2013年8月15日

社會不公允

你地話,係唔係又一次觸發民怨沸騰吖?!

昨晚,拖都拖到夜期收晒市之後先嚟掛八號風球,咁都算,點解落波都要玩人一鑊?

人生八苦!明明全港市民都等緊個八號波波可以轆得過兩點鐘,但點解,天文台偏偏連廿分鐘都唔等得,偏要叫所有人嘗求不得之苦?

好,提早落八號波都唔緊要,一落波之後個天忽然落晒狗屎咁,點解唔掛返個黑雨安慰吓大家先?知唔知好多好多人為著呢樣嘢出晒力咁祈禱架?

個香港咁唔公義,唔怪得阿林老師通街小人老母喇!




PS:天文台擺明玩嘢!由掛八號,到落返三號,再變返一號,通通都係一點八!

27 則留言:

  1. 個女仔幾靚喎, 咩名呢?

    回覆刪除
    回覆
    1. 匿名:

      個女仔係 the little airport 成員,但我都唔知佢叫咩名。

      刪除
  2. 今次落波我覺得OK喎, 馬鞍山呢邊1點鐘已經見太陽了.

    回覆刪除
    回覆
    1. 匿名:

      哈哈,呢篇野我玩下嘢啫,唔洗太認真^^

      刪除
  3. 我覺得講粗口冇問題, 老師講粗口都唔係咩問題, 但係係態度出咗問題, EQ同智慧都好有問題. 我睇到既片斷佢一味潑婦罵街的, 但就冇申明自己質疑警方行動既立場, 即佢申張公義的事由, 蝕哂章啦.

    回覆刪除
    回覆
    1. 匿名:

      唉!傳媒嘅威力真係好大,一句「懷疑」警方執法不公,潑婦罵街可以被形容成「申張正義」,即刻做咩都啱晒。

      又咁講,潑婦罵街冇咩大不了,每日都唔知會發生幾多次。但係有「懷疑」五毛黨提出「懷疑」証據來,「懷疑」呢名潑婦根本上係有組織地做嘢,仲「懷疑」前前後後有晒媒,連埋爛蘋果之後跟進嘅訪問,都係「懷疑」造新聞造出嚟!

      如果個世界真係咁恐怖先得人驚!

      刪除
    2. 我「懷疑」你是劉警司fan club的會長.多d祈禱.ok 高尚的基督徒.

      刪除
    3. 匿名:

      你絶對有自由不同意我嘅觀點,但希望你不要因我說話唔啱你聽,而對我嘅信仰人身攻擊。

      刪除
  4. more precise:

    林老師在西洋菜街行人尊用區小冇number警長老母。

    回覆刪除
    回覆
    1. the inner space:

      有線電視問林老師當日有冇小人老母,佢唔肯認!

      但最好笑係,當日林老師極力維護嘅法輪功,又係現場嘅目擊証人,竟然又出宣傳片証明林老師真係小差佬老母,哈哈。

      刪除
    2. 林老師通街小人老母 more precise 林老師在西洋菜街行人尊用區小冇 number 警長老母。

      如今兄台話:宣傳片証明林老師真係小差佬老母,咁即是唔喺通街小人老母喇,
      第一句:林老師通街小人老母,容易令讀者混淆是通街的人都被林老師小老母。

      如今比較清晰,咁就需要研究點解林老師淨是小差人老母,沒有通街的人都被林老師小老母,愚弟有看過片段這位差人是位冇 number 警長,而直至如今都未知道他的所屬,有冇人查到他的底細呢?被人小老母的警長是冇 number,又沒有再行出來即是身份未曾驗證播,有沒有被軟禁呢?被一個下令著草?

      刪除
    3. the inner space:

      我呢篇野擺明係嘻笑怒罵式借題發揮式亂 up, 如果要捉,我咁樣話天文台都唔係完全合理啦。

      對住我呢D爛文,唔洗太認真架。

      刪除
    4. 就是因為兄台擺明係嘻笑怒罵愚弟才明知故寫!

      刪除
  5. 回覆
    1. l.minor:

      係,天文台昨日真係傷咗好多人嘅心。

      刪除
  6. 打風都可以拉扯到香港社會唔公義,OK,我明你講咩!:P

    回覆刪除
    回覆
    1. Coffee:

      係個喎,每次打風放唔成假,大家都會閙用力場官商勾結,鬧天文台背後有黑手個播!

      刪除
  7. 各位:

    忽然醒起,1.618 先至係神奇數字。

    因今日全日出咗街,等返到去開電腦就會改返!

    以上疏漏,謹此致歉!

    回覆刪除
  8. 我一早預左放半天,返工時都無下雨,比上次正好多。

    回覆刪除
    回覆
    1. DeepC:

      返工時都比預計冇咁多人添:)

      刪除
  9. 這個世界最恐怖的是只有一種聲音,
    還有的是把不同的聲音妖魔化,
    而還自以為自己是正義的化身。

    回覆刪除
  10. 回覆
    1. Ed Kwok:

      你指果晚掛八號風球前及夜期收巿前勁大風?

      當然啦,個風好近嘛!

      刪除