昨日四時十幾分係公司做做下野，朋友忽然係MSN 突發直擊報導話5號仔已經 $33喇，一睇，真係！我係一個滿有憐憫之心既人，當然第一時間即刻問佢有冇貨係手喇，佢話佢一早就 $150 放晒，條友仔原來四維搵人晒命。
今時今日，冇野係手既個個變晒股神，留低d仲有揸貨既俾人笑佢頭痕。
不久，另外又收到風話阿青姐俾匯控整喊咗，唔通真係應咗佢講果句，佢玩股，股玩佢？好辛苦先 search 到條 link 想第一時間睇下究竟發生咩事，點知上極都上唔到，勁塞車。
今早，Tony 居然因為自已曾經愛過匯控而自我剖白，認罪悔改。我諗，好似佢咁被情所傷既又豈只佢一人呢？
越來越覺得，呢個世界己經變到冇乜野話係唔可能發生架喇。
會唔會聽日忽然又有人話我知，匯豐已經被國有化呢？（我係指中國！）
會唔會匯豐印既港幣紅底，而家只值 $33呢？
又會唔會匯豐又好似今日咁忽然開記者會，話已經成功將股價變番 $150喇。（不過係5合1）
5合1呢條橋都比你諗到,小弟拜服^^
回覆刪除家下通街都係匯控股評人,呢個專業分析我都係聽番黎啫!
回覆刪除個個都話自己一早沽哂匯豐，咁總有咁多人股東嘅？
回覆刪除睇下青姐的眼淚你就會知哩個世界講和做係兩回事來架！
Hana,
回覆刪除會唔會好多人好信５號仔係一定“只有買貴，冇買錯”呢句野呢?
仲有，家下先覺，原來好多人對匯控係有特別既情意結。