「義海」隨筆



維基百科圖片

昨晚，終完看完了「義海豪情」的大結局了。

一個星期長的結局篇，給我的感覺是在收結著一個又一個的人生故事。由梁非凡、向山鐵也、晴晴、軍爺、喜姨、一班街坊、以至到劉醒和鄭九妹的結局，彷彿一下子看盡了百味人生。

自己有幸常常有機聆聽到好多別人的人生經歷，有些故事說來會較動聽，有些卻是平平淡淡，然而我知道，上天給每一個人都有其獨特的故事，而每個都是各自各精彩。

梁非凡終其一生悟出：「原來個天係一直睇住我哋班友仔點樣做人！」，軍爺到死方知道：「其實所有嘢都係有得揀！」然而，他們都是遺憾而終，可哀！

我不知道如果一個人生命走到了盡頭時，是否也如昨晚的結局一樣，會是一場又一場的前塵往事又再浮現於腦際？一句又一句刻骨銘心的說話是否又再湧上心頭？但願，當我走到人生終結時，再回看我走過的一生，我可以坦然地說聲，無憾！但願，我能帶著我所愛的人的各樣美好記憶而去。


當年今日：反對 GST

豈容「上品無寒門」！

網上圖片

今早看信報，有文章標題為：《直資摧毀向上流動香港夢》(詮)，其內容正當頭棒喝地點示出了現今香港教育的荒謬。原來，現時香港好些「名校」，實際上已經淪為「上品無寒門」的格局了，今天，已經再不像從前般，可以容讓窮小子藉著通過良好教育的機會，給弱勢成就出頭之夢，再也不能體現「將相本無種，男兒當自強」的精神的了。

香港的所謂「名校」，其實好多都是教會學校。今天，這些「名校」淪落到如斯光景，根本就是教會之恥！這陣子好多人出來指責那些直資學校管理「混帳」、又或者怪罪教育局監管不善，但為何總沒有人出來責備教會，問問何解他們所辦的那些「名校」，是否已偏離了初初在港興辦學校的信念？

在以前的香港，不管是天主教會也好，或者是基督教會也好，除了致力貢獻於社會服務之外，都好願意把其資源分配於辦學之上，因為對「人」來說，教育可以長遠地改變命運，是給予「人」落地踏實的「好消息」，是讓「人」認識「福音」的好機會。以前，即使是「名校」，總不能拒絕窮人於千里之外，況且，“committed to the poor” 根本上是基督宗教的一個基本價值觀。

今天，若連把持基督宗教信念的學校都不再與弱勢者站台，甚至還親手泡製出「上品無寒門」的門第障礙來，弄到連向社會交帳都不能說得過去，將來，教會又怎可以跟上帝交帳呢？



詮：《男拔英皇窮舊生狠批：直資摧毀向上流動香港夢》，紀曉風，信報，2010年11月26日



當年今日：正眼觀鬼

Thanksgiving

今天是感恩節(Thanksgiving Day)：一個在香港沒有多少人關注的西方節日。

好奇怪，香港人對西方的大部份節日都照單全收，甚至連萬聖節都竟然有神父在今年走出來說交鬼有理，卻唯獨是這個蠻有意義的感恩節，卻沒有人問津，難道「感恩」在港真的沒有市場？

過往幾年，都有朋友特意地借感恩節之名走來我家一起聚聚，記得有年只有一個朋友到我家一起喝紅酒，卻好開心；又有一年好大顆人跑來食大閘蟹，十分熱鬧；昨年好像沒有人來了，只是一家人吃吃火雞片算了；而今天晚上，我只盼望和晞晞一家人溫溫馨馨地，簡簡單單在一起看「義海豪情」結局版，就已經足夠了。



當年今日：龍門酒樓

朋友

網上圖片

昨日與朋友午膳，席間談到最近又有教師自殺身亡，大家都不勝唏噓。而其中一位朋友更被這單新聞勾起了好深的情緒，事緣他曾經因為拒絕過一位好友的傾訴邀約，結果之後發現那人去了跳樓身亡。

在我所認識的朋友中，有過相類似經驗的不只一個，而在朋友圈子內彼此常常的提醒及警告下，我們大家都有不成文的共識：一方有事，八方扶持！

別以為我認識的這班人都是基督徒，所以就理所當然地滿有愛心。其實，原因是他們都有過點人生經歷，甚至曾後悔過，所以現在對「人」才更加敏感。

別以為信了耶穌的一定有愛心，不久前另一位朋友才和我彼此交流過一些教會經歷，大家都不約而同地笑說：「別天真！」

我因有一班生死之交而無憾，而巧合地，他們都是基督徒。

書法

我很喜歡晞晞寫的毛筆字，在我眼中，那是獨一無二的藝術品。我喜歡他的書法，因我相信，每次當他舉筆寫字，都在陶冶他的性情，也在加強著他的個人氣質及修養。

學而時習之，不亦說乎？人不知而不慍，不亦君子乎？

黐晒線

網上圖片

前日，同個舊同事食飯，佢猛問我 iPhone4 有乜 app 好用，因為佢剛剛出咗兩部，一部俾自己用，一部俾佢老婆。我仲好記得，曾幾何時，佢曾經誓神擘願話自己係一定唔會用 iPhone 嘅。

