2009年8月22日

曬朵

記得初初返教會嘅時候,曾經俾人教導過:不管你係達官貴人,抑或只係飯夫走卒,大家既然以「弟兄姊妹」相稱,咁樣彼此就係一視同仁架喇,冇人可以扮巴閉,啲乜朵物朵喺教會係冇意思嘅,除非你為要去服侍他人而真係有需要用上你嘅地位身份。

自己一向好欣賞呢個教導,亦眼見過不同身份背景嘅人,可以無分彼此,融洽相處。好多時,有乜事要吹雞揾人幫嘅時候,才發現身邊原來有好多臥虎藏龍,先知道貴人總有一個喺左近。

唔知以上講嘅教導,會唔會只係自己所屬教會宗派嘅傳統呢?呢幾年有機會接觸吓多啲唔同類型嘅其他教會,先發現「曬朵」文化,喺某啲教會裡面原來都幾嚴重。

自己覺得,「朵」只係一個出嚟為搵兩餐嘅工具嚟啫,喺教會呢啲地方,除咗為著抬高自己,「曬朵」有屁用咩?但係話時話,原來仍然會見到有人樂此不疲,幾好呢味嘢!我諗唯一解釋,只係「虛榮」心作祟!曾經聽過有啲新返教會嘅朋友話,覺得好難夾咀形,事關啲人好「猛」。我心想,何必呢?

小弟其實都有試過喺教會「曬朵」嘅,嗰次喺教會同埋一班人,為著要替一個細路寫求情信,希望法官可以判佢入正生,因此就齊齊裝吓高尚;聽人教,咁樣法官肯接納求情嘅機會會大啲。記得當時大家喺封求情信上盡「響全朵」,曬得好開心!

20 則留言:

  1. 小弟唔信神嘅,不過有以下諗法。如果真心信主,個朵係主前面有咩用?係D兄弟面前有咩用?大家都只係接受主嘅安排喎。

    回覆刪除
  2. 你講得好啱,「朵」只係虛榮,甚至個「朵」上天俾得某人,一定有用得著嘅天意,而唔係為咗俾條友仔佢去謀私嘅!

    回覆刪除
  3. 你個"朵"可不可以在這兒公開呢?

    回覆刪除
  4. 唔好意思呀.....我想問你係唔係一個social compliance auditor呀? 其實我依家都做緊social compliance coordinator ga, 我想問讀d咩or考d咩牌至可以做到auditor呀?? 我對呢行都幾有興趣ga, 但空缺真係好少甘......係唔係唔入行好d呢?? 你可唔可以答下我呀? 唔該灑! ^^

    回覆刪除
  5. uncle ray:

    小弟最勁嘅朵,係我老婆嘅老公!佢成日都叫我曬架,哈哈!

    回覆刪除
  6. 匿名:

    睇嚟好似好多人都對 Social Compliance Audit 感興趣咁播!

    小弟從前做 Social Compliance Audit, 是會計師樓的其中一些 assignment 而已。只因公司接到這纇case,所以便有機會接觸到。照我所知,要做這纇job,應該不需要考上甚麼特別的牌照。

    我不知道香港是否有些公司專門接這纇job, Anyway,相信國內公司在這方面對香港的公司更具竸爭力,所以香港的空缺會很少。

    看來,如果香港有公司給你獨沽一咮做到所謂 Social Compliance Auditor, 也請三思,因這纇工作其實技術要求不太高,前途是否真的有保障,也未必有把握。

    回覆刪除
  7. 響朶(我讀書時常聽人這樣說),為好事不妨呀!

    惟若只自矜身價者,童蒙之行而已。

    回覆刪除
  8. 多謝你甘詳細甘答我.....我會考慮清楚ga啦 hahahaha 衷心多謝你 ^^

    回覆刪除
  9. laulong:

    其實「凡事都可行」,重要的反而是背後的動機,和結果會否「造就人」。

    回覆刪除
  10. 匿名:

    Haha, you are welcome:)

    回覆刪除
  11. 撻「朵」....都係低調些好.....

    回覆刪除
  12. 最勁嘅朵係我"老婆嘅老公"...好!

    回覆刪除
  13. 幫小朋友搵學校時, 最多教會人士響朵了....

    回覆刪除
  14. 篤篤篤撐:

    對,但未必一定work.

    回覆刪除
  15. 睇下搵邊個曬,
    我有朋友想個女入dgs, 佢識得鄘廣傑, 唔搵就笨了。

    (最後, 佢真係冇搵, 驚害人害已, 個女, 入左國際學校算了)

    回覆刪除
  16. 篤篤篤撐:

    你個friend可能覺得入國際學校仲好呢。

    By the way, 我有個friend,兩公婆係工程師,自己係某大浸信會執事,拋埋主任牧師嘅推薦信,但個仔最後都入唔到間浸信會小學。

    結果我個friend 要搵間直資嘅DBS俾個仔入去讀算鬼數!

    回覆刪除
  17. 信教有著數! 起碼第日個仔入學有分加!

    回覆刪除
  18. 梁巔巔:

    係呀,我都聽過有人為咗仔女入名校先去返教會。

    回覆刪除