【約伯記】淺探

對於聖經【約伯記】的結構，很多學者均提出了不同意見，但大致都差不多如下：

A 序：約伯遇難（1:1-2:13）敘事

     B 約伯的哀歌：苦難的奧祕（3）

          C 三個回合：誰是有智慧的呢？（4-27）

               D 智慧之歌：智慧何處尋（28）

          B' 約伯的哀歌：苦難的奧祕（29-31）

     C' 三組說話：唯獨神有智慧（32:1-42:6）

A' 跋：約伯得賞（42:7-17）敘事

從上圖可見，【約伯記】有著一個頗工整的扇形結構，而28章就好像兩扇門中的門較，起著提綱挈領作用，成為整卷書的中心。在整篇【約伯記】經文中，首尾以敘事文呼應，而中間3:1-42:6則為詩歌體，而伯28則是作者／敘事者本身的詩歌。由此可見，要明白【約伯記】，先要了解伯28的內容，便會對【約伯記】有較正確的理解。

簡單來說，伯28是問讀者：到底智慧可從哪裡找到呢？如果以此為本書的基調，那書卷作為智慧書，會不會是藉約伯的經歴去探討誰有智慧？去了解及說明荒謬難解的世事，諸如約伯的經歴，誰又有智慧去解釋呢？他的三個朋友可以嗎？聰明的年輕人可以嗎？約伯本人可以嗎？


註：以上主要轉戴自Andy老師的教導，特此鳴謝！

Love's not for me

還記得以前那些一邊工作，一邊仍要努力讀書、進修、考試的歲月；是漫長而且苦悶，是一次次失敗了然後又要從頭再來的歷練，當中載滿了辛酸。

當年常愛哼著一首很舊很舊的老歌，是在自憐，也是自嘲！坦白說，我曾經想過完完全全去放棄，完全放棄不再去考那個混帳試的了，但，也是因為這首歌，在在提醒著我一個現實：

I’ve always been the kind of man.
Who’s dedicated to his course.
And it’s a lonely road I run.
But I’ll stay faithful to my course.
There’s only one direction!

There comes a time when you must choose.
About the path you’re gonna take.
And you must take it win or lose.
And if you lost it’s your mistake.
There’s only one direction!

雙十禱願

國父親筆手繪的青天白日旗

今天是十月十日，是當年國父成立中華民國的日子。

四九變天，國民黨政府退守台灣，從此，青天白日在神州絕跡。

九七前，每到雙十節，香港仍然可以見到青天白日滿地紅旗隨處飄揚，特別在深水埗石硤尾，旗海簡直壯觀！

然而不管活在那片紅旗之下，始終大家同是中國人！

祝願已有五千年歷史的中華民族繼續昌盛興旺，願中國國土更加和平安定；願見人人滿載喜樂，心靈與物質俱豐足，國泰民安，社會廉潔公正。

天佑中華，誠心所願！

淺談審計報告

假如有日去睇醫生，個醫生檢查呢樣檢查嗰樣，搞咗一大餐之後，最後只係同你講發現你發燒同埋流鼻水，仲有聽你講你好頭痛潻。結果開幾粒Panadol了事，你會有乜感覺？

你會唔會仍然好迷茫？究竟係中咗H1N1抑或只係好小事嘅傷風感冒？發燒同埋流鼻水唔駛佢講，你一早自己都知啦！無啦啦個頭勁痛究竟係咩原因？有冇隠疾？個醫生究竟有冇料到？

其實，好似以上差唔多樣嘅喺審計報告或者Management Letter，都唔係未見過！

理論上，審計報告中嘅內容應包含五個方面：

1) Nature of Observation:
在以上睇醫生嘅例子，作為Auditor，應該首先好清晰咁解釋究竟發生咗咩事，好似個醫生應直接話俾人知道，現在患嘅係乜嘢病。

