2009年6月14日

有冇試過夜晚一個人搭lift?

冇試過夜晚一個人搭lift?有冇試過夜晚搭lift時遇過一d不可思義嘅嘢?

以下係一次真人真事嘅經歷,細膽嘅朋友,我建議你都係唔好睇落去!


喺好多年前,當時我仲係讀緊中學,仲係住喺屋邨。有一晚,我去完自修室溫習番屋企,大概10點咁上下,唔算好夜,不過條老化左嘅舊式屋邨己經冇乜行人經過,四週仲黑鬼嘛嘛。我去到升降機大堂,都係一個人都冇,打開咗lift門,裡面冇人,得我一個走咗入去。

lift慢慢行,我就慢慢開始聽到有人唱歌,由初初好微弱至到越來越大聲,d歌詞我係完全聽唔清楚,之不過我可以好肯定,呢種歌我係從來都未聽過嘅。

Lift門打開,前面竟然唔係平常見慣嘅十三樓,而係去咗另一個朝代,部lift出面煙霧迷漫,歌聲原來係呢層樓傳出泥,lift口左右前面有兩排人身穿白袍企晒喺度,佢地件白袍由頭垂到落腳,個個雙手垂下,頭望地下,背住我企,所以我見唔到佢地個樣,只係聽見佢地喊。果度其實好昏暗,我只見到附近有d火光,前面好似有個大壇,有d似閻王殿!當時我第一個反應係:唔通部lift載咗我番去舊時果度?

忽然間,果d著白袍嘅中間走左個出泥跳吓跳吓,我定睛一睇,佢係唐三藏!

我俾條友嚇到我叫佢阿媽。妖!發生咩事呀?其中一件白袍回頭望吓我,我睇清楚d佢個樣.....佢咪係.....住喺走廊尾嘅?!我定一定神,省起佢屋企早幾日俾大耳窿放火燒死咗幾件個播!

唔通,佢地貪lift lobby地方闊落d,喺度就地打薺超渡?

PS: 當時其實正在做緊超渡法事,d白袍係著咗孝服嘅家屬,個唐三藏係法師,d歌係由佢唱經所造成嘅。

10 則留言:

  1. 好精彩啊, 重有冇多d見聞呀你?

    回覆刪除
  2. 浪子:

    呢d見聞,唔要都罷啦!


    篤篤篤撐:

    居邨d走廊,lobby真係好恐怖,好多時發惡夢都係夢見自己係果度。

    回覆刪除
  3. 我小時候睇過一部叫《兇榜》的電影,內容就係講電梯的恐怖故事,自始以後心靈受創,我都很怕一個人搭電梯!

    回覆刪除
  4. Bittermelon:

    睇電影攪到心靈受創,太可怕了!想起我都有個朋友,他也說他小時候看了驅魔人後,也弄到心靈受創。

    至於我那次搭升降機,好彩對我沒有多大影響。事後回想,我覺得好笑多過可怕。

    回覆刪除
  5. 你有宗教信仰或者會平常心一點!

    其實我看恐怖戲都係當笑片睇.

    回覆刪除
  6. 深夜搭升降機, 我怕壞人多過其他東西.

    回覆刪除
  7. 3ear:

    哈哈,就算有宗教信仰,如果遇到堅野,我都會驚架!


    richma:

    係呀,屋邨都有好多壞人架:)

    回覆刪除
  8. 嘩!! 俾我遇到, 實嚇死!!
    咁結尾你點收科??

    回覆刪除
  9. 自由行:

    班友仔當時其實係玩打薺,佢地著d孝服喺背面睇真係好似果d野,個唐三藏原來係法師!

    其實有機會留意吓殯儀館d法事,就可以想像下當晚嘅場景係點,真係好恐怖!

    知道班友通通做緊乜,自然個心定d,然後咪覺得好好笑囖。

    回覆刪除