 |
| 網上圖片 |
我覺得肥佬黎要搞到行鹹報呢一步棋，好有可能佢已經走投無路諗到冇得好諗，情形就好似香港舊式戲院沒落，間間執笠前都變晒做鹹片戲院咁，希望在滿足鹹濕佬呢個小眾但穩定嘅市場時，盡量爭取呼吸埋最後一啖氣。
但我覺《爽報》前途比起鹹片戲院更加難搞。鹹濕佬好快入咗戲院就唔係咁易俾人認出佢鹹濕嘅本相，但《爽報》喺鹹濕佬番工嘅時間派俾佢，佢唔通在街邊睇？在巴士睇？在港鐵睇？在公司睇？咁即係在女途人、女乘客、女同事面前承認自己嘅鹹濕身份？用份《信報》包住佢留番屋企睇都係辦法，但鹹濕佬屋企實有大把好嘢啦，番到家仲駛睇呢啲小兒科？！
我唔係鹹濕佬，所以我以後都唔會再攞《爽報》嚟睇咁鬼麻煩！
***************
後記：
壹傳媒旗下免費報紙《爽報》充斥色情內容，惹起教育界、社福界及家長團體群表不滿，淫褻物品審裁處更將《爽報》「眼兒媚」專欄的首兩期網上聲音版和第二期的文字版，暫定評級為第二類物品（不雅物品），即不得向十八歲以下人士發布或出售。（25/9/2011東方日報）
中秋速寫
我都唔明點解爽報會攪到咁多人唔爽?!
回覆刪除我只係覺得, 爽報冇我預期中咁 "爆".
佢最令人唔爽嘅，係佢過份 cheap，呢樣野，𡨴俾人知，莫俾人見，大忌！
回覆刪除大鑊!!!...... 等我仲話『冇我預期中咁 "爆"』tim!......
回覆刪除梁巔巔：
回覆刪除哈哈，你唔小心暴露咗身份喇^^
?
回覆刪除.....I see! 你誤會喇. 我唔係壹傳媒嘅人.
"等我仲話『冇我預期中咁 "爆"』tim!......" <--- I just meant 我 cheapest! ^~
梁巔巔：
回覆刪除我仲以為你嫌佢唔夠咸濕添^^
爽報多了些少情色內容, 其實沒甚麼大不了, 但好多香港人都仲係內裡open, 外表斯文, 對關乎性方面的事物從小受到壓抑, 性教育近乎空白, 完全唔敢公開探討, 仲要動不動罵人係鹹濕佬, 呢種違反人性的壓抑, 損害心理健康, 絕對要不得. 爽報的出現, 希望可以改善社會風氣, 讓更多人可以掙脫無謂的束縛, 心理上趨向健康正常, 與世界接軌.
回覆刪除匿名：
回覆刪除對！色情內容總有人鍾意，所以呢個市場小眾但穩定囉！
Ebenezer 兄: 冇錯! 嫌唔夠! ^~
回覆刪除匿名: 嘩! 肥佬黎應該請我哋!
嗱, 唔好唔同意我, 如果唔係, 我好瘀皮~ XDDDDD
哇哇哇，樓上嗰位，你去攞個吹氣公仔週街行喇，或者將兩個用過嘅避孕套吊住當耳環喇！
回覆刪除審塩花就係性教育？未有爽報之前就係性壓抑？睇十九才子嘅T back 小說就係與世界接軌？你講乜0 野？
以便兄,
回覆刪除係情色, 唔係色情, 爽報的情色內容沒有淫褻成份, 十分健康.
展示或描述人體美不是灑鹽花, 藝術雕刻甚至會展示性器官, 無知者或會認為是色情, 其實這些人亟需基本的性教育. 爽報有陶才子的情色短篇小說, 性閉塞者不懂欣賞, 或會斥之為淫褻, 但正常人會欣賞其文筆及寫作技巧, 閱出趣味.
梁巔巔：
回覆刪除我點敢叫你瘀皮呀^^
兩位匿名兄：
回覆刪除自已喜歡不喜歡情色或者色情也好，喜好嘅野好主觀，別人好難去干涉。
但同樣地，亦干涉唔到別人點睇自己嘅嗜好，正如我阻止唔到別人睇我唔起一樣。
以便兄,
回覆刪除這個不單純是個人嗜好或喜歡與否的問題, 藝術與色情的分野, 有主觀的成份, 亦有頗為客觀的準則. 如果不戴有色眼鏡看爽報, 其內容絕無色情成份, 對其內容不喜歡的讀者, 可能會覺得沈悶, 喜歡的, 則會領略到其趣味所在.
我都無拎過
回覆刪除匿名兄：
回覆刪除小弟一直寫 blog，都知道有三樣話題，是可以拗得沒完沒了的，就是：政治、宗教和藝術。
我絕對尊重你喜歡爽報及你覺得它有藝術價值。然而小弟相反不喜爽報和覺得它不是藝術，我想，大家就各自表述吧。
佢原先係想人爽死,但係街上太唔方便了
回覆刪除hkeric:
回覆刪除太多人搶搞到你拎唔到？
熱血宅男：
回覆刪除個個都唔同佢爽，呢鋪肥佬黎都唔慌唔爽喇。
以便兄,
回覆刪除我也絕對尊重你不喜歡爽報及你覺得它不是藝術. 不過, 藝術就是藝術, 即使閣下不喜歡, 它依然是藝術, 祇是閣下不欣賞或不懂得欣賞而已. 正如許多人都不欣賞嚴肅文學、戲曲或古典音樂, 但無損其為藝術. 爽報陶才子的文章是文學藝術, 儘管不是人人欣賞.
嘿嘿，唔係色情係藝術，唔係強姦係慰安，唔係非禮係有禮，唔係性侵係專驅鬼 ...
回覆刪除尊貴的法官同陪審員，係你地戴咗有色眼鏡去判案咋，你地判乜0 野案呀！
呵呵，任你噏咯，你話樹！
兩位匿名兄：
回覆刪除哈哈，我都話可以拗到沒完沒了啦：）
我無攞過爽報,
回覆刪除唔知佢有幾鹹,
不過唔洗封膠袋嘅,
鹹唔得去邊啦,
依家份份報紙都有風月版架拉,
邊個理你睇爽報吖?
況且佢之所謂鹹照甜故都好似無乜特別,
同東方啲咪差不多,
同以前新夜報無得比,
嗰時入便啲鹹故真係鹹得有道理,
睇到少年時期的我"眼火爆"呀,
陶生啲所謂"鹹故"真係得啖笑,
直情老少咸宜呀!
所以爽報根本唔可以列入鹹報,
佢只係一份普通嘅免費廣告宣傳紙喳!
更正:
回覆刪除嗰時嗰份鹹報應該叫"今夜報"先啱!
sorry!
我就唔夠胆喺地鉄一個唔識嘅女生旁边睇＋九才子那篇色乜咯！
回覆刪除係咪色情，哩個就係 tester 喇！
新鮮兄：
回覆刪除嘩！今夜報你都識，証明你真係有識之士！
果份野好似在小弟仲食緊奶時在屋企發現過嘅失傳古籍，果時我已經發現，原來古代嘅人已經相當咸濕^^
laulong:
回覆刪除校長，如果你在地鐵一個唔識嘅女生旁邊睇，你d學生一定好高興，因為又有野唱。
haha, 你話用收音機播埋＋九才子口述出黎，唔俾女生摑都俾佢勁閙變態喇！
回覆刪除細過果時有次俾我發現我阿公係今夜報嘅讀者
回覆刪除大鄉俚
回覆刪除我仍未睇過
唔知鹹成點？
在很久以前, 報章頭版刊登女性的露乳照片, 屬於平常事, 沒有人覺得教壞人, 沒有人要求禁制. 今日, 香港的所謂"衛道之士"彷彿是從石頭爆出來的, 沒有親身體驗, 也沒有讀過歷史, 看到老少咸宜的才子作品就大呼小叫, 將藝術貶為色情, 將性感照視作淫照, 指鹿為馬, 歪曲事實, 這些人不但心理狀態非常不健康, 並且喪失辨斷事實的基本能力.
回覆刪除睇報紙都係想得知天下事,與及一些人的見解.如果要睇咸濕嘢,不如買本蛇貓狗嚟睇咪仲爽.爽報跟台灣版一樣走咸咸地路線,但正經內容又缺乏,睇完等於無睇,再係咁,咪盞D讀者走夾唔呌?
回覆刪除laulong:
回覆刪除仲要一路聽，一路笑口淫淫，死未?!
l.minor:
回覆刪除拿，又一証明古代嘅人已經相當咸濕喇^^
卡臣:
回覆刪除今夜報呢份野.....簡直淫賤不能移，哈哈。
Bittermelon：
回覆刪除你提起「蛇貓狗」，又令我想番起細果在學校跟同學仔唱嘅校園民歌:
龍虎豹好睇，好睇，但係又好鬼貴....
近這兩天已經攞唔到爽報！
回覆刪除Space 兄:
回覆刪除咁搶手?
作為女性我吾覺得有什麼問題，有些人又要睇又要鬧，跟住自己又有性需要，望靚女，溝靚妹未一樣咁樣衰，總之這是很平常的事，也慶幸香港傳媒還可百花齊放，看與不看都是過人選擇，無需大驚小怪，又要扮匿名，呢種男人至系cheap！人與畜生的分別是人懂得自我約束。
回覆刪除李小姐及各友好網友：
回覆刪除估不到小弟這帖文引來如此激烈的討論及反應，實在始料不及。然而我覺得各方好友，具名又好，不具名又好，在此彼此坦誠分享，怎樣看都是好事。
我覺得，從來有個人立場及真誠的意見者，都值得尊重。而各立場及意見是自己所讚成同意與否，本人希望儘量做到對事不對人，而即使是跟自己相反的意見，我也要設法維護，這是我的立場。
在此，再次感激大家積極的分享。