濕滯

話說有條友走咗去睇中醫，以下係佢哋嘅對話：

友仔：醫師呀醫師，最近唔知搞乜，無啦啦生到成口飛G，口鞋鞋口淡淡咁，食乜都冇嚟味。

醫師：伸隻手嚟睇吓啦！

（條友仔即刻喺枱底除咗佢隻鋼撈，手快快收埋，再遞出隻嬌嫩玉手俾醫師把脈，仲伸埋條脷出嚟添。）

醫師：收番埋利脷呀唔該。

友仔：睇唔睇到最近點解硬係懵吓懵吓咁嘅？

醫師：點會？你個樣咁醒！（心諗：係人都睇到你懵吓懵吓啦）

友仔：做乜食埋晒d龜苓膏呀、川貝枇杷蜜呀、飛G膏、潄口水都係咁爛口嘅？

醫師：你睇我先有用架！你食埋嗰d嘢有冇得claim？早d睇我咪仲有著數！話時話，大便點？

友仔：有時一舊舊，有時一條條囉。

醫師：你係濕，加上有d滯，食住兩劑瀉吓先，記住再返嚟覆診喎。

友仔：今鋪即係濕滯？

條友仔之後真係瀉到九彩！