2009年6月19日

貧窮人導賞團

唔講真係唔知,原來香港有d所謂『貧窮人導賞團』嘅嘢!

君因工作關係,上週被安排要倍埋一班細路去參加呢種團。聽佢講,果日大家坐上旅遊巴,浩浩蕩蕩幾十人,話要俾人車佢地去深水埗睇吓d貧窮人喎。誰不知原來係車咗去長沙灣,個導遊指住One New York附近d舊樓,就話有好多貧窮人喺度住架喇。之後就帶埋成棚人走去順寧道街市附近影相。最後,(竟然又係旅行團嘅指定動作)帶咗佢地去一間指定嘅商號入面,自由購物!

當晚君將呢單嘢講番俾我聽,大家都覺得好好笑。果班細路其實都知俾人老點,有個唯有咁樣講笑嚟自娛吓:「個搞手只係識路去泊佢部靚車嘅啫,佢點會知深水埗其實喺邊度吖?」

13 則留言:

  1. 導賞團...用意何在?
    據我所知深水埗都大把有米之人,買樓係all cash一次過付款的.
    相同道理淺水灣也有窮人.
    窮...不是一度風景或名勝有什麼可觀賞呢!

    回覆刪除
  2. 哈!

    貧窮人導賞團係咪應該改做明昆你笨導賞團?

    回覆刪除
  3. 聶秀康 & the8:

    貧窮,不是生活得夠不夠金錢的問題;而是生活得沒有尊嚴!

    回覆刪除
  4. 我認為這是無聊的行程.

    要體會什麼是貧窮, 應到第三世界一行.

    回覆刪除
  5. 依家呢個年代個個有PSP,一年一次外遊,才需要有這些所謂假道學的導賞團。
    不如做下義工仲實際啦。

    回覆刪除
  6. richma:

    我覺得就算去到第三世界,如果只是抱著旅遊心態,最多是睇到貧窮,並不會體會到貧窮。


    鹿米館:

    Yes! 與其去睇,不如參與去做!

    回覆刪除
  7. 嘥鳩氣的trip, 啲細路學到條撚咩。皮毛野, 重要連毛都見唔到。

    回覆刪除
  8. 同意~ 要明白貧窮及富裕...不單指淨指向金錢方面,心靈也可以貧窮~

    回覆刪除
  9. 浪子:

    唔駛勞氣到爆粗喎,笑吓算啦。


    the8:

    Totally agree!

    回覆刪除
  10. shamsuhipoi是全港最貧窮區域, 但不是身處其中, 又怎可明白貧窮之意 ?
    o甘既導賞團, 綽頭多於一切

    回覆刪除
  11. 有d人窮到只剩下錢我都想見識o下

    回覆刪除
  12. 篤撐:

    除咗綽頭,我都覺得個團冇乜正面意義。


    匿名:

    窮到只剩下錢,呢d先至係真正嘅貧窮人。

    回覆刪除
  13. 有d人窮到只剩下錢我都想見識o下

    7:13 上午匿名

    >>有啊!

    台灣...呀扁家族

    香港...陳風水既按摩師

    回覆刪除