2015年8月19日

The WAR has begun

昨日,少爺特意微服出巡,突擊出現並參與了為前線員工而設的意見分享會。

今早,老細氣沖沖地跟我説:「local management 竟敢隨即對某些發表了意見的員工,秋後算賬!」

今早,老細對 local management 高調宣告:由即日起,所有炒人、處罰、請人、升級降級等等人事事務,必須有他 endorsement才算數。即是說,他即時收回班友仔的生殺大權。

今早,我拖著妹妹仔,踩了上前線,高調地安撫 front line 員工,公然地大大聲説:We value people!!!


網上圖片
其實,我已經走上了不歸之路...
並非因為我已在眾女面前勁 Man 勁型爆,而是:
The WAR has begun.


2015年8月17日

炒魷

今早,監察住佢地炒咗兩條友。

總算過程順利。

網上圖片

2015年8月15日

放低

昨晚瞓覺發夢,夢境全係在公司搏殺火拚D嘢,一覺醒來,竟然腦海內已經擬定好哂星期一開工要嚟一場突擊做嘢嘅 job plan,未起身落床已想拿起電話 what's app 妹妹仔點樣做定準備。

然而忽然記起,原來今日係星期六,昨日在公司已經見到妹妹病病地拍緊藥,因此決定,都係俾自己俾同事放咗工就放低工作算喇。

2015年8月14日

點解

點解?點解次次捉到出泥在公司亂Q泥嘅,個個都係平時在公司表現到好屬靈嘅基督徒?

一個係咁,兩個係咁都算,點解個個都係咁?

2015年8月13日

屎包唔住火

所謂屎係包唔住火,繼昨日及今日上午兩單杰嘢後,今日下午單嘢,老細又好快報上去少爺度,還CC 埋眾 Directors.

我老细真係睇得起我,竟然向少爺響我全朵話由我跟😳

少爺隨即問幾時可搞掂?我老細又好快幫咗我答佢:
By the end of next week.

我老細咁睇得起我,即係喑示咗:Do it or die!!!

做野

今早一返到 office, 老細急 call, 話收到風,front line 有人夾埋準備玩野。
又要準備作戰!


下午又爆新嘢。
忽然老細收到舉報打單信,又要急急上馬做 investigation, 希望唔洗出刀,唔洗又見血啦。

2015年8月11日

壓力

最近,返工好像打仗一樣,每天都有「挑戰」,可謂鑊鑊新奇鑊鑊甘,壓力超大!

為求減壓,我每天都會好快地速寫一些記錄存留在 facebook 之上。然而,為怕隨著歲月而流失了這些記憶,因此,我就把這些片段都也抄在這網誌之內,好作存照。

2015年8月7日

盤差佬

最近,因為集團某公司發生咗太多嘢,搞到我心理唔多平衡。

今日下午,帶住妹妹仔鏟入某「保安部」,向果位係退休高級督察嘅保安部主管「問話」。

我真係冇諗過我會有機會盤一個前高級差佬,仲竟然可以盤到佢驚到囗㗧㗧。可能,我呢排壓力真係太大!

嚇親

今早一返到 office, 即刻有人同我八掛,話昨日有個會,某部門有個 sec 嚇到之後喊咗出泥。

2015年8月6日

打交

今日一口氣連續開咗七個會,其中有兩個會中途有人打交,現在攰到飛起。

我愛千頌伊

荃灣間酒店新請咗個 Marketing Director, 嘩!勁似千頌伊!!

呢個星期我接觸過佢三次,竟然三次見佢都唔同髪型,仲係唔容易梳出泥果隻,勁!

2015年8月5日

開拖

今早開完會搭搭下 lift,果個 FC 忽然兇我個妹妹仔,我隨即拖住小妹妹踩入佢房講數,FC 發哂爛渣猛咁拍枱,情緒失控。

細佬我出得嚟行,咩場面未見過?妳同我嚟呢套?

在「我在黑社會的日子」裏,發哥都有教:
有道理嘅就大聲夾惡;
冇道理嘅就禮橫折曲。
呢招我一眼睇穿!

我同 FC 講:「我同妳都係在EY train 出嚟,同我少行呢套!我地大家交過手咁多年,妳係咩人我係咩人大家心照....」對住女人我情願動之以情,免得過唔會同佢硬砌。

結果,返到 office 我呵緊妹妹仔果陣,個 FC 打嚟 say sorry.

2015年8月4日

同路人

今日臨收工,被集團某酒店嘅GM捉咗入佢房,聽佢呻足兩粒鐘,焗住聽佢係咁講粗口。

我還以為,最近只係得我心理唔平衡添,估唔到仲有同路人😅