 |
| 網上圖片 |
在短短的最近一個月內，這已經是我所認識的，第二個真人真事「輸到反艇」的真實故事了。好有可能，在我認識以外，其實已經有千千萬萬人同樣都是輸得要命。例如有一位無名者，就曾在討論區內發出過如下令人聞者傷心的真情剖白：
好對唔住家人，兩天內將十年積蓄輸光，面對唔到自己，家人，想過自殺，但又無決心，但腦海總是浮現昨天斬倉時景象
現在輸清光，只敢同老婆講，其他家人只知道我輸錢，不知道我輸了層樓
我今天請了徦，我無法面對現實，每當在馬路經過時，有一刻念頭想衝出去俾車撞死一了百了
我真不知怎樣活下去
別人常說玩笑上IFC ，我真得想過跳樓，
身邊人無人明白我，只說錢可以再搵
我真不知怎可翻身！
天像是要我死，在昨天低位處決了我！
可能大家會說，真正自殺的人不會上黎講咁多，
我都想可以堅持活下去，我惟一顧慮是太太和父母，唔想他們傷心，我真不知道這些事可和甚麼人傾訴，願大家作為我的聆聽者
謝！
其實，人誰無過？記得索羅斯曾經說過：「承認錯誤是件值得驕傲的事情。我能承認錯誤，也就會原諒別人犯錯。這是我與他人和諧共事的基礎。犯錯誤並沒有什麼好羞恥的，只有知錯不改才是恥辱。」
但願以上的各位朋友可以在錯誤中快快翻身過來。
當年今日：
iPhone4 狂熱
朋友:
回覆刪除唔好覺得對唔住家人, 你都係想家人好才會輸掉畢生積蓄.
任何投資都有風險, 當風險到來而又躲避不過, 就會輸錢. 輸錢好多時不是你的錯, 而是被大鱷或大股東欺騙了, 例如那個你仆街. 輸光了, 有時未必可以翻身, 十年不能, 廿年亦不能, 下半世也不能, 不過, 總不能死, 死了才真的對不起家人.
還好, 你仍有個支持你的老婆, 很多輸清光的真的一無所有, 連老婆也走路了.
輸了一層樓, 今後咪租樓住囉, 翻身無望, 唯有捱埋下半世, 等下世至翻身囉. 我唔係講風涼話, 好多人都係咁, 捱吓捱吓, 咁就過咗一世人喇. 有幾多人可以好似李渣成咁嘆世界呢? 搵埋咁多污糟錢, 正常人都唔會嘆得安樂架.
講真, 輸光晒, 翻身機會真係微乎其微, 不過, 機會總係有的, 每期俾廿蚊買張電腦六合彩都可以買個希望吖, 我每期都買架, 希望在人間! 共勉之.
匿名:
回覆刪除對！唔駛死嘅，希望在人間吖嘛:)
都係嗰句, 10蚊最多玩6蚊.
回覆刪除篤手指, 玩輪, 玩孖展一定唔 Q 制!
梁巔巔:
回覆刪除對！一定要事先計算好值搏同注碼先好落場。
我反過艇喇，反完仲好，睇透了成敗得失，心情平靜，少咗物質，冇埋抝撬，健康好咗，不知幾舒服！
回覆刪除我真係要多謝反艇！
laulong:
回覆刪除原來你係過來人。
反艇宜早, 最好在四十歲之前, 否則好難翻身, 假如到了六十歲才反艇, 真係臨老唔過得世, 好悽慘!
回覆刪除匿名:
回覆刪除所以，投資時要計算好可接受風險及做好風險管理。
永遠不要孤注一擲。
唔需要扮智者,我的確係感激後生時第一次玩期指輸到嘔血,自此唔敢再掂孖展類既物體;
回覆刪除手上銀行股帳面的確有蝕,不過對於預左持有到退休既根本毫無影響,更唔會影響到我日常生活。
若缺齋老人:
回覆刪除輪之類嘅野係唔公平嘅東西，你唔沾手已經証明係係智者喇。
我好似反左艇好多年都返唔到岸，逐隻等佢到番位就賣，但都仲有幾隻唔聽話囉
回覆刪除我諗你係坐艇啫，未至於反艇：）
回覆刪除人哋反嗰隻艇係航母或核動潛艇, 你如果反嘅只係舢舨, 就唔好拎出嚟比較. 至少輸你三五年人工或者十年八年積蓄, 才可以叫做輸到反艇吧. 你試過未? 87, 97 及 08股災時就好多人都試過反艇嘅滋味.
回覆刪除噢！以便嫂冇介紹果個先知基金經理佢兩公婆識噃！
回覆刪除有賭未為輸，儲夠彈藥，東山再起，雖然唔賭唔會輸，但肯定唔賭就冇得贏！
從來投資嘅錢「應該」係唔等用嘅錢，輸哂都對生活無問題。
回覆刪除講到反艇，今年我都輸左幾個月人工。
擲地有聲
回覆刪除警世呀
說得對
回覆刪除講真，如果我老公係咁，我諗我會離婚。錢財事小，欺騙事大。點解咁大嘅投機唔先同我講聲？既然當日佢對自己咁有信心，今日佢都應該有足夠嘅自信去處理個結果。
回覆刪除勇於承認錯誤之餘，敢於承擔結果。
匿名 at 6:58
回覆刪除反艇又好坐艇又好啦，都係一個痛苦嘅經歷。
Space:
回覆刪除人地老婆都係等衰咗先知道佢老公件事，先知都救唔番啦！
Jay:
回覆刪除So bad, 勾起你d傷心事添，sorry!
卡臣 & hkeric:
回覆刪除大家互勉：）
匿名 at 10:08
回覆刪除錢又冇老婆又走佬，對一個男人嚟講係極刑！
哈哈哈哈！ 讓我做個事後孔明。
回覆刪除個位基金經理唔會是最近至幫以便嫂瓜，起碼都有有一個值得以便嫂信任的時間性。若早些介紹朋友兩公婆去買基金，就唔會有今次反艇事件發生嚕！
Space 兄:
回覆刪除以便嫂只係同個基金經理通過一次電話咁大把，