2013年6月28日

 好歌獻給你


據晞晞報料,以下歌曲在小學雞界相當流行,並且已經成為最多人唱嘅校園民歌喇。




好歌,就自然會有人抄橋啦!去片.....

2013年6月26日

陪你行每一步


主雖以艱難給你當餅,以困苦給你當水,你的教師卻不再隱藏;你眼必看見你的教師。你或向左或向右,你必聽見後邊有聲音說:這是正路,要行在其間。」

(賽30:20-21)


...要甘於投身,甘於全人進入痛苦處境,甘於冒受傷,殘害甚至是毀滅之險,否則沒有人可幫助任何人.....

有誰能夠從一所火光熊熊的房子救出一個小孩,卻不用冒被燒傷之險?有誰能細聽一個孤單絕望的故事,卻不用冒險面對內心的痛苦?甚至失去靈魂寶貴的安寧?簡單而言:「有誰能不走進苦難,卻能帶走苦難呢?」

領導的最大幻想是,有人從未踏足沙漠,卻能領他人走出沙漠。我們生活裡無數例子告訴我們,領導需要了解,而了解需要同甘共苦。
(負傷的治療者P.76 - 盧雲)

2013年6月24日

最佳老友

每個清晨,我都會收到好多個微笑,收到好多人跟我說聲早晨。每有開心的事,總有人給我拍掌慶賀;若有不快,又會即時會收到窩心的安慰。這些對我如此好的朋友,其實絕大部份我都可能只見過一兩面,甚至從未見過,因為他們都是 Whatsapp、Line 和 QQ 群組的朋友。

在一兩年前,我大概想也想不到,會有一群人竟然比我老婆對我還好;而在幾年前,我亦不會想到,竟有一群未見過面的朋友久不久就會和自己談談心、聊聊天,大事小事天南地北地無所不談。

這些朋友,叫做網友。


2013年6月20日

給自己的情書

泡一杯香茶,讓暖意滲進心窩,慢慢溶掉抖顫。又或者獨坐 Cafe,舒然地細味 Long Black 的濃香,管它漫天烏雲,懶理那總未停過的雨。

給自己閉上眼睛,安然躺在亡命小巴的椅子上,放鬆心懐,享受路途的顛簸。

在紛紛擾擾的工作間、又或者在家中人聲雜沓的電視機前,安逸地靜享獨處。


2013年6月18日

刮骨療毒


先排親子時間,我陪晞晞一齊睇故事書。本書係講神醫華陀嘅生平,書中當然有提到華陀替關公「刮骨療毒」呢一幕喇,故事自然發展就話關公點唔怕痛,佢老兄有幾咁英勇等等。

睇到呢度,我停低同晞晞講,我早前去針灸,醫師話佢嗰種醫術叫做針刀,似乎同華陀替關公「刮骨療毒」情景好相似播!

我形容俾晞晞知,個醫師當時首先用支好粗嘅針拮我個膊頭,拮咗好多嘢,之後就駁上電,電到我彈下彈下,攪到又麻又痺,十足好多好多昆蟲一齊爬嚟咬我隻手咁,然後,再用把針刀係咁插我個膊頭,拮咗入去不特止,仲要猛轉幾個圈都唔罷手,痛到我連啲血咇哂出嚟,唧到四維都係自己都唔知。個醫師跟住又用把針刀出力係咁刮我膊頭啲骨,我形住隱約好似聽到用指甲刮花玻璃咁嘅刺耳聲添。我當然痛到叫佢阿媽救命啦,但我始終都頂得住喎!

聽講針灸術都係由華陀發明過播,會唔會當年關公只係同我一樣,俾華陀用針刀術醫佢咋掛?會唔會係啲後人為咗奉承關公,將「刮骨療毒」呢件事作到大一大咁呢?

2013年6月16日

父親節快樂

我不知有多少人在意今天是父親節?天下父親究竟有多被重視?原來看看我自己,有關母親節的帖文都出過了,卻原來寫父親節的,我一篇也未曾有過!

今年我一定要鼓勵一下自己,要好好祝自己父親節快樂!

網上圖片

2013年6月14日

可愛淘寶妹

太太很喜歡上淘寶買衣裳,久而久之,就成了一些淘寶個體戶的熟客了,而其中一位上海小姑娘賣家,更特別的對我太太好,在每次所交付的貨品當中,她都會刻意地夾附上一些既別緻、又美麗的自家宣傳品。

我好多謝那個淘寶妹,縱然只是一百幾十元的交易,但她竟然仍會送好些別出心裁的小禮品,例如,大大本厚厚的自拍迷人寫真集、嬌俏個人照片月曆擺設套裝等等。這些製作極之華麗精美的贈品,其成本很可能跟所賣的貨物,根本上相差不了多少!

與淘寶妹妹交易著實能使人迷醉,因她的確頗有教人神怡的心思、懂得討人歡喜、令人窩心很感激這個上海女孩子,她教曉我太太再不抗拒她那類祖國產物。原來,在中國大陸裡,也有很漂亮迷人的東西,既方便尋到,又容易擁有,並且,一點也不貴!

可愛的淘寶妹妹,妳真抵錫





lifs.tmall.com

2013年6月12日

明朝端午浴芳蘭

大家可會學效軾,趁著端午節假期鬆弛一下,好好享受浸沐在初夏的溫柔之中?

輕汗微微透碧紈,明朝端午浴芳蘭。
流香漲膩滿晴川。綵線輕纏紅玉臂,
小符斜掛綠雲鬟。佳人相見一千年
《浣溪沙》蘇

網上圖片

2013年6月10日

我在大陸的日子

返咗大陸三星期捱騾仔,終於正式返嚟再見大家喇:)

在大陸嘅日子,差不多日日都發生網絡故障問題,我請求位國產 IT 佬幫手 check check,點知佢同我講:「沒辦法,我要重裝你的電腦才可以...」條友擺明當我流?!於是,我隨即走去問綜合事務部,有冇技術含量高一啲嘅人可以再幫吓我呢?誰不知答案係:「剛才那位已經是電腦部主管了,他應是最好的呀。」我無奈自己踩入電腦部,捉最低級嗰個再去幫我,結果,一個小時唔駛,掂晒。

在辦公大樓內,不難發現好些貌美如花嘅姑娘煙視媚行,儀態萬千。我講過,呢啲動物就係叫做危險!經我暗地裡查探過後,果然不出所料,原來佢地真係通通都唔小嘢,都係啲老總們嘅老婆。

反正有時間,我順便 Audit 埋啲可疑男人,結果,竟然又俾我發現,有位司機原來係最大老總嘅女婿!

我唔嫖唔賭,晚晚對住四面牆真係好鬼苦悶架。結果,有晚我終於按耐不住,走咗去搵食。

果度係電視「May姐有請」介紹過嘅,我走入去見第一眼就嘩咗一聲,原來真係十足十在電影見到嘅妓院一模一樣咁喎!



2013年6月7日

怎樣才算寫意?

網上圖片
若在少年時,就是在冬日無人的沙灘上,鋪上一張格仔枱布,躺於天地之間,仰望藍天白雲,讓小女友伏在胸膛,摟著自己互相取暖。

人若大一點,就會喜歡跟三五知已到處浦吧,大杯酒大塊肉,吹水吹個你死我活。

人再大了,就享受牽著太太的手,在和煦的陽光下,推著 BB 車,看著自己的孩子在草地上蹣跚學步。

現在,我期盼能偷得浮生半日閒,睡到日上三杆,然後重回到深水埗再走一倘。在午後探望一下那老街坊茶餐廳,叫一個雞尾包,嘆一杯絲襪奶茶,看一看以前那個後生靚女事頭婆,今天會變成了甚麼的模樣。

2013年6月4日