2010年4月28日

甚麼叫做神蹟?

甚麼叫做神蹟?究竟怎麼樣的神蹟才教人最是震撼?

是親眼見證著一位多年來半臥在電動輪椅上的女子,今天坐在自已身傍附近,然後徐徐地步上台上說其經歷?

抑或.....

是會有些人默默地對別人作多年的關顧扶持,不離不棄,甘苦與共?

是人與人之間再沒有身份貴賤尊卑之別,只有真情相待?

是一個暴風少女,決心浪子回頭,然後重新做人?

是流離失所者可以有落腳之地?

是有人雖然殘障,並且身體時常隱隱作痛,仍有能力披上兒童導師的制服,服侍別人?

是一個個已經殘破不堪的家庭,可以破鏡重圓?

這些年來,曾眼看過好多神蹟在身邊發生,雖都不是些甚麼靈異事情,不過,和見到位100%永久傷殘者在眼前行走一樣,都同樣地叫人震撼!!

A Serious Man

電影《A Serious Man》的中文名字居然可以非常離奇地譯成《非常戇男離奇失婚》,世事果真無常!
*******************************
榮獲 奧斯卡金像獎 2項提名︰最佳電影及最佳原著劇本

奧斯卡得獎編導高安兄弟,今次帶來一個平凡的男人,在茫茫宇宙中尋找自我的故事。美國中西部一間大學的物理教授拉利實在倒楣。妻子嫌他沒出色,搭上他友人離他而去。他失業的哥哥賴在他家裡不走;讀猶太學校的兒子操行惡劣;女兒老是偷他的錢,打算走去隆鼻……。禍不單行,一封無名告密信可能砸破他的飯碗,另一邊廂又有學生恐嚇要告他誹謗。為了重整人生,拉利求助於三位猶太教祭司(正確應該是:拉比。又亂譯!) 到底三位祭司(拉比)能否助他解決中年危機,令他成為一個值得尊重的真男人?
******************************

好明顯地,這是一套猶太味道很重的電影。然而自己作為「外邦人」,用上一雙「外邦人」的眼睛去看此戲,似乎仍能察到處處隱現之回甘味道。

我想,好容易地便可以一眼看得出,此片的故事跟聖經中的《約伯記》十分相似。「外邦人」常說《約伯記》是探討苦難的,而此片重點想說的,又會是甚麼呢?

《約伯記》最中心的一節28:28提到:敬畏主就是智慧;遠離惡便是聰明。電影主角似乎就是這樣的一個人~跟約伯一樣。但是,又如何?

世上苦難有二:
面前所察覺到的事,心裡一直不敢相信會是真的,最後,竟是真的?
心裡一直對某些事某些人抱有信任,最後,眼仍未能見,仍是落空?

片中首尾兩個故事/情節會否在互相呼應?恰似《約伯記》的結構嗎?

世事多磨,窮極呼天,片中主角決定去向三個拉比討教(約伯也有三位朋友走來教他),我想,主角見了這三位拉比後,心情也不會比約伯見了那三位朋友後好受。

第一位見習拉比的答案,好明顯是一般拉比都會給的標準答案:不要拘守平常的法則,要具創意地去面對.....然而我會問,甚麼可以不拘守?甚麼要確信,並且堅定不移?

第二位拉比同意上天有時會給予人經歷一些好奇怪的事,但只要那些事不太影響自已,不理也罷!但是,如果奇怪的事大大地影響著生活呢,怎辦?

第三位最高級拉比的答案是:我在“Thinking”。只想不做好可能在猶太人來說,是絕對混帳的回覆。世事就是吹脹?

我不認為從此片中可以找到甚麼樣的答案,看了後好可能反而會誘發出更多的問題。然而,我相信,懂得去問、好的問題可能比起確切的答案更可貴、更有智慧。

2010年4月8日

Audit IQ 題


假如你係一個 Auditor,即將要到外地進行一項有關採購運作嘅審計工作;你有十日嘅時間做 field work,你乜嘢部門都可以去、乜嘢人都可以搵、乜嘢都有權攞、乜嘢都有權睇、乜嘢都可以問,你第一個問題會問乜嘢呢?(謎底在本版)

以前曾經聽過一個真實嘅故事,話說有個 Auditor 出完 Job,做完晒 field work 番嚟之後,大大聲喊話啲 Auditee 唔俾嘢佢,唔同佢合作。佢上司睇完佢搵番嚟啲料之後,發現果然真係一堆垃圾,於是就好火滾地問咗嗰個 Auditor上面條問題喇。

謎底:請按閱讀更多

2010年4月7日

月滿軒尼詩

午飯時經過灣仔嘅壇島餐廳,不經意地走咗入去,隨便就點咗一個下午茶餐(其實下午茶餐咪即係午餐,都係嗰啲嘢啫!)。

埋單時先發覺,原來間餐廳貼滿晒附圖嗰張海報,一個貌似老細嘅阿伯見我望住啲海報,就笑口騎騎咁向住我四萬咁口,我隨即搭吓訕,問佢:「呀老細老細,嗰套戲有喺呢度拍過喇,係冇?張海報嗰處就係呢間餐廳啦,係咪?」阿伯聽後笑得仲甜啲。我再落藥:「掂啦,你間餐廳!套戲咁正,直頭好過歲月神偷啦,遲啲佢實攞獎架,真係。」阿伯好似好冧咁喎。「嗱,到時不單止成個灣仔唔准拆,你間餐廳實係仲威水過永利街喇。」阿伯聽後更加笑到見牙唔見眼。

我之後數下佢找番俾我啲錢,咦!乜啱哂數嘅?我咁落藥法,佢都唔找多啲俾我,點解?!!

2010年4月6日

Broken Promises

我有位朋友係個賣 PC 嘅 IT 人,平時 note-book 不離手,佢對 PC 嘅認識有幾多我唔知,不過我好肯定嘅係,佢一定知得多過我! 
呢位仁兄最近唔知發咗乜嘢神經,喺兩個禮拜前無啦啦出咗部 MacBook Pro 嚟玩;幾日前在飯聚中遇到佢,呢位 Mac 新手係咁雞啄唔斷咁話 Mac 介面點正點正,用 Windows 點谷氣點無癮。我心諗,條友仔雖然係反應誇張咗啲,但亦不無道理!
我好覺得,好多人用 Windows 同睇 CCTVB 嘅情況係一模一樣,一路睇一路鬧,但係即使係鬧仍然係咁要去睇,真係幾吹脹架!