2012年4月3日

沽空「梁X英」

網上圖片
最近,有隻 IPO 叫做「梁X英」,雖然同佢做 Due Diligence  嘅時候就已經發現呢隻嘢可能有啲問題,但最終結果都係無損佢可以順利過關,能夠在七月一號正式上市嘅結局。喺上市當日,全香港市民都將會被過兩手,人人有份永不落空,冇得唔要!

最初,一般散戶對呢隻 IPO 嘅印象都好唔錯,不過隨後一眾傳媒、講古佬等等,日日喺度拼命係咁向佢唱淡,猛咁話隻嘢其實背後完全受造市者人為所操控,唔信得過。結果,終於令到市場普遍預期,呢隻嘢雖然上到市,但都將會對後市大大不利,尤其是對地產版塊負面嘅影響為甚。結果,大家未等到隻嘢正式登場,就已經有庄家搏晒老命咁叫大家做定沽空準備!

所謂千祈唔好跟個市場對著幹!我有位同事就係因為相信呢個道理,竟然真係好心狠手辣地,完全瞓晒身咁去等住食盡沽空「梁X英」呢個浪。佢仲話有 friend 同佢講過,聽聞阿李巨富會好快質低個樓市,去對沖隻 IPO 所帶來嘅衝擊咁喎。因此,呢位同事最近立刻賣咗層樓,一於坐定定等個樓市冧,實行切切實實地,曲線地去抽沽空「梁X英」嘅水!

老實講,投機嘅嘢點話得埋呢?我真係想溫馨地提示我同事一句:現在似乎幾幫大鱷正在互相開緊片,個市最後被挾高又好挾低又好,我地呢啲散戶結果都係被人漁肉居多,都係冇乜著數,因此不可不防,小心!小心!



(本文並非任何投資誘勸或建議)

27 則留言:

  1. 哈, 好文章! 叫多d人來欣賞吓都好.

    回覆刪除
  2. 舞了:

    那裡那裡^^

    多謝抬舉:)

    回覆刪除
  3. 早兩日出這篇正D, 一號, 應節.

    回覆刪除
  4. DeepC:

    早兩日要睇實個巿嘛,唔得閒^^

    回覆刪除
  5. 哈哈,俾你具體化咗個沽空活動 XDDD

    回覆刪除
  6. 護盤基金經已就位,
    等候到時夾你空倉!



    倒不如準備好啲彈藥,
    認購盈富基金二出台!


    小心小心!

    回覆刪除
  7. 哈哈!咁你一定有好多手準備啦!

    回覆刪除
  8. 卡臣:

    乜嘢係「窮人恩物」?

    回覆刪除
  9. laulong:

    堅料嚟架,我同事真係賣樓等巿冧架^^

    回覆刪除
  10. Quality Alchemist:

    都係架,好易會引到大鱷挾淡倉架!

    回覆刪除
  11. the inner space:

    即係等執死雞?

    回覆刪除
  12. Coffee:

    我只係做觀察員啫。

    回覆刪除
  13. 410萬樓「窮人恩物」
    2012-03-31

    調整字體︰大 中 小
    【明報專訊】香港窮富懸殊有幾厲害,從地產代理嘅廣告就可能睇到端倪。Emily噚日見到facebook熱傳一張地產代理推銷荃灣楊屋道樂悠居753平方呎單位嘅廣告,410萬元開價,但用大大隻字「窮人恩物」做標題。有網友話廣告「黐線」,有網友話,呢個單位若做七成按揭,首期要123萬,想起以前有100萬現金已經係百萬富翁,難免有啲感慨,有網友話,「窮人」定義要重新定位咁話。

    Emily好奇之下計數,若「窮人恩物」住宅以2.2厘息、分20年做七成按揭,每月供款1.48萬元,以五成供樓負擔計,已經超過本港家庭入息中位數(約2.1萬元)。換言之,按代理嘅邏輯,本港逾半家庭都係窮人。有網友嘆氣,話喺香港生仔、買樓各要400萬,不如研究移民瓦努阿圖算嘞。

    ***

    又,如果做沽空「梁X英」的衍生工具發行商,豈非就是「發輪功」?

    回覆刪除
  14. 魔術師:

    哈哈,「發輪功」都俾你諗到,好嘢!佩服!!

    回覆刪除
  15. 剛剛在劉朗兄出留言,覺得也合適再次一文兩發,還希以便兄見諒!

    》》
    事實上民主的投票選舉方式,候選人都是靠講政綱 platform 賣愿境 vision 開支票 post dated cheques,選民 buy 唔 buy 候選人,都是像買期貨 forward,到時能否兌現,還是未知數。

    就是是搏連任的候選人,除了以往政績外,也是靠 sell 連任後,唔會跌 watt,仲加有乜新德政也!

    哈哈哈,再一次驗證,劉朗兄用“示威都有期貨? ”和 以便兄的“沽空梁X英”,為題來論政,是與時並進,利用比喻去說明,選民和候選人都是 speculation/ speculative 在買賣期貨矣!

    至於風險管理 risk management 就各施其法,有人 bare naked 赤裸裸坐盤,有人會 hedging 做對沖啫!

    回覆刪除
  16. 至於:即係等執死雞?

    可能不盡是“死雞”,等候有冇盈富基金2出台,只是採取較保守的守勢。

    進取如以便兄朋友,竟然真係好心狠手辣地,完全瞓晒身咁去等住食盡沽空「梁X英」呢個浪。佢仲話有 friend 同佢講過,聽聞阿李巨富會好快質低個樓市,去對沖隻 IPO 所帶來嘅衝擊咁喎。因此,呢位同事最近立刻賣咗層樓,一於坐定定等個樓市冧,實行切切實實地,曲線地去抽沽空「梁X英」嘅水!

    只可以講句:富貴險中求! 少啲心血還是安分守己做順民。

    回覆刪除
  17. the inner space:

    我想,販民又好狼營又好,佢地都好明白「有大智慧不如趁勢」呢個硬道理,因為,由狼英未出閘以至之後上了馬都好,大家都仍會互相努力地為自己做好個勢。

    我想,廣大散戶此刻應該睇清楚枱面上面真正有d咩人同自己對賭緊?自己手上、對家同枱面有乜牌?邊個做緊牌邊個叫緊糊?咪人叫你同乜牌你就出乜牌先係架!

    回覆刪除
  18. 哈哈哈!以便兄小弟屬胸無城府之輩,在麻雀檯上被老雀友一看睇穿嗮!

    回覆刪除
  19. the inner space:

    慚愧,小弟其實唔識打麻雀架:(

    回覆刪除
  20. 哈哈哈 兄台識打“話事啤牌”更高!

    回覆刪除
  21. the inner space:

    小弟其實對任何賭術都不精。

    回覆刪除
  22. 網誌管理員已經移除這則留言。

    回覆刪除