2020年3月15日

大水退

一場大疫災,彷彿就好似一次大水退,立時見到有幾多人其實冇褲著。

好老實,對住一場嚟得咁急咁快後果唔知有幾嚴重嘅災難,中國嘅真實國力,完完全全令人眼前一亮。

中國處理今次疫情嘅手法,十足似係打緊一場忽如其來嘅侵略反擊戰。在非常短嘅時間之內,俾人見到中國嘅動員力、調控力、物資及人員調派有幾咁快速機動、仲有全國官民嘅上下一心,十三億人口冇出半點亂子,果種井然有序及服從性,都咪話唔得人驚。仲有,停工停市再加上突然急升嘅醫療開支,日日都係燒銀紙,就算有心都要有力,而有眼見,中國真係玩得起。

反觀歐洲,一派放棄治療嘅態度,抗疫呢場仗,佢地應該唔係唔想打,而係自知打唔起。

再睇埋美帝,一向以來聲大大,原來有起事嚟就倒瀉籮蟹,講就凶狠,做就痾X,究竟佢會唔會只係隻紙老虎?已經弱不禁風?

假如,唔知咩事發生第三次世界大戰,中美都互中咗對方一拳,究竟邊個先最有可能首先倒下呢?

3 則留言: