2011年12月12日

晞晞去露營

網上圖片
上星期五晚,氣溫十度,晞晞嘗試咗佢嘅平生第一次:幼童軍大露營!

唔知佢地呢啲小學雞童子軍係唔係叫做小狼隊呢?咁死凍仲著住條短褲走去露營,真係狼死!不過話時話,我做0靚仔嘅時間咪一樣乜都敢死!!因此,我都好讚成晞晞做人唔好乜都怕,要學習有膽色,做一隻有膽色狼仔!

據講,由於佢地仲未夠資格生火煮食,所以都係食餐盒,當晚嘅宵夜仲有隊長外賣返嚟嘅魚蛋、燒買、格仔餅同埋雞蛋仔添。班青頭B對扯旗呀、步操呀、結繩呀呢啲嘢都冇乜興趣,反而對有得瞓帳幕同埋睡袋就感到好興奮,所以過咗十二點嘅限定瞓覺時間,好多小朋友都瞓唔著,有一班細路仔仲偷偷地走咗去捉依因,捉到半夜四點鐘。晞晞話佢好乖,冇同呢班友仔半夜走出去癲,佢講係群住啲戴住眼鏡瞓嘅四眼龜乖乖仔,好早就去咗瞓覺豬喎。

第二日,晞晞返到屋企,二話不說就走咗入房,即刻瞓到隻死豬仔咁!



註:以上內容,本人並不確定其完整性、準確性和可信度。



當年今日:
小休啟示
「海嘯」浪中的你.我.他

54 則留言:

  1. 這會是晞晞最珍貴的童年回憶 :p

    回覆刪除
  2. laulong:

    對!只可惜他沒有拍照,因此我就替他用文字來作點記錄。

    回覆刪除
  3. 乜唔喺親子大露營咩?哈哈哈以便兄嫂原來冇去。上個禮拜你提過,還以為是親子同露添 :)

    回覆刪除
  4. 舞了:

    小弟自幼家貧,屋企點會花D咁$俾我去玩吖:(

    回覆刪除
  5. sPace:

    要唔好俾佢做裙腳仔架喇。

    回覆刪除
  6. "註:以上內容,本人並不確定其完整性、準確性和可信度。"

    回覆刪除
  7. 舞了:

    我冇陪埋佢去,當日發生D嘢,我都係聴返佢講,因此,我點敢講到實牙實齒呢?

    回覆刪除
  8. 以便, 有事請教. 我有家人的情緒問題愈來愈令人擔心, 好像最近天氣這樣嚴寒, 她還是蓋薄薄的冷氣被, 出外堅持穿單衣, 她也不吃早餐, 甚至午飯, 她一定覺得這個世界在離棄了她, 她愈來愈不適應了. 我們怎樣對她是好呢? 她脾氣愈來愈差, 連對著剛從鬼門關走過來的老爸她也是一貫的怨罵.

    回覆刪除
  9. 舞了:

    這個我也沒有多大經驗,或者妳去找些有關情緒問題的專業人仕首先請教一下,例如專業輔導員、心理學家或者心理醫生吧。

    回覆刪除
  10. 我星期六到了大潭篤, 有很多童子軍, 還有些是從海外來, 唔知上星期六是童子軍的什麼大日子呢? ^^

    回覆刪除
  11. DeepC:

    我都唔知果日有乜特別喎,會唔會係......

    貪果日凍呢?

    回覆刪除
  12. 舞了兄講既人咁似我既!?
    "出外穿單衣, 也不吃早餐, 甚至午飯"........明明就係我黎, 哈哈~~~

    E大最尾嗰句有D畫蛇添足feel, 因為尾二嗰句已經有D味道.

    回覆刪除
  13. 做一隻有膽色狼仔!。。。教個仔做色狼呀?

    回覆刪除
  14. 她是不是DeepC在大潭水務文物徑撞见的童军?呵呵~

    回覆刪除
  15. 童子軍的確是一個很好的訓練,我由幼童軍一直做到領袖,當中獲益不少.祝晞晞好好享受童軍活動並有一個快樂的回憶.

    回覆刪除
  16. 貓頭鷹:

    莫非你又有情緒困擾?

    回覆刪除
  17. naruto:

    係做一隻「有膽色」狼仔!

    回覆刪除
  18. 嘿嘿:

    非也!非也!

    他沒有去到那麼遠露營^^

    回覆刪除
  19. Bittermelon:

    Oh! 原來你係童子軍!

