 |
| 網上圖片 |
嗰日應該係星期六賣旗日，因為在路上，我撞著兩個賣緊旗嘅學生妹。
嗰兩個妹妹仔唔知係邊間學校嘅，佢地都身穿潔白嘅連身校服裙，一個靚女啲，一個唔靚。（唔明點解，通常都係咁配搭嘅？！）
兩個小妹子走上前，唔靚嗰果忽然爆出咗一句：「白免牙呀！」然後兩個一味喺度笑。靚女啲嗰個一聲不響，成個身挨咗埋我身度，將塊旗仔貼喺我結實嘅心口上面，足足印咗 5 秒，先攞開隻手。
「可唔可以交換電話啫？」我突然俾人咁問，個心卜卜卜、卜卜卜，亂咁跳，個口開吓合吓，一時唔識點答。靚妹妹攞張紙仔出嚟，含情默默地又再伏係我個心口度，溫柔地在我胸膛上寫咗個電話號碼俾我，另一個妹妹仔在旁就不斷咁笑。
之後，我嘗試打吓嗰個電話號碼啦，點知發現，竟然係流嘅！
從來，我都係一個好容易俾女呃嘅人嚟嘅，只不過，在嗰日之前，我仲未知道啫。
當年今日：
鵝片壽司？
看他安躺月下
有趣 :P
回覆刪除小星：
回覆刪除係呀，當時仲覺得好爽添。
哈哈！
回覆刪除Coffee:
回覆刪除咪笑我啦=_=!
這樣配搭不是互相學習，就是身份認同。
回覆刪除不一定正確，聽罷就算。
睇完狂笑中! XD
回覆刪除若老：
回覆刪除連你都笑我：（
肯花時間呃你，
回覆刪除証明你"可愛"呀！
你果然靚仔吖
回覆刪除新鮮人：
回覆刪除讀中學時，大家都鐘意做埋D無聊嘢架喇，我諗，兩個妺妹仔太得閒，隨便揾個儍仔玩啫。
卡臣：
回覆刪除如果我真係靚仔，個電話號碼就唔會流啦：（
好傳神！
回覆刪除『靚妹妹溫柔地在我胸膛上寫咗個電話號碼俾我！』
咁是用筆寫呢？還是用手指寫呢？兄台當時意亂情迷，若不是用筆寫在胸膛上，白肉黑字（or白恤衫），好容易全靠feeling去recognize數目字，還要是卜卜跳緊，忙中有錯！
the inner space:
回覆刪除佢用筆寫落張紙仔度，在我心口上面寫。
OK 多謝兄台加返：『“靚妹妹攞張紙仔出嚟”溫柔地在我胸膛上寫咗個電話號碼俾我！』
回覆刪除哈哈哈請原諒這是小弟的慣性overQ咗！
the inner space:
回覆刪除我冇加番上去，成篇野我都㖔得閒去執。
嗱嗱嗱，情節好似誇張咗少少喎，咁而家究竟係賣旗定賣身先！
回覆刪除Armadillo:
回覆刪除賣身？實情係我俾人輕薄但自己都唔知。
睇返真係好似老作，伹事實係真人真事發生過。現在想返，年少輕狂，唔一定係男生嘅專利。
哈哈，有女無神神投懷送抱我都試過，不過係好扒嗰隻囉！俾靚女飛身擒拿，可信性低啲喎，你有冇將嗰兩條女倒轉咗嚟講呀？！
回覆刪除我冇加番上去》》咁一定是我眼朦朦了！哈哈哈請原諒這是小弟的慣性overQ咗！
回覆刪除佢擺明冧你喇，佢喺你健碩胸膛寫嘢，心兒喺佢亂跳，恍惚下咪寫錯咗 no. 咯！
回覆刪除Armadillo:
回覆刪除我諗佢地求其揾個儍仔玩下者，可能我比你好彩，大膽出手果個唔係扒。
the inner space:
回覆刪除哈唅，no big deal^^
laulong:
回覆刪除佢冧唔冧我唔知，但我明顯係冧都冇得冧：（
話明「交換電話」，咁你又有無攞張紙仔出嚟，含情默默地伏係個靚靚妹妹仔個心口度，再溫柔地在佢胸膛上寫返你個電話號碼俾佢？
回覆刪除都話你細個果陣時好靚仔架啦,嗱, 我無講錯啦掛 *_^
回覆刪除魔術師：
回覆刪除係播！㸃解果陣冇咁做呢！哎呀，哂咗個機會添＞.＜!
Bittermelon:
回覆刪除我細個果陣時唔係靚仔，係俾人呃咗嘅儍仔v.v!
你这样就不对了,人家在你胸口写电话号码,你也应该在她胸口写电话号码嘛.
回覆刪除Desertfox:
回覆刪除我死蠢！我死蠢！嗚嗚嗚.....
你真係豔福無邊呀，兔仔牙﹗哈哈。
回覆刪除放linkwithin 個小工具係唔係要放喺底部？
五珍：
回覆刪除豔福？都算掛？！
Linkwithin 小工具放在甚麼地方也沒所謂。
再唔係，你一手放在靚靚妹妹仔的心口上，再一收一放，以摩斯密碼打返你個電話號碼出來囉！
回覆刪除魔術師：
回覆刪除嘩！咁都俾你諗到，你D溝女技巧，真係同浪子m一樣咁勁喎！！
唔明. 咁條女有乜著數?
回覆刪除巔巔：
回覆刪除條女應該係玩撩仔！我估佢完全係貪玩，況且，佢都冇乜蝕底吖。
你好靚仔?
回覆刪除以便，愈諗你就愈唔啱。
回覆刪除古語有云：「來而不往，非禮也。」
人地響你個心口搞咗一輪，你唔搞返佢個心口，是為「非禮」。
枉讀聖賢書呀你！
巔巔：
回覆刪除非也。我估係我個樣夠純品，所以佢地先會覺得特別好玩。
魔術師：
回覆刪除你講得好啱，只怪我讀得書少，以致唔識得點樣待人接物，虧待咗人自己都唔知，罪過！罪過！
佢係米俾左個逐秒計的收費電話號碼你呀? ^^
回覆刪除DeepC:
回覆刪除佢連個咁嘅電話都唔俾我：（
你說靚妹說"交換電話, 佢俾咗個電話你, 你應該亦俾咗個電話佢, 係咪? 咁佢有冇打電話俾你? 你打唔通佢個電話, 會唔會係佢喺意亂情迷下寫錯咗個號碼?
回覆刪除匿名：
回覆刪除靚妺妺冇打過俾我：（
靚妺妺可能打過電話搵你, 但搵你唔到, 因為你當時個心卜卜跳, 心如鹿撞, 畀錯號碼人都唔定啊!
回覆刪除匿名：
回覆刪除你講落又似喎，當時我同佢同時心如鹿撞，興奮到連阿媽都唔認得呀！
多謝你Linkwithin的資料，我都係遲啲先整。
回覆刪除五珍 (Jan Ng):
回覆刪除互相提示一下啫，不用客氣^^
唉﹐呢個真係青頭仔的人間悲劇...(閃)
回覆刪除文少:
回覆刪除直頭係慘絕人寰啦:(