2) Cause/Reason:
凡事總有前因後果。以上例子，發現發燒同埋流鼻水只係發現咗一啲好表面嘅「現象」，因乜事引致發燒流鼻水？頭痛係因為同發燒流鼻水有關？抑或係早前撞親個頭引致？

3) Effect/Impact:
又用番上面例子，正常人都會問：「咁我家吓係唔係大件事先？嚴唔嚴重？會唔會有其他乜嘢風險呀、危機呀等等？唔理佢會點？會唔會累街坊？出事機會大唔大？出事的話，可以有乜後果？.....」

4) Recommendation:
正常人又都會咁問：「咁我家吓點算好？」呢方面，不外乎係有關點樣善後同預防。但跟以上睇醫生例子有啲唔同，Auditor嘅初步建議未必一定係靈丹妙藥，因此，結合埋Auditee嘅實戰經驗，然後歸納出嚟嘅建議，往往更加具參考價值。

5) Auditee Comment:
Auditee要有say，呢點係最基本嘅尊重。Auditor講嘅發現究竟同意唔同意？總得要有所表示。仲有，將會點樣落實善後同預防呢？幾時搞呢？都要交待吓嘅。

以上形式嘅審計報告，多出現喺內審報告或者外審嘅Management Letter上。小弟自知能力有限，因此以上有關審計報告內容嘅介紹只係好粗淺嘅描述，目的只係想藉此介紹吓審計嘅產物而己。

中秋節

從來，中秋節都係個重要節日！

細路仔時代，中秋節係個奉旨嘅玩火日。當時一班屋邨小朋友，食完做節晚飯之後，就會急不及待地要走出屋邨走廊「玩燈籠」。比較乖嘅女仔，或者只會三五成群咁，挽住點著明火嘅燈籠行嚟行去；而一班牛王仔，就一定係痞喺人家嘅鐵閘門口，玩「煲蠟」、「煲金魚」、同埋將好多好多點著晒嘅蠟燭仔，插到四圍都係！現在回想，點解啲大人唔怕我哋燒咗佢哋間屋嘅呢？

到少年時代，中秋節就例牌要跟班同學一齊，夜嘛嘛去效野公園，燒野食玩通頂喇。記得有一年，一班男同學齊齊痾尿灌滿咗個玻璃樽，然後將佢放去啲火度燒，個樽最後爆開，噴出漫天尿蒸氣，卒之搞到自作自受！

到情竇初開，中秋節就變成要去長洲行行海灘，唱唱月半灣.....

現在，我珍惜中秋節係一個一家人一起團聚嘅日子。從前覺得食月餅可有可無，但現在卻覺得，幾代人一齊分享嘅月餅，原來好有味道。

十．一禱願

昨天是十月一日，是中華人民共和國成立六十週年的節慶。

祝願已有五千年歷史的中華民族繼續昌盛興旺，願中國國土更加和平安定；願見人人滿載喜樂，心靈與物質俱豐足，國泰民安，社會廉潔公正。

願見神州大地廣見公義，再沒有私利貪婪；願人人心存謙卑，廣施憐憫，相互扶持，以禮以誠信相待。

願所有人都被視作尊貴，大家奉公守法，彼此以愛相待；願所有人都享有平等，得自由，得保障；但願人人可以暢所慾言、慾知、慾見。願百姓得享自主自決，願領導人俱天與人歸，服侍得力，人從天願，替天傾福。

天佑中華，誠心所願！

好地方

行開去灣仔，如果身上只得40蚊，想喺午膳繁忙嘅時間，搵個靜靜哋、冇乜人嘅地方食飯、坐吓攤抖吓，仲想飲杯 Mocha，又想有Wifi上吓網，你話有冇可能？

估唔到，咁嘅地方都俾我搵到喎！

昨日我同一位同事再去呢個地方，order 咗一客 Pasta，一個 Pizza，兩罐 coke，再加一杯 Carpaccio，埋單總共 $86！