    回覆刪除
  20. 卡臣:

    希望是一個美妙的回憶吧^^

    回覆刪除
  21. 佢第一次離開父母獨自在外過了一夜吧?佢回來一定覺得自己大個仔了。

    回覆刪除
  22. 有点后悔当年没参加童子军,但是好在有很多童军朋友,因此,还是此生不悔!哈哈哈~

    回覆刪除
  23. 色狼都已改過自新, 就放自己一馬吧

    回覆刪除
  24. Coffee:

    唔知佢係唔係真係咁覺得呢^^

    回覆刪除
  25. 嘿嘿:

    你現在也可以和你的朋友去一下露營,感受一下童子軍的生活也未遲。

    回覆刪除
  26. 以便, 有話請說, 我不要猜度!
    "舞了:

    @_@!"

    回覆刪除
  27. 我都沒有做過童子軍去露營!

    我的露營初體驗,是跟一個英國人辦的廉價巴士團,由倫敦出發西歐28天遊。每天清晨出發,早午晚三餐團友輪流煮食,晚上紮營而宿,第二朝就拆營再出發。

    回覆刪除
  28. the inner space:

    我從少年時代起,露營的經驗已經很多好多。其中有兩次最回味:

    1)駕風帆到某荒島上野營,一面吃香腸多士,一面喝奶茶,在寒風下和同學看海,聽浪^^;

    2)一班少年亂七八遭地睡在一鄉村破屋的閣樓內避雨過了一晚(我當然睡在校花隔離^^)

    回覆刪除
  29. 喺荒山野嶺barbecue我信既
    不過飲奶茶就玄d囉
    唔通揾只奶牛供奶咩
    )@~@(

    回覆刪除
  30. 過左成晚,囡囡有冇機會帶多個朋友仔返屋企呢?嘻嘻!

    回覆刪除
  31. 从小开始锻炼,非常好.
    希望晞晞玩得开心.

    回覆刪除
  32. 舞了:

    如果係個個搵支叉指住堆火嘅港式BBQ,真係完全冇mood啦。

    果日,係用煎pan做多士同煙肉,又用壼煮紅茶,然後加糖加奶,香到爆,型到暈!

    回覆刪除
  33. 五珍:

    係呀,浪漫回憶,一世都回味。

    回覆刪除
  34. Desertfox:

    謝謝,他真的玩得很開心^^

    回覆刪除
  35. 以便, 一般來講, 中學以前都好少飲咖啡奶茶的, 大人唔鼓勵!

    回覆刪除
  36. 舞了:

    果次D奶茶,其實係由帶隊個英國鬼煮嘅。

    回覆刪除
  37. 哼, 還好意思說呢, 有英國鬼跟住就唔係小兒科露營咁簡單啦! 你自己看看...
    "舞了:

    小弟自幼家貧,屋企點會花D咁$俾我去玩吖
    :( "

    回覆刪除
  38. 舞了:

    果次係小弟閰 band 5 中學搞嘅課外活動,俾游會D同學去,由校長及老師帶隊,最重要係...唔洗錢!

    我估果次咁高檔嘅活動目的,係去施捨下我呢D貧窮學生掛?!

    回覆刪除
  39. 仲記得第一次露營係同幾個同學仔去大清水,都係玩通宵,不過就唔係捉依因,係打麻雀囉!

    回覆刪除
  40. 舞了:

    我的孩子現在是男童軍;至於我自己當年沒有做過男童軍,野營及野外求生的知識及經驗,主要是跟同學及學校學回來的。

    回覆刪除
  41. Armadillo:

    哈哈,講開我都記得我班同學以前傻到抬箱真麻將,由梅窩行到分流,目的在荒山野嶺內開枱。真幼稚!!

    回覆刪除
  42. 哈哈,我地就成熟少少嘞,當然唔會熱血到自己帶麻雀,係喺士多租牌打!話時話,帶副麻雀都係小事,張麻雀檯先難搞囉!

    回覆刪除
  43. Armadillo:

    佢地都係帶迷你麻雀啫,不過應該都唔輕。

    回覆刪除
  44. //晞晞話佢好乖,冇同呢班友仔半夜走出去癲,佢講係群住啲戴住眼鏡瞓嘅四眼龜乖乖仔,好早就去咗瞓覺豬喎。//

    確實事有蹺蹊!有陰毛!(笑)
    唔怪你要整個聲明﹐話「唔確定其完整性、準確性和可信度」la!

    回覆刪除
  45. 文少:

    雖然係唔確定,但係我都信佢好乖:)

    回覆刪除