冇乜野話係唔可能發生架喇。

會唔會聽日忽然又有人話我知,匯豐已經被國有化呢?(我係指中國!)

會唔會匯豐印既港幣紅底,而家只值 $33呢?

又會唔會匯豐又好似今日咁忽然開記者會,話已經成功將股價變番 $150喇。(不過係5合1)

4 則留言:

  1. 5合1呢條橋都比你諗到,小弟拜服^^

    回覆刪除
  2. 家下通街都係匯控股評人,呢個專業分析我都係聽番黎啫!

    回覆刪除
  3. 個個都話自己一早沽哂匯豐,咁總有咁多人股東嘅?

    睇下青姐的眼淚你就會知哩個世界講和做係兩回事來架!

    回覆刪除
  4. Hana,

    會唔會好多人好信5號仔係一定“只有買貴,冇買錯”呢句野呢?

    仲有,家下先覺,原來好多人對匯控係有特別既情意結。

    回覆刪除