聚舊

昨日，唔知搞乜鬼，一日之間分別有兩個唔見咗好耐，佢地又互相唔識嘅舊同事打電話嚟，話要約我去聚吓舊。結果，一個約咗下星期見，一個就昨晚同佢去食晚飯。我放低電話時，心中好懷疑自己係唔係有d乜野事？點解d冇見咁耐嘅朋友都要嚟見吓我一面？！

昨晚見果位舊同事原來喺過往幾年station咗喺上海，今年剛剛回港，所以就搵吓我出嚟聚吓。同佢冇見咁耐，佢都係冇變，都係咁鍾意吹水，結果，噚晚我同佢喺間地踎酒樓吹水唔抺咀。

坦白講，大家男人老狗仍然可以長久keep住友誼，冇見好耐出到嚟仲有計傾真係好唔易，真係好珍惜！