2010年8月4日

放榜

今日又到中學會考放榜嘅日子喇!每年一度,例牌會見到好多學生喊苦喊忽,又例牌有人上電視晒命。

想起好耐好耐之前到放榜日,我都會好主動地去關心吓啲學弟學妹架。記得我第一次陪同學放榜嘅時間,只得滿腔熱血,但乜都唔識。當年有位學妹成日同佢一齊佢都好地地,點知唔記得同佢去咗邊度,得番我同佢,佢忽然對住我狂喊,我陪佢又唔係,走又唔係,都唔知點安慰佢好。

跟住之後一兩年在放榜之日,我都有陪啲同學去渡過,間中回憶起,仍然覺得好溫馨好甜蜜。

現在身邊再冇啲要考會考咁細個嘅朋友喇,會考對我嚟講,現在只有無限回憶。

14 則留言:

  1. 吁,今日我就係搞放榜搞收生,搞到一頭煙!

    回覆刪除
  2. laulong:

    校長,有冇好多妹妹仔對住你喊呀?

    回覆刪除
  3. 不論放榜取了什麼成績, 都係人生的過程, 從過程中學會的東西, 都是人生的收穫, 最重要的是下一步!

    回覆刪除
  4. 有信心考好就不怕落榜。

    回覆刪除
  5. 啱啦, 校長要多多關懷d妹妹仔呀!

    會考對我而言已經是很遠的事, 不過偶然回想起當日的點滴, 不禁感到 "時光飛逝", 然後長嘆三輯聲!!

    回覆刪除
  6. DeepC:

    係!人生充滿挑戰,成敗都有歷鍊!

    回覆刪除
  7. 嘿嘿:

    你地新加坡果邊,會考放榜係唔係都係同香港差唔多架?都係好多小妹妹喊架?

    回覆刪除
  8. 肥貓:

    長嘆三聲?!

    我估妳現在真係長嘆(係嘆世界嘅嘆)^^

    回覆刪除
  9. 廢除會考, 舉腳贊戌!

    不過, 新嘅量度考生方法, 香港啲阿 sir, missy, 又有料去評分嗎?!

    回覆刪除
  10. 梁巔巔:

    廢除會考,以後每人都派10條A,大家happy!

    回覆刪除
  11. >> 長嘆(係嘆世界嘅嘆) ??

    why?

    最近我個division大地震, 公司在我老頂之上再放個人, 之後日子可能不易過!!

    回覆刪除
  12. 肥貓:

    咁咁咁...

    連中學會考咁難嘅妳都撐得過,相信現在冇嘢會難到妳架喇!

    努力!加油!!

    回覆刪除
  13. 博文上留淚小妹妹是你安慰過的?

    回覆刪除
  14. Coffee n Tea:

    坦白講,呢個妹妹真係我見猶憐,我都好想安慰吓佢!

    回覆刪除