2012年1月19日

文化衝突

網上圖片
今早返到公司樓下,如常地在升降機大堂等 lift,忽然見到一位物管小姐飛撲跑埋嚟,好快就見佢捉住個踎咗喺度嘅阿婆。原來,阿婆剛剛除咗個四五歲細路條褲,準備幫個小朋友就地在雲石地上「屙尿」。

物管小姐指住個離升降機大堂只有幾十公尺遠嘅厠所,猛叫婆婆離開,誰不知婆婆原來聽唔明廣東話,死都唔肯企起身,最後,物管小姐改用普通話同婆婆溝通,然後再夾硬拖佢走。

我真估唔到,最近成為熱話嘅中港人民矛盾,應該最多只在遊客區出現,勢估唔到,原來呢啲隨時擦槍走火嘅文化衝突,可以咁近!

=====================================================================
後記:
雖然,以上故事中的婆婆似乎是故意讓小孩子隨處小便,但我不覺得大陸人都是這樣。最近,中港兩地人的關係開始有些不融洽,若我的一點生活小記有引致彼此關係加深矛盾的可能的話,真是不想,也是我很不願見的。

我想,好些讓小孩子隨處便溺的例子,可能都不是大人所願意發生的。有小孩子的人都知道,小朋友忽然「賴」是不出奇的,也是很尋常的。就如小孩在學校也會「賴」,我們總不能說是老師讓他在校隨處便溺。

彼此得對方多些的體諒與接納,也許正正是現時中港兩地人大家的需要。

22 則留言:

  1. 想兄台必然錯愕得連用唉瘋拍攝登上淤禿都忘記了!

    回覆刪除
  2. the inner space:

    其實當時我有想過影相,但心想,對方係一個阿婆同埋一個突咗條JJ出嚟嘅細路,若我影佢,若果被瘋傳,阿婆同細路都好慘,所以影唔落手。

    回覆刪除
  3. 換個角度睇,呢件都可能係好事。阿婆返到屋企,話唔定會將喺香港學到嘅公德意識傳播開去呢!

    回覆刪除
  4. the inner space:

    Space兄過譽小弟了。

    回覆刪除
  5. 管理公司以後可能要貼上「不要隨地大小便」的告示。

    回覆刪除
  6. naruto:

    我驚物管姐姐俾我嚇親喎。

    回覆刪除
  7. 我驚物管姐姐俾我嚇親喎。
    哈哈哈姐姐未見過咁大嘛!

    回覆刪除
  8. 匿名:

    Yes! 未見過咁大個仲通街屙尿。

    回覆刪除
  9. 物管姐姐工作效率很高呢!

    回覆刪除
  10. Bittermelon:

    唔出奇,在網上也見有人post過差不多的相片。

    回覆刪除
  11. 匿名兄:這裡是以便兄的網誌,是給成年人發表意見之地,要攪低級teenagers爛gag,請移玉步!

    回覆刪除
  12. 這不是文化衝突問題,
    是個人衛生和教養問題,
    擺明係雲石大堂啦,
    又唔係街邊坑渠,
    就算係山野村婦都知唔可以就咁痾尿痾屎啦,
    佢點會唔知丫,
    你估佢敢唔敢係毛澤紀東紀念堂和人民大會堂的雲石地板上俾個細路痾丫拿?

    回覆刪除
  13. the inner space:

    我想匿名兄也是說說笑吧了,況且,我也好多時在留言時說爛gag,甚至得罪過人,所以我也對匿名兄不會太介意的。

    回覆刪除
  14. 新鮮人:

    正如你說,這可能骨子裡是彼此尊重的問題。

    回覆刪除