2009年10月7日

淺談審計報告

假如有日去睇醫生,個醫生檢查呢樣檢查嗰樣,搞咗一大餐之後,最後只係同你講發現你發燒同埋流鼻水,仲有聽你講你好頭痛潻。結果開幾粒Panadol了事,你會有乜感覺?

你會唔會仍然好迷茫?究竟係中咗H1N1抑或只係好小事嘅傷風感冒?發燒同埋流鼻水唔駛佢講,你一早自己都知啦!無啦啦個頭勁痛究竟係咩原因?有冇隠疾?個醫生究竟有冇料到?

其實,好似以上差唔多樣嘅喺審計報告或者Management Letter,都唔係未見過!

理論上,審計報告中嘅內容應包含五個方面:

1) Nature of Observation:
在以上睇醫生嘅例子,作為Auditor,應該首先好清晰咁解釋究竟發生咗咩事,好似個醫生應直接話俾人知道,現在患嘅係乜嘢病。

2) Cause/Reason:
凡事總有前因後果。以上例子,發現發燒同埋流鼻水只係發現咗一啲好表面嘅「現象」,因乜事引致發燒流鼻水?頭痛係因為同發燒流鼻水有關?抑或係早前撞親個頭引致?

3) Effect/Impact:
又用番上面例子,正常人都會問:「咁我家吓係唔係大件事先?嚴唔嚴重?會唔會有其他乜嘢風險呀、危機呀等等?唔理佢會點?會唔會累街坊?出事機會大唔大?出事的話,可以有乜後果?.....」

4) Recommendation:
正常人又都會咁問:「咁我家吓點算好?」呢方面,不外乎係有關點樣善後同預防。但跟以上睇醫生例子有啲唔同,Auditor嘅初步建議未必一定係靈丹妙藥,因此,結合埋Auditee嘅實戰經驗,然後歸納出嚟嘅建議,往往更加具參考價值。

5) Auditee Comment:
Auditee要有say,呢點係最基本嘅尊重。Auditor講嘅發現究竟同意唔同意?總得要有所表示。仲有,將會點樣落實善後同預防呢?幾時搞呢?都要交待吓嘅。

以上形式嘅審計報告,多出現喺內審報告或者外審嘅Management Letter上。小弟自知能力有限,因此以上有關審計報告內容嘅介紹只係好粗淺嘅描述,目的只係想藉此介紹吓審計嘅產物而己。

11 則留言:

  1. 能這樣簡潔就講出audit report既要點,充以證明Ebenzer兄功力深厚.唔係刷鞋,我講真的^^

    回覆刪除
  2. Bittermelon:

    師兄言重喇!我只是班門弄斧而已!

    回覆刪除
  3. 你寫得好清楚呀! 作為門外漢的我也看得明白.

    不過, account d 野我真係超級怕怕, 以前讀account(應該係好初級嗰隻), 我永遠都balance唔到條數, 不知幾沮喪, 所以你同苦瓜兄真係好勁.

    回覆刪除
  4. 肥貓:

    我以前考親試都balance唔到條數架^^



    uncleray:

    過獎喇 ^^

    回覆刪除
  5. 難為我常常要按這些報告作出跟進和深度回應.

    簡直要化腐朽為合理.

    要命!救命!

    回覆刪除
  6. richma:

    難道妳也是那些痛苦的Auditee?

    回覆刪除
  7. Ebenezer兄,我講真架,要將複雜既東西簡潔咁講出嚟,如果本身對那些東西沒有深切的了解,根本無可能寫到.

    richma,原來你都係"受害人",哈哈.

    回覆刪除