2006年12月20日

一個人在廟街


今晚放工嗰陣好冇mood(唔知係唔係作病?);望吓隻錶,“咦!花花地喎,不如去老廟磨磨佢好喎。”心諗 “橫掂都好耐冇行過老廟啦!”於是就咁一個人去咗廟街。

我載緊嗰隻蛋係 Rolex 白鋼 Oysterdate (之前嗰隻係唉呀King 〔Air King〕)。千祈唔好以為只有d有錢人先載撈,咁樣諗其實係好唔啱嘅;喺我老竇嗰個年代, d地盆佬差不多都有載撈。(勞力士個名唔知係唔係咁嚟?)草根階層其實都有佢地一套獨有嘅載撈文化,而其中一個體現呢種草根載撈文化嘅地方就係廟街。細個嗰陣,記得老竇帶我行老廟都見過有幾檔賣二手撈嘅檔口,(依家就唔知仲有冇喇),而當中仍然存留至今嘅,就係我今晚要搵,老竇講可能係香港最後一個,亦係最好一個嘅專業磨撈人!

我依家隻撈係我老竇送俾我嘅,除咗我已經收埋咗好耐嗰一口流利嘅粗口之外,就係勞力士時刻提醒我自己係出身草根,佢地代表住老竇留俾我嘅傳承…我諗我一路都會載撈,希望我個仔第日都係。

今晚等咗好耐都唔見個磨撈人,之後先知佢今日休息。唉!緣慳一面!本來又想試吓文明里附近檔煲仔飯,不過今日好似病病地,食d咁污糟嘅嘢怕會出事,都係唔食算罷喇。

4 則留言:

  1. 喺無間道II套戲度,Edison 蛓嗰隻就係Air King 嗽,型爆!!

    其他角色都係蛓撈:
    吳鎮宇:白面紅蟳
    余文樂: Submariner 或 GMT Master
    四個黑幫老大 + 曾志偉: 各式紅白蟳, 半蟳 + 滿天星

    回覆刪除
  2. your blog so great, may I forword to my friends ?

    小月/ moon

    回覆刪除
  3. 小月客氣!此Blog本來是公開的,那有不容別人傳開之理?

    難得閣下不嫌拙Blog膚淺乏味,在下已感心滿意足!

    回覆刪除
  4. 我都好鍾意 Rolex 的其中一款藍面datejust, 細細隻, 好靚。

    一直以來都想擁有一隻柏德菲臘, 你睇, 我地呢d 凡夫俗子幾可憐, 一顆心就係俾 d 雜誌廣告污染晒!

    回覆刪除