2018年9月18日

雨夜的浪漫

昨晚放工後夜媽媽搭車返屋企,竟然因為打完風要封路,架巴士只可以停喺山腳。冇計啦,唯有落車行囉,於是,成車人一齊爬上山嘅長樓梯。

可能因為我做開gym,行慣樓梯機,我好快就拋離晒所有人,得返個女仔仲喺我前面。

條樓梯乜春咁長,我一路都冇減過速,還以為自己叻叻添,誰不知,前面條女上樓梯居然仲可以加速,佢體能似乎不在我之下。

上到樓梯頂,發現條女已經行緊在條上山嘅行人路上,拋離咗我成50小姐,妳洗唔洗擔住把遮都可以行得咁快?

條女真係快到會飄咁滯,好快,佢就消失在暗黑嘅街角當中。

如果唔係因為冇車,我真係唔會行呢條路,事關條路唔單止斜,仲要經過一個小型墳場入口。

網上圖片

沒有留言:

發佈留言