2011年5月24日

大陸趣聞

潛咗一排水冇出過帖,最主要嘅問題係因為自己懶,另外仲有少少原因,係因為先排又要返大陸幹粗活。
圖中司機正在高速公路邊午睡

神洲祖國,係一處即使無論去過幾多次,都唔可以經歷得晒佢可愛嘅地方!果種剌激好玩法,鑊鑊新奇,點都估佢唔到!!

四月某某天第一日:
剛剛抵埗,已經係中午十二點過咗少少喇,心知不妙,因為呢個係佢哋要午睡咁上下嘅時間,見到公路上啲司機都開始將車泊埋路邊搵地方瞓喇,入到去做嘢嘅地方,真係所有人都閃晒。

四月某某天第一晚:
其實我在番大陸之前已經病咗,所以我帶埋包藥上大陸食。我買咗個杯麵,諗住臨瞓前食完麵再食藥。我將啲熱水沖落個杯麵度之後,濃濃麵香伴隨一陣水蒸氣,隨即升到上天花板咁高,點知啲曱甴就咁樣從啲傢私背後處被引晒出嚟,我當時即刻想起電影長江七號中嘅某一幕.....

四月某某天第二日半夜:
間睡房好多蚊,雖然我已被藥物影響至眼瞓到有鬼都唔理,奈何啲蚊在耳邊飛過嘅聲浪,真係同轟炸機差唔多,我係咁夷在自己身上拍死幾隻,再著燈睇睇,原來已經成手血,當然隨即想要走去厠所洗手喇,點知,有隻小強原來已經企咗喺個水龍頭把手度等緊我,心想:好彩記得著燈啫,否則又成手漿啦!

四月某某天第三日夜晚:
膽粗粗同個同事兩個叫咗架白牌車出去搵地方食晚飯,食完飯,在街邊見到有的士,諗住搭番做野嗰度,實無死啦,點知行下行下,個天都黑晒,車到去一個伸手不見五指嘅地方,個司機先話唔識路,佢老人家仲發老脾,話唔收錢費鬼事搵路,叫我地在公路邊落車喎,我隨即係咁猛呵佢,好彩最後都冇事。

2011年5月20日

滿城盡發黃金夢

蘋果日報圖片
今晚攪珠的億元超級六合彩已經叫好多人著了迷,據說不止是港人瘋狂,甚至連國內同胞也熱烈參與,因而令全港的投注站迫爆人龍。照今天的蘋果日報所報導,有母親為了買六合彩,竟然連四歲女兒也不理,讓小孩在投注站外哇哇大哭。今期六合彩的魔力,可想而知。

昨日,公司內一位虔誠的「天主教徒」到處叫人跟她一起合資去買六合彩,結果有五位同事即時報名,不知到了最後,她可以集資到多少去落盤呢?

六合彩要中頭獎的機率大概是一千四百萬分之一,預計今次頭獎的派彩約有一億元,那麼,如果真的可以一票獨中的話,這期六合彩中頭獎的期望值(Expected Value)約等於:

Expected Value = $100,000,000 X 0.00000007142 = $7.142

再減除注碼十元,這個投資項目的值搏價值 = $7.142 - $10 = -$2.858

換句說話,是「蝕硬」!!

今日在 Hong Kong Discuss 有人盛傳己經有人買了大包圍(見附圖*),如果屬實,這一億元彩金還要跟人對分,期望值就起碼再要減到 $3.571,值搏價值又至少再要蝕到 -$6.429 了。

可能有人會說買六合彩其實是為了支持慈善,但問心那句,當真?!

*疑似今期六合彩大包圍投注彩票

當年今日:
從紅衫軍到香港的堅尼系數

2011年5月17日

回來了

網上圖片
一直以來,自己基本上只寫「人算天算」這一個網誌。我沒有替它預設過甚麼固定的風格及取向,每篇帖文其實都只是隨便地隨心而出,但求盡意坦坦蕩蕩地去寫,然後又開放地、隨緣地跟江湖上各方好友開懷地聊,已經於心足矣。幾年間不經不覺地結識了好多網上好友,這大概是上天對我的一份額外賞賜吧。

最近,放多了些時間在學習之上,同時間也少寫了「人算天算」的帖子,更甚者,心機還多放了在寫學習筆記之上,在此消彼長下,駐足在此閒聊的時間又更少了。

最近在寫自己的筆記時,都有閃過它們有沒有可能公諸於世的可能?然而再想深一層,那些材料,根本不知道對自已有沒有好處,但就肯定會害人不淺,因此都是就此作罷好了。

還是提提自已,不要太過荒廢「人算天算」,否則,好容易即使執筆再寫,恐怕都沒有人會再肯去看的了。


當年今日:
民智未開?