昨日，另一個 friend 話叫我留部 iPhone4 俾佢老婆，因為佢雖然已經買咗部 N8 俾老婆，但大人話唔係 iPhone4 唔算數。

今早起身睇電視新聞，發覺啲人現在已經開始通街搶 iPhone 喇，仲係 ４日有３單咁多添。

番到公司，即刻收到一個豬狗朋友來電，佢話 iPhone4 禁賣令已接近一個月，到今個月尾應該連街貨都冇，到時，恐怕好快就會有恐慌性情緒出現。

再過多陣，嗰位豬狗朋友又打嚟，佢話香港 Apple Store 忽然開賣番 iPhone，我即刻去 Apple 個網度睇睇，但已經發現個網好唔穩定。同一時間，在 MSN 即時又不斷有人湧入嚟報料。冇耐，已經知道個 Apple Store 香港官網同埋中文電話訂購熱線已經在十數分鐘內淪陷咗，而英文電話熱線就好勉強地仲可以運作，我即刻同阿豬狗講：「仲等？速速打去英文台入市啦！！」點知，過咗冇耐，阿豬狗打番俾我，佢話：「我都落緊盤架啦，半路中途都可以被人封盤嘅！！」

原來，Apple 在今早解除 iPhone 禁賣令只有短短 45分鐘，就急急取消開賣，睇嚟，Apple 真係頂唔順！

Lunch time 去間茶餐廳食飯，一張大圓枱總共坐咗10個一齊搭枱嘅食客，個個都揸住部電話，但只有兩個唔係用 iPhone。

我忽然想起九姑娘咁樣講過：「我真係好想一把火燒晒啲 iPhone 鴉片！」


當年今日：
晞晞受傷了
憑著愛

老楞佐

晞晞的手傷了

今天一早，如常交低咗晞晞俾球場班足球隊後，就走去準備參加祟拜。點知，食完早餐後剛抵達教會門口之時，就接到晞晞踢波受傷嘅電話，我立刻走入教會叫牧師幫手祈禱一下，之後就急急跑去睇睇究竟咩環境。

去到球場，發現有一位前醫生老人家，已經替晞晞用佢嘅手巾仔手包紮好隻手，仲用兩隻手掌托住晞晞整隻左前臂添。佢一見我，就將晞晞隻左前臂好小心咁交咗俾我，我本來想問問阿老人家隻左前臂有冇條條 fing 嘅，但當接住整隻軟淋淋嘅手仔嘅時候，唔知點解又問唔出口？！

晞晞猛話好痛，位前醫生老人家好好心地，佢話不如私人醒半粒止痛藥俾晞晞食好唔好？點知晞晞一聽到要吞藥丸，即刻話 no thank you！另外一位哥哥仔隨即安慰晞晞：「哥哥即刻車你同埋 Daddy 去醫院急症室打止痛針啦！」晞晞再聽埋個針字，終於忍唔住喊咗出嚟。

一入到急症室，我扮到個仔已經甩咗隻手出嚟咁，不過咁都只係搏到個 semi-urgent 籌啫。唉！佢地真係專業，冇計！！

其實香港啲公立醫院服務真係唔錯！見完急症室醫生又照X光又見骨科又打石膏又有藥攞，仲有輛椅坐有護士推，通通埋單總共都只係收一舊水咋，仲想點？！

原來晞晞啲骨只係裂咗少少，只需要係咁夷打六個星期石膏啫，多謝上帝保守！

有種！

估唔到劉生原來係咁有種，真係人不可以貌相！

RTHK 圖片

全國政協委員劉夢熊在報章刊登全版文章，批評內地當局以「尋釁滋事罪」，判處趙連海入獄兩年半，是踐踏中國公民的憲制權利 。

劉夢熊說，趙連海是受害兒童家長，法院將他由原告轉為被告，是以司法腐敗，壓制民眾合理訴求，掩蓋行政腐敗。劉夢熊認為，趙連海只是行使公民權利，並不涉及尋釁滋事罪，所以他所犯的只是「無罪之罪」。

劉夢熊又形容這是一宗「冤案」，是一個反面教材，有良知及有正義感的人，都會覺得「政改應由法治始，誰不政改誰下台」。
（RTHK, 2010-11-12)

人在做 天在看

蘋果日報圖片

神站在有權力者的會中，在諸神中行審判，說：

「你們審判不秉公義，徇惡人的情面，要到幾時呢？

你們當為貧寒的人和孤兒伸冤；當為困苦和窮乏的人施行公義。

當保護貧寒和窮乏的人，救他們脫離惡人的手。

你們仍不知道，也不明白，在黑暗中走來走去；

地的根基都搖動了.....」

(詩82:1-5)

發緊夢

網上圖片

近排，日日朝頭早喺張床度瞓醒覺，一擘大對眼嘅時候，腦海入面都係會第一時間閃出個好富思考性嘅問題，就係：如果我發咗達，唔駛做，我今日嘅生活會係點樣嘅呢？

我仲會唔會倒屎咁早就爬起身呢？我諗唔會囉！梗係要瞓到安樂醒先算有益身心啦！！即使起咗身，我會唔會又係去大０樂大ｘ活，食埋啲根本上係一模一樣嘅煎蛋早餐 or 炒蛋早餐呢？一定唔會喇掛？！我諗，我會一早去郊外野餐，鋪張格仔枱布喺草地上面，一路煲咖啡，一路烘多士搽果醬，在優美嘅風景環繞下，嘆我嘅 continental，然後攤喺度思考一下人生嘅道理。

食完早餐，去做 Gym 都唔錯！鍛練吓嗰一身性感嘅肌肉，之後就再去淺水灣曬曬，當係改善吓香港嘅市容，甚至當益吓啲妹妹仔，俾佢地欣賞吓又點話吖，嘿嘿^^

夜晚，同埋三數紅顏知己飲吓紅酒，數吓星星，在花前月下，大家講講好笑嘅趣事，聽愛聴嘅音樂，做愛做嘅事，爽！

以上嘅美夢，我每日只可以容許自己發一分鐘啫，因為，我要快快欄起身，死去返工:(