2010年4月7日

月滿軒尼詩

午飯時經過灣仔嘅壇島餐廳,不經意地走咗入去,隨便就點咗一個下午茶餐(其實下午茶餐咪即係午餐,都係嗰啲嘢啫!)。

埋單時先發覺,原來間餐廳貼滿晒附圖嗰張海報,一個貌似老細嘅阿伯見我望住啲海報,就笑口騎騎咁向住我四萬咁口,我隨即搭吓訕,問佢:「呀老細老細,嗰套戲有喺呢度拍過喇,係冇?張海報嗰處就係呢間餐廳啦,係咪?」阿伯聽後笑得仲甜啲。我再落藥:「掂啦,你間餐廳!套戲咁正,直頭好過歲月神偷啦,遲啲佢實攞獎架,真係。」阿伯好似好冧咁喎。「嗱,到時不單止成個灣仔唔准拆,你間餐廳實係仲威水過永利街喇。」阿伯聽後更加笑到見牙唔見眼。

我之後數下佢找番俾我啲錢,咦!乜啱哂數嘅?我咁落藥法,佢都唔找多啲俾我,點解?!!

15 則留言:

  1. 喺囉,對住阿伯唔敢咁重手,驚佢身子差,頂唔順嘛:(

    回覆刪除
  2. Eben兄台,

    你真善良啊! 讚!

    不如你比多D佢啦, 咁佢米找番多D比你囉.
    出大牛啦! ^^

    回覆刪除
  3. DeepC:

    我吹大牛就得^0^

    妳知喇,我地呢d會計佬出身嘅,時刻都在提醒自已要慳d架嘛^^

    回覆刪除
  4. 我想若你是大胸美艷少女,阿伯就會被你迷倒了。

    回覆刪除
  5. uncleray:

    若果我係大胸美艷少女,我就唔駛花咁多口水都氹唔到阿伯啦:(

    回覆刪除
  6. 好耐無幫親佢地了. 因為覺得食物既水準愈來愈差,特別係中環嗰間,差都無人有...>_<

    回覆刪除
  7. 你話你會幫佢拎返個簽名就會

    回覆刪除
  8. Ebenezer, 我想wen巔巔, 唔該幫我呼籲一下. 急!

    回覆刪除
  9. Bittermelon:

    灣仔嗰間都唔見特別好。

    回覆刪除
  10. 港男大力:

    係喎,點解當時諗唔到呢?!

    回覆刪除
  11. 舞了同嗰個發姣癲傻婆癲, 我唔係梁享南呢.

    回覆刪除
  12. 有湯唯陪你食蛋撻咁就唔同,哈哈。貴貴都比,哈哈。

    回覆刪除