 |
| 網上圖片 |
事關連黃大仙啲樓無啦啦都賣到萬幾兩萬蚊呎，真係有啲雞犬皆升嘅瘋狂之勢，再加上近日又常常見到四叔走出嚟嗡嘢.....不祥之兆？
聽啲師奶講呢，依家好多大陸同胞發晒達，鐘意走落嚟香港買吓LV之餘順便買吓樓，銀行開始廢鬼事咁優惠班港燦喇，佢地借多啲水俾大陸班大爺好過啦，因此，銀行正在陰陰濕濕咁暗瓦底玩緊加息呀，話好快就會收緊啲High波，搞到同供P仔差唔多喎。
阿曾特首政府成班友仔好似唔想玩等緊退休咁，就先幾個月前之嘛，有人嘈吓要派少少錢啫，曾財爺就每人都塞夠六仟，豪過玩沙蟹show-hand 咁！你話點估到佢呢？遲啲又要選乜選物喇，我打死都唔信啲人唔會走出啲迫班官爺隊冧樓價呀！曾財爺到時又再豪過，再益街坊，真係話唔埋架。
仲有呢，一陣又話美國搞極都唔掂、一陣又話歐洲有債務危機、一陣又新興市場出現泡沫、一陣又驚阿爺變老慒董玩死咗中國房地產、一陣又驚 hold 唔住美元轉向，總之，是但一瓣唔小心爆咗煲，都唔好話冇可能呀。到時，樓價唔插水都幾難啦。
(本文並非任何投資誘勸或建議）
當年今日：
山雨欲來
話爆話爆，都講左一年，應該會喺估佢唔到果陣佢就爆
回覆刪除naruto:
回覆刪除我諗，特區政府會等埋幫班80後上晒車之後，先會任佢爆煲。
群眾的感覺通常是錯誤的, 很多人都覺得"樓市唔應該升得咁癲嘅", 但事實是: 樓市上升之勢方興未艾, 在可見的將來, 仍未到頂點.
回覆刪除記得九七之年, 息口在十厘左右, 供樓佔家庭入息一百巴仙以上, 當時每年還有萬多間居屋供應, 八萬五政策剛開始推行, 可是, 樓價仍冉冉上升, 直至亞洲金融風暴殺到才行人止步.
今天, 官商勾結, 地產霸權橫行, 當奴特首唯地產商命是從, 息口在兩厘水平左右, 供樓佔家庭入息不到一半, 居屋已被殺掉, 特衰政府的樓宇供應目標是每年兩萬個左右, 除了出口術謂樓價處於危險邊緣外, 特衰政府根本無意遏抑樓價, 還有, 歐美大部份國家的經濟狀況極度低迷, 息口一兩年內絕對不會暴升, 加上無數的大陸暴發戶覬覦香港樓宇, 作炒賣或分散財產用途.
在未來一兩年, 如果樓市真的大跌, 不會因為政治或經濟因素支持不了現水平的樓價, 而只會是因為你我無法預計的黑天鵝事件爆發, 例如, 巨型太空殞石擊中香港CBD或大亞灣核電廠發生切爾諾貝爾級數的核洩.
咁你有冇揸重貨啊？要減下磅好喎:p
回覆刪除匿名:
回覆刪除看來你係樓市大好友^^
大家都係按自己所分去推測，明日會點冇人會知，不過我都同意樓市仲有一次升浪，短中線睇都唔會點跌，而兩年後情況逆轉嘅可能就唔細。
Coffee:
回覆刪除我都想有能力揸重貨啊=＿＝!!
新聞都講左黃大仙係老人村，係果度起偽豪宅，哈哈
回覆刪除hkeric:
回覆刪除對於唔係土生土長嘅同胞嚟講，黃大仙在地理上有豪宅，絕對比起半山，狗肚山或者南區有豪宅合理。