2012年2月20日

唐唐又再衰多鑊

上個星期因「賣妻求榮」之罪名,被全城剛剛鬧爆後不久嘅唐英年,勢估唔到氣都未抖順,今日佢老兄又有新料上枱,再俾人告發佢「背妻鬼混」!

計埋今次,唐準特首已經係第三次爆發醜聞危機。基本上,三次大鑊都同唐唐嘅私德有關,三次衰嘢,直接或者間接地都傷害緊佢老婆。上兩次,「小儀」都係以德報怨地去打救阿唐唐,唔知今次「小儀」又再啃唔啃得落,再俾唐唐縮喺佢呢個女人仔嘅背後,夾硬再維護多唐唐一次呢?

將心比己,「小儀」真係好可憐,佢老公唐唐雖然唔會再得到幾多香港人支持,但「小儀」呢個飽受唐唐折磨嘅女人,我覺得,香港人應該在精神上支持一下佢,儘量免得佢再受傷害!

東方日報圖片
網上圖片


22 則留言:

  1. 正印唐太郭妤淺已經立下心腸,
    咩都得但求坐上特首夫人個位!

    回覆刪除
  2. 去埋登記入閘,我等睇好戲

    回覆刪除
  3. the inner space:

    會唔會唐唐到時,同佢玩鋪陳世美不認妻呢?

    回覆刪除
  4. 卡臣:

    佢咁多好戲出場,你地d演藝人,真係要多多向唐生學習吓喇^^

    回覆刪除
  5. 陳世美不認妻呢?
    當然立下死貓協議書,
    verbal contract 都可以成立的嘛。
    至於 contract 是否成立呢?
    可以 prove 郭女士是 insane,
    證明唐唐是在威脅下簽約,
    voidable contract 。。。。咁就另計!

    回覆刪除
  6. the inner space:

    如果我係小儀,即刻同唐唐離婚分佢一半身家套現算,費事煩!

    回覆刪除
  7. 小儀係咁諗就好,最怕哩個慣了難為的家嫂,逆來順受,咁唐狗(唔係豬喇,豬冇佢咁不該)又得米!

    回覆刪除
  8. 以便兄:特首正印夫人名留史冊這個才是賣點!


    甚麽前夫人,已離婚夫人,都是不能及的!

    回覆刪除
  9. 唉,真係 ... 不知所謂!

    回覆刪除
  10. laulong:

    聽講話小儀今次又諗住硬食,等唐唐選完特首先再算咁話喎!

    回覆刪除
  11. the inner space:

    你話小儀會做特首正印夫人?言下之意,即係唐唐做硬特首?

    回覆刪除
  12. SKII:

    唐唐一向都不知所謂。

    回覆刪除
  13. 雖然我都覚唐豬真係爛到透,應該退選,但呢張咁嘅相又可以證明啲咩呢?看圖作文?

    係社交場合我都影過唔少呢啲相,著住長袖衫被人搭住膊頭影下相就係有路?嗯,好彩任志剛唔參選,如果唔係我都會被人挖出來?!

    回覆刪除
  14. Hana:

    照生果同東方講,有路嘅證據係幾封談情電郵。

    假如有肉照,生果同東方唔放頭版就怪喇。

    回覆刪除
  15. >有路嘅證據係幾封談情電郵。

    真係有係手,今時今日仲會同佢客氣唔登埋出來?

    回覆刪除
  16. Hana:

    上次扢窿單嘢,d有心人都係用引君入甕方式,遂d遂d放堅料出嚟,先有能耐搞到唐唐反晒艇。

    我信今次再出炮對付唐唐,背後同八掛雜誌式老屈會唔唔同,因為見佢好似好有strategy咁款,好唔簡單。

    呢單料,我信必有後著,必定又再入屋,好快成為師奶們嘅討論好材料。

    回覆刪除
  17. 嗯,買定花生先:)

    不過其實爛成咁臭氣熏天再煲落去都冇乜意思,同埋真係厭。反而葉劉同珏成加入多咗新意。

    回覆刪除
  18. Hana:

    挖窿同埋昨日告發唐唐兩單野,查實可以同埋「感情缺乏」果單環環緊扣,起動互相牽引作用,此等高招,實在令人嘆為觀止,好睇過三國演義喎!

    現在個局,拖埋曾蔭權落水,又有葉瘤同肉成,群雄亂起,彼此發功,一定精彩無倫呀!

    回覆刪除
  19. 即刻同唐唐離婚分佢一半身家套現算!《

    你話小儀會做特首正印夫人?言下之意,即係唐唐做硬特首? 《《


    以便兄:我意思是郭妤淺唔志在啲錢,佢喺要名留史冊上,做正印特首夫人。若郭女士唔撐到底,就 almost 一定冇特首夫人做嘅機會!

    郭女士認為值得賭一鋪,贏出就是特首夫人,若是 alternate outcome,遲和早都無大分別,咁點解唔賭啫?

    回覆刪除
  20. the inner space:

    咁樣做得首夫人,好悲情啫!

    會唔會佢預計若唐唐一旦當選,必然會被暗殺,到是佢可以學甘地夫人咁,接續做特首?

    回覆刪除
  21. 中共歷史好像沒有代夫上陣的例子!

    回覆刪除
  22. furthermore 印度的甘地夫人,她是尼克魯的女兒,他不是印度聖雄甘地的老婆,咁啱她嫁的男方又是姓甘地啫!

    p.s. 甘地在印度是普遍的姓氏。

    回覆刪除