2014年5月24日

也談厚多士

網上圖片
最近,厚多士事件在網上正討論得熱熱烘烘,個人認為當中誰是誰非實在並不好說,因為知道,往靠那一邊站其實都可以給人有話好說,而自己怎樣分解也未必完全可以說得過去。

在厚多士的事件中,婦人公然地在車箱內飲食,她明顯地已犯了規矩,也無視了大家珍而重之的守法精神,因此,從這樣看來,大家斥責那婦人是關乎對公義的執持。

可是又可以這樣說,那無知婦人在公眾地方犯規飲食,只因她未曾受過好好教養,而且她也為撫哺孩兒而已,緣何因此就可以隨便被人出言漫罵?事情是否情有可原?從這角度看,那又是關乎憐憫的申張。

世事中,公義與憐憫似乎都是互不相容,不是你死,就是我活?

然而我相信,在世事中最好儘量在公義當中去找出憐憫,也在憐憫當中去尋求公義,因為上帝是一位既重視公義,也滿有憐憫的神。

面對孩子的事情,我會叫自己儘量教導得黑白分明,由為知道孩子的世界是清純簡單的,一個是非清晰的價值準則,正是孩子成長中必要的扶手。

然而當面對一些飽歷過滄桑的人,我會叫自己儘量選擇寬容,因為我知道,他有可能有些值得我諒解的故事。


當年今日:
生意興隆
大陸趣聞

10 則留言:

  1. 在地鐵內不可飲食,
    對來港九年的人怎可說是"無知",
    香港地鐵咁短程,
    大半鐘就搭完,
    個細路食遲半個鐘會死咩?
    如果咁都可以做借口,
    阿公阿婆細路人人可以話忍唔到,
    係地鐵火車飲食痾屎痾尿爬唔得?

    我又想問,
    話大陸人無知又話文化差異,
    內地幾廿年前就大談三美五德,
    又提倡公共衛生,
    係天安門廝場吐痰要罰清潔一個鐘等等 ,
    中國人會唔知什麼是公德心嗎?
    不是不知,
    不是無知,
    只是自私。

    你睇下有無人敢係毛主席紀念堂入面飲食痾屎丫 !!
    有無人會敢話細路唔餓得,
    係都要係毛澤東副玻璃棺側邊食餅乾丫?
    點解係上面唔敢,
    係赽鐵就乜都敢丫?
    哩d咁自私的人咪啊衰格羅。
    最難頂仲有d人死雞撐飯蓋,
    係都要幫佢解釋,
    仲話小事黎,
    自己見到唔會出聲,
    哩d算係人師,
    我好擔心下一飾會變成各家自掃門前雪,
    自私自利,
    中國必定俾人睇小。

    回覆刪除
  2. 如果你問我,
    我會話佢唔係無知.

    係食錯藥有病.
    佢的表現唔會話係香港人,
    就連一個正常人都未有耐到!!!

    我咁講 ar~~~
    我反而係最擔心佢嗰兩個仔...
    細細個咁個咁的呀媽帶大.........
    大尐真係唔知點好..

    回覆刪除
  3. 厚多士是明知犯規 , 仲大聲夾惡 , 呢樣先係死罪囉
    如果厚多士立刻 say sorry , 速速收檔 , 都唔會搞成今日咁

    不嚴懲厚多士 , 會有千千萬萬厚多士攻陷香港 , 香港人忍了十年 , 什麼 " 包容 " 都碌爆card了

    回覆刪除
  4. 厚多士這類人 , 要用星加坡管理法先有用 , 打到羅柚開花 , 下次就一定唔敢啦

    回覆刪除
  5. 公義心,用喺其他更須用的地方罷。

    一個小孩在地鉄車廂裏飲食,一個中學生在地鉄車廂裏飲食,一個OL 在地鉄車廂裏飲食,由地鉄員工去執法罷,一般市民有威權去執行嗎?能保證自己用上合宜的口吻和態度嗎?

    回覆刪除
    回覆
    1. 講權,
      人人有權聲,
      不信,
      可以找律師問一下。

      講口吻,
      這是個人修養,
      不過那婆娘口咁臭,
      聖人見到都想爆粗,
      如果佢一早收聲講句唔好意思,
      點會俾人插到蘿友開花丫?
      自作自受。

      刪除
  6. 憐憫、包容?有無搞錯,一定要非黑即白,有咁大鑊煲咁大鑊。見高拜見低踩,憎人富貴嫌人貧,嘈嘈吵吵就係香港文化。

    回覆刪除
  7. 我就咁睇,厚多士啊姐在車廂進食當然唔啱,既然佢已經畀乘客駡過了,就無謂再全城公審她。

    回覆刪除
    回覆
    1. 雖然佢已經畀乘客駡過了,但最新的訪問, 顯示她全無後悔之心,還說她如果自殺死了,全香港人都要負責

      並不想公審她,而是希望地鐵檢控她,嚴格執法才能防止千千萬萬的厚多士出現。

      刪除
  8. 厚多士的另一個名子叫"棺材"盒, 讀音跟"官裁" 及"觀裁" 一樣.
    我在講吃! XD

    回覆刪除