2010年7月23日

酒店旅館「唔乾淨」(下)

上回分享過一啲以前公幹時所住過嘅「唔乾淨」旅店,今回再講吓另外一個從前經歷過嘅故事啦。

話說好幾年前,有次我要去到大陸某處比較偏遠嘅地方出Job,同行嘅係一位香港靚女client。大陸果度,係靚女嘅公司喺大陸開設嘅廠房。靚女嘅公司都幾大,佢哋廠房有埋自設嘅招待所,我同靚女於是好自然地,被安排齊齊住喺嗰度喇。

嗰晚,我做嘢做到好夜,一個人返到房間,已經係非常之攰喇,入到房,卻發覺原來已經著咗燈,仲開埋電視添。之不過,間房好暗,就算開咗燈,都只係俾點洋燭光少少啫,個電視雖然係著咗,亦只得雪花,冇乜聲,冇嘢睇。

我於是走去沖涼房諗住沖涼喇,誰不知,開門入去一睇,原來又係有燈好似冇燈咁!

我沖緊涼嘅時間心諗,會唔會有人入過我間房呢?點知,出面真係好似有人正在我沖涼嘅時間,靜靜雞入咗嚟咁,我同自已講:「唔好心多,唔好胡思亂想!」

我從沖涼房出嚟,發覺一個人都冇,莫非有人剛剛入過嚟,之後又出番去?

我唔理咁多,熄燈熄電視然後瞓覺,點知,過咗冇耐,燈同電視又自己著番,我諗,梗係電制壞咗,我嬲起上嚟,抽起門口條 Key(即係拔走總制),打開窗算數,點知,一樣係燈同電視時著時熄!我唔理(因為太攰),過咗冇耐,一切又正常番喇。

第二日,我將晚上嘅經歷話番俾靚女 client 聽,佢花容失色咁同我講:「你昨晚咁大件事,做乜唔即刻搵我,等我同你轉去另一間房呀?」

事實上,當一個人做到超攰嘅時間,係好多嘢都唔識驚,好多嘢都唔識想架喇!

27 則留言:

  1. 卡臣:

    係呀,不幸中之大幸!

    回覆刪除
  2. 哦,佢中意有啲光、有啲聲啫,冇乜嘢嘅。

    回覆刪除
  3. xiao zhu:

    係呀,冇俾野搞住我瞓就得架喇^^

    回覆刪除
  4. 鹿米館:

    唔駛驚,點都冇有蟲有老鼠咁驚嚇嘅!

    回覆刪除
  5. 相當同意,疲倦到見床便睡還那有精力管什麼奇異事件?燈?電視?算把啦!睡覺為大!

    回覆刪除
  6. 相當同意,疲倦到見床便睡還那有精力管什麼奇異事件?燈?電視?算把啦!睡覺為大!

    回覆刪除
  7. 聶秀康:

    講得啱!最怕係冇得瞓!

    回覆刪除
  8. 如果係我, 一定攰都嚇到精神番晒

    回覆刪除
  9. 入到間房有個女人坐喺度等你 (聽啲 friend 講係妓女), 仲嚇一跳! 以為係鬼!

    回覆刪除
  10. BAND 5 仔:

    咁咪成晚唔駛瞓?!

    回覆刪除
  11. 當一個人嘅情緒去到好癲峰下(即好開心好嬲好攰等),就乜都唔怕了!

    回覆刪除
  12. 我反而覺得係啲線路問題,
    根本插唔插匙落去都會著,
    舊嘢神神哋唔奇吖!

    回覆刪除
  13. 如果果d野係好勁,根本無可能反抗/對抗,所以驚都無謂

    回覆刪除
  14. 哦~ 不明來歷可能係鬼物體.

    回覆刪除
  15. 梁巔巔:

    OIC^^


    the8:

    Exactly!!


    新鮮人:

    其實我都有咁諗!


    hkeric:

    根本無可能反抗/對抗??咁咪仲得人驚?!

    回覆刪除
  16. 不要漏了前三個字"可能係"~

    句子結構係"不明來歷" + XXXX + "物體".

    XD

    回覆刪除
  17. 信耶稣的也怕鬼咩?呵呵~~~

    回覆刪除
  18. DeepC:

    哈哈,唔駛咁認真喎^^

    回覆刪除
  19. 嘿嘿:

    如果隻鬼真係猛到夠膽死連信耶穌嘅都敢嚇,都咪話唔得人驚呀。

    回覆刪除