2011年6月13日

係唔係有啲嘢搞錯咗?

Source:信報研究部,Youtube
近期,樓價升到癲已經係同阿媽係女人嘅道理一樣,睇怕都冇乜邊個話唔知喇。而自政府在上星期尾話要打擊樓價之後,好多人就開始議論紛紛,估啲樓會冧抑或唔會冧。

根據非正式統計,歸納咗好多豬朋狗友嘅推測,大家都估啲樓只會大漲小回,因為根據坊間嘅智慧,由於官商勾結嘅關係,所以樓價係唔會被壓得低嘅。而事實上,又好似到目前為止,樓價都仲係好堅挺咁喎。

再根據坊間智慧,由於政府無良,任由樓價不斷咁升,啲地產商就必然係發過豬頭架喇!照此推論,一眾地產股好自然地應該要同樓價同步,升到連阿媽都唔認得先係架嘛!!

之不過,睇睇個股市,卻發現原來成個地產版塊已經係弱過弱雞,再睇睇附圖,發現一眾地產股其實已經齊齊掉頭跌咗一段時間架喇。點解個樓市旺成咁,樓價高成咁,地產股卻不升反跌?無啦啦玩「背馳」,搞乜?係唔係搞錯嘢?


(本文並非任何投資誘勸或建議)

18 則留言:

  1. 鹿米館:

    吓,唔通你以為我知道答案?

    我估「背馳」係唔正常現像,我都想睇吓你地點睇。

    回覆刪除
  2. Coffee:

    妳估樓價方向同股價方向同步似啲?抑或股價方向同樓價方向同步似啲?

    回覆刪除
  3. 大審判的日子不遠罷!

    回覆刪除
  4. laulong:

    你意思即係未日快到?

    剛剛見到信報即時新聞有如下報導:
    有末日博士之稱的魯賓尼(Nouriel Roubini)近日表示,美國財政狀況的惡化、中國經濟的放緩、日本經濟的停滯,以及歐洲債務重組或形成一股強勁的龍捲風,令全球經濟於2013年遭遇一次「完美風暴」。

    回覆刪除
  5. 我都有觀察到呢樣野。

    樓市升,照「常理」地產股應該都會跟升或者例步升,但諗深一層,面包雖則係越嚟越貴,但面粉同當中嘅建築成本都同樣上升,地產股嘅profit margin可能無乜點升,業績純粹以量補質,所以升極都升唔起!

    回覆刪除
  6. 最近真係好恐佈吓,但政府啲“招式”唔出好過出,有心買樓住的,而家又要比多啲首期,邊度變出來呀?

    回覆刪除
  7. 股價係領先指數,到發作要幾個月計。

    (又係老話題:老兄幾時幫手? XD )

    回覆刪除
  8. 大市跌,地產股已算是跌得少了。工業股跌得仲勁。

    當近日住宅/商舖/商廈成交價創新高後,離頂己不遠。中環地舖月租幾百萬,太瘋狂了。

    回覆刪除
  9. 對沖 hedging 套戥 arbitrage 空倉 short sale ?

    回覆刪除
  10. Jay:

    歡迎光臨。

    睇番你個Blog,原來大家睇到嘅嘢都差唔多。

    你點出一點,我好認同嘅係,照數據睇,今時今日做地產商,都唔一定唔駛驚蝕架。

    回覆刪除
  11. SKII:

    係呀,政府忽然出招,好影響要買貴價樓嘅人架。

    回覆刪除
  12. 若缺齋老人:

    股市個市底現在弱過弱雞,如果樓市會跟個股市修正,樓市嘅盤路不妙矣!

    回覆刪除
  13. 哥斯拉:

    三月時,甚麼十二五概念,已經可以成為水泥建材版塊嘅Catalyst。

    現在,樓市癲升,卻對地產版塊起不了作用,看來,市場已經給了大家一點暗示了。

    回覆刪除
  14. The Inner Space:

    好多人都叫大家在股市做下短倉架,你都係咁想?

    回覆刪除
  15. 樓價大升, 地產股冇得升, 基本上有兩個原因: 一是股市氣氛冷淡, 地產股未能充分反映賣樓盈利大升, 二是大鱷正在收集地產股, 收夠籌之後就會爆升, 升到發癲.
    地產發展股(不是收租股)目前價格十分廉宜, 唔買些少就笨啦. 我唔會叫人瞓身買任何股票, 因為你永遠唔知黑天鵝事件幾時會發生.

    回覆刪除
  16. 匿名:

    樓市股市走勢出現背馳,我覺得真係唔知最終會靠邊一邊站,而似乎匿名兄傾向認為地產股應跟樓市走。

    大鱷正在收飛仔?都有可能。歡乎大市短倉比例高到無倫,大鱷現在似乎真係好似做緊嘢,好快輛到地產股飛升?

    但從另一個指標睇,香港嘅資金流向好似一路下跌緊,如果話現時樓市主要靠班大陸大爺頂住,佢地係唔係走緊資?樓市會唔會好快跟番股市行?

    回覆刪除