2011年10月23日

出Job遊記(二) 2011十月

進到了農莊,發現原來這家食店佔地都頗大,它是由數排用竹和木製的房子搭建而成,支撐在魚塘的上面。食店內有幾條黑狗在漆黑的夜空下走來走去,除此之外,我就沒有碰上其他的食客了。

服務員小姐安排了一間好大的廂房給我,環境似乎很好。我問服務員這裡有甚麼好吃的?
她說:「吃火鍋吧!今早剛捉了一條飯鏟頭,可以試試一碌碌的煮著吃。」

我記起司機大哥提醒過我,千萬別在這個地頭吃火鍋,因為湯底必定是加了從坑渠來的油!

我說:「火鍋不必了,還有甚麼東西好介紹?」

「這裡近江邊,有許多水產都好吃,例如黃鶴、白鶴啦、海鷗啦、小白鷺啦.....」服務員再向我推薦。

「這麼可愛的小動物,怎麼忍心吃牠呀?」我再說。

「不可愛的動物如禾蟲和水蟑螂,我們都有。」小妹子好精靈地答我。

原來這是一家野味店!!

不久,她端來了一碟水蟑螂,服務員見我發了抖的樣子,就隨即給我示範,拿著曱甴的頭,吃了身子和腳,做出好滋味的樣子。我勉強也跟著吃了半隻,立時想去吐,我跑到去厠所門口,終於認出這陣濃烈的曱甴味道,原來正是祖國厠所的獨特氣息!

服務員小姐又給了我一窩「小白兔」,味道很不錯。但我吃到了一半,才猛然地心生疑惑,這其實?牠會不會是一隻.....坑渠老鼠?

離開時我再見到那幾條黑狗,我對牠們,也對自己說了一聲:

「Good luck!」

44 則留言:

  1. 水曱甴好像在香港叫和味龍!咁埋單付款銀兩約干呢?

    回覆刪除
  2. 味店既格局都睇唔出咩? 基本上連食客都有個食野味既款, 以便, 你太純情啦.

    回覆刪除
  3. Space 兄:

    果碟野好平,二十八蚊人仔,叫嚟影下相都抵。

    回覆刪除
  4. 舞了:

    間農莊個外表純情過我喎,至於其他食客我唔多見,所以見唔到佢地d衰樣。

    回覆刪除
  5. hkeric:

    當地d麵包好難食架。

    回覆刪除
  6. naruto:

    果間野冇公仔麵食呀。

    回覆刪除
  7. 沒有吃海鮮 / 豬 / 乳鴿? 這些中山菜必有啦.

    回覆刪除
  8. DeepC:

    我覺得最正既乳鴿,老實講真係以前在中山食過,不過絶對唔係在呢個鎮。

    記得我在呢個鎮到步第一日,就即刻叫咗乳鴿食,點知好坑渠味,擺明係用地溝油炸啦。至於海鮮,呢個鎮唔多有,反而佢地食河鮮多。

    回覆刪除
  9. haha, 黑狗乜鬼都食!

    去到啲山旮旯,真係食杯麵好過!

    回覆刪除
  10. 自己帶上去食呀我意思係

    回覆刪除
  11. laulong:

    我係擔心d黑狗遲早俾人食埋呀。

    回覆刪除
  12. naruto:

    又不致於要帶杯麵咁慘,我都可以選擇日日食大鑊飯,係我作賤,要出去搵命搏啫。

    回覆刪除
  13. 嗬嗬嗬!和味龍¥28,溝渠老鼠呢?唔止食咁少假,連埋三陪,最後幾多銀人仔找數,至甩到身呢?

    回覆刪除
  14. Space 兄:

    你唔係以為我咁變態吖嘛?!居然走去搵三陪陪我食曱甴同埋坑渠老鼠?

    回覆刪除
  15. 其實我是想講河鮮. ^^
    在香港好少去分, 全部都講海鮮.

    中山的九肚魚及蝦蟹都好正! 講起都想食.

    回覆刪除
  16. DeepC:

    哈哈,妳果然識食:)

    我也有吃蟹仔,好正!

    回覆刪除
  17. 》唔係以為我咁變態吖嘛?!居然走去搵三陪陪我食曱甴同埋坑渠老鼠?

    》》原來這是一家野味店!!

    哈哈哈哈,吃野味強腎保腰,我是看到兄台上面寫著“野味店”,至意會到有三陪侍候咋。不吃黃鶴、白鶴啦、海鷗啦、小白鷺,都唔止食兩味咁少假。

    吃完招招有力,虎虎生威!若無帶三陪去,吃得慶合合,都可以急call應召而來呱,此一條龍服務也!

    回覆刪除
  18. 簡直係驚嚇晚餐,
    好有萬聖節感覺,
    勝過什麼茄汁骷髏頭蛋糕、血染啫哩...
    駕嚇度有十分,
    勁。

    回覆刪除
  19. 萬聖節都未到,就收到你咁大既驚嚇,嚇死人咩 >_<

    回覆刪除
  20. 新鮮人:

    咁,不如今年萬聖節,你考慮吓上大陸,好過去海洋公園同滴滴嚟啦:)

    回覆刪除
  21. Bittermelon:

    哈哈,嚇親你真係唔好意思:)

    回覆刪除
  22. l.minor:

    唔會掛?大陸有咁多「好」嘢食!

    回覆刪除
  23. 兄台的文字功力野人遐想嘛!等緊讀的的續篇 。。。。。Nth 篇!



    sPace

    回覆刪除
  24. Space 兄:

    都番咗嚟香港啦,仲有乜鬼續集呢?!

    回覆刪除
  25. 我仲想長命一點,
    留得青山在那怕無柴燒,
    我會齋飲自備樽裝水好了!

    回覆刪除
  26. 新鮮人:

    講開又講,在大陸,d樽裝水都唔好亂飲。

    回覆刪除
  27. 哈哈,禾蟲同水曱甴就小兒科啦,更核突嘅我都食過,包括蠍子、蝸牛、草蜢、蠶蛹、手指公咁粗嘅蟲、同埋類似蟻嘅小昆蟲,不過全部都好難食!反而喺亞馬遜試過一種蟲蛹,仲要係生食添,味道就真係唔錯!

    回覆刪除
  28. Armadillo:

    你果然都係一個出慣泥行嘅人,失敬失敬:)

    回覆刪除
  29. 中國人何時才可以文明點嗎?

    回覆刪除
  30. 真是好特別的經歷。你以後還是帶幾個杯麵出job。

    回覆刪除
  31. 五珍:

    都唔洗摘到要帶杯麵咁慘嘅,大陸都有杯麵賣。

    其實,帶杯麵都末必一定安全,要有起事上嚟,冲杯麵d水都可以好有問題架。

    回覆刪除
  32. 好恐怖的東西 要是我死都不踏進去那間店 XD

    回覆刪除
  33. Niko:

    歡迎光臨:)

    在大陸,很多恐怖的東西是要避也避不了的。

    回覆刪除
  34. 鳴...T_T

    好驚嚇!

    但睇完呢度d人的comment又笑番! XDDD

    回覆刪除
  35. 火女:

    係呀,呢度d人好勁架^^

    回覆刪除
  36. 當然,
    要係大超市買的才會飲。
    還要入口牌子。

    回覆刪除
  37. 新鮮人:

    仲要睇吓支水係唔係流野嘅假貨。

    回覆刪除
  38. 新鮮人:

    在大陸真係搵食艱難架:(

    回覆刪除