2008年7月21日

25.5度


呢兩日新聞報導,話日本早前推行喺辨公室玩25.5度,查實係唔work個播,喺咁嘅環境工作,會直接影響工作效率同生產力,仲計埋平均每平方公尺,就要損失約港幣九佰幾銀潻!終於皇天有眼,踢爆攪呢樣嘢出黎嗰條友仔(前首相),原來係好大整蠱!

我記得我係細蚊仔嘅時候,就好似聽過話有人一早就硏究到,溫度喺23度,人先至有最好嘅工作表現;何解今日仲有人玩高溫工作?好奇怪!玩25.5度,即係要攪到 air-con 變成上28.5度,下25.5度;熱到連d Old 嬋都要著low cut deep V 露臍吊帶小背心 + mini Skirt 返工,實在慘不忍睹!!

喺兩年前,香港政府盲目咁叫人玩25.5度;呢個遊戲即時設立咗個道德高地係25.5度上面,當時好多人仲好大聲巴巴閉閉,不過舊年就再無人提,大概可能知道已經領咗嘢。

2 則留言: