昨晚放工後夜媽媽搭車返屋企，竟然因為打完風要封路，架巴士只可以停喺山腳。冇計啦，唯有落車行囉，於是，成車人一齊爬上山嘅長樓梯。
可能因為我做開gym，行慣樓梯機，我好快就拋離晒所有人，得返個女仔仲喺我前面。
條樓梯乜春咁長，我一路都冇減過速，還以為自己叻叻添，誰不知，前面條女上樓梯居然仲可以加速，佢體能似乎不在我之下。
上到樓梯頂，發現條女已經行緊在條上山嘅行人路上，拋離咗我成50碼！小姐，妳洗唔洗擔住把遮都可以行得咁快？
條女真係快到會飄咁滯，好快，佢就消失在暗黑嘅街角當中。
 |
| 網上圖片 |
