2011年5月24日

大陸趣聞

潛咗一排水冇出過帖,最主要嘅問題係因為自己懶,另外仲有少少原因,係因為先排又要返大陸幹粗活。
圖中司機正在高速公路邊午睡

神洲祖國,係一處即使無論去過幾多次,都唔可以經歷得晒佢可愛嘅地方!果種剌激好玩法,鑊鑊新奇,點都估佢唔到!!

四月某某天第一日:
剛剛抵埗,已經係中午十二點過咗少少喇,心知不妙,因為呢個係佢哋要午睡咁上下嘅時間,見到公路上啲司機都開始將車泊埋路邊搵地方瞓喇,入到去做嘢嘅地方,真係所有人都閃晒。

四月某某天第一晚:
其實我在番大陸之前已經病咗,所以我帶埋包藥上大陸食。我買咗個杯麵,諗住臨瞓前食完麵再食藥。我將啲熱水沖落個杯麵度之後,濃濃麵香伴隨一陣水蒸氣,隨即升到上天花板咁高,點知啲曱甴就咁樣從啲傢私背後處被引晒出嚟,我當時即刻想起電影長江七號中嘅某一幕.....

四月某某天第二日半夜:
間睡房好多蚊,雖然我已被藥物影響至眼瞓到有鬼都唔理,奈何啲蚊在耳邊飛過嘅聲浪,真係同轟炸機差唔多,我係咁夷在自己身上拍死幾隻,再著燈睇睇,原來已經成手血,當然隨即想要走去厠所洗手喇,點知,有隻小強原來已經企咗喺個水龍頭把手度等緊我,心想:好彩記得著燈啫,否則又成手漿啦!

四月某某天第三日夜晚:
膽粗粗同個同事兩個叫咗架白牌車出去搵地方食晚飯,食完飯,在街邊見到有的士,諗住搭番做野嗰度,實無死啦,點知行下行下,個天都黑晒,車到去一個伸手不見五指嘅地方,個司機先話唔識路,佢老人家仲發老脾,話唔收錢費鬼事搵路,叫我地在公路邊落車喎,我隨即係咁猛呵佢,好彩最後都冇事。

18 則留言:

  1. 哇!你去左D未開發地區咁喎?

    ps:你响我邊留言果邊,係我錯手襟錯製出左街,而家改左時間,連你個comments都delete埋,唔好意思

    回覆刪除
  2. 你住的是酒店嗎?
    咁多原居民探你ge?? :P

    回覆刪除
  3. 你去咗乜地方呀,咁鬼落後嘅!

    回覆刪除
  4. 你完全處變不驚喎,嗯,天將降大任於斯人也!

    回覆刪除
  5. 前邊幾件見怪不怪,
    都見唔少了,
    最後嗰件就危險啲,
    半夜三更係公路找車等如自殺,
    死咗都唔乜事,
    唔放個司機走係明智之舉呀!

    回覆刪除
  6. 哈哈~你去嘅地方真係好荒無咁喎~

    最尾果單,真係打死我都唔落車

    回覆刪除
  7. 怎么会住到酱差的地方?没得换吗?嘻嘻~ 恐怖!

    回覆刪除
  8. naruto:

    唔係,果處剛剛開發架:)

    回覆刪除
  9. DeepC:

    果度離有酒店嘅地方都好遠下架,再加上大陸個單位有的是地方,所以咪住佢地嘅招待所囉。

    回覆刪除
  10. laulong:

    唔係旅遊區嘅地方,差唔多啦。

    回覆刪除
  11. Coffee:

    唉,果度都未算係最差,係多d昆蟲之嘛。

    回覆刪除
  12. 新鮮人:

    其實,當晚個司機係仲驚過我地好多好多架,所以佢嘅心情,我好理解。

    回覆刪除
  13. l.minor:

    荒蕪又唔太係嘅,起碼附近都有車有路啦。

    回覆刪除
  14. 嘿嘿:

    算罷,只是住數星期吧了!

    回覆刪除
  15. 比著我,除左發癲,應該無其他正常反應。

    回覆刪除
  16. C.M.:

    唔怪之得...我都覺得自己癲癲地。

    回覆刪除