2010年12月18日

凍到抽筋

網上圖片
呢兩日忽然轉寒,不期然又令我記番起以前一啲凍到飛起嘅經歷。

小弟自幼家貧,細個邊有羽絨、GoreTex 呢啲咁暖嘅衫著吖,再加上以前住間公屋向正西北,到冬天就一定凍上加凍。但係又可能因為咁,從細開始凍慣,所以自己都算好捱得冷。

記得讀中四嗰年,學校唔知發咩瘟,去到成十一月咁上下先至嚟搞水運會,而嗰年天氣又有啲反常,凍得特別早,無啦啦就喺到正水運嗰日有冷風襲港,突然得番十幾度。

當年我參加咗拯溺隊,我同埋幾個隊員都俾 PE Sir 夾硬捉咗去落場參賽,仲要負責企埋喺池邊扮做 life-guard 添。老實講,天寒地凍仲要濕晒身企喺度食西北風,冇番咁上下生存意志就肯定死咗架喇,而當日,大家維持住唔怕凍死嘅信念係:一定要型仔,一定要引死女!!!

為著呢個信念,我哋好自然只係報蝶泳呢個項目啦,而落場果時,大家由跳台落水至到終點,都係游得有咁優美得咁優美,有咁型仔得咁型仔!而細老我,因為冇學其他人扭咁多屎忽花,自然會游得快人哋少少,結果,無啦啦攞咗獎,我望住看台上班女同學,幻想佢地對我好仰慕咁,哈哈,凍死都抵!





後記:
嗰日水運會,其實係我第一次經歷凍到抽筋究竟係乜嘢嘅一回事。

31 則留言:

  1. 哈!女仔就話扺冷貪瀟湘,你就凍死都要型。

    回覆刪除
  2. 牺牲得伟大!结果你就骗得到你现在的老婆?嘿嘿嘿~

    回覆刪除
  3. 我以前水運會蝶泳報名人數次次都唔超過3,即係你肯落水,就要準備上台領獎!
    陸運會跳高又係咁,廿幾人報名參加,全部用鉸剪腳跳,得我同另一個師兄識用背越式,我地年年出場不停pass唔跳,到淨番1個鉸剪腳選手我地先開始第一跳,都好型下。

    回覆刪除
  4. 哈哈!你自小就一定醒目過人,很懂突圍而出喔!

    回覆刪除
  5. the8:

    係架,死都要引死女架^^

    回覆刪除
  6. 當年你應該叫個阿sir,不如整個師生接力賽啦!要玩一齊玩呀!

    回覆刪除
  7. 嘿嘿:

    當時還未騙到她,哈哈!

    回覆刪除
  8. 馬沙:

    原來你當年都係運動健將,你又引死女啦^^

    回覆刪除
  9. Coffee n Tea:

    都.......都唔算...係架^^

    回覆刪除
  10. l.minor:

    唉!佢哋精甩肺啦,點會咁凍走落水吖!

    回覆刪除
  11. 嗤, 11月凍得去邊唧, 頂多未十幾度, 係你自己弱d咋啩.

    回覆刪除
  12. 點解以前出席陸運會會覺得悶到想瞓呢?

    原來咁多參賽者係show 型第一比賽其次, 嗯, 現在知了.

    回覆刪除
  13. 咁有冇因為得獎而吸引到女生歡心?

    回覆刪除
  14. 我讀書果陣, 9月已經要穿冷衫

    回覆刪除
  15. "原來你當年都係運動健將,你又引死女啦^^"

    冇用啦,我讀和尚寺 >_<"

    回覆刪除
  16. 舞了:

    其實凍唔凍唔係淨係睇氣溫架!身體如果濕咗,加上大風,體溫流失率可以係平常嘅廿幾倍架,身體對冷嘅惑覺可以去到零度都得架。

    唔信妳試吓^^!

    回覆刪除
  17. DeepC:

    係呀,所謂有型第一,比賽第二,呢d咪叫體育精神囉^^

    回覆刪除
  18. Uncle Ray:

    女生歡心....係睇型唔型仔,唔係睇攞唔攞到獎個播!

    回覆刪除
  19. 卡臣:

    家陣d同學,反而有d一年四季都著冷衫添...因為班房有冷氣,哈哈!

    回覆刪除
  20. 馬沙:

    通常和尚寺隔離總有間女校個播,你又有冇引死隔離啫,hehe^^

    回覆刪除
  21. 有無當年嘅型仔照呢?
    攞出黎俾大家慕拜吓都好喎!
    哈哈哈~~~

    回覆刪除
  22. 新鮮人:

    咪啦,俾人笑就唔好啦^^

    回覆刪除
  23. Ebenezer, 唔該你去叫梁享南來搵我!

    回覆刪除
  24. 舞了:

    咪講笑啦,我邊度識得妳個梁享南呀?!

    回覆刪除
  25. o瓦, 乜佢好巴閉架咩?

    識得佢有乜咁出奇呢

    回覆刪除
  26. 係啦! 我記得細個個陣, 有一次得四度, 都無羽絨、GoreTex, 咪又係咁著往條裙仔返學!

    回覆刪除
  27. 肥貓:

    現在香港好耐都未試過得番四度喇:(

    話時話,好懷念以前好凍好凍嘅日子。

    回覆刪除
  28. 識游蝶式仲要攞獎咁勁,失敬

    回覆刪除
  29. naruto:

    俱往矣!現在只能回味。

    回覆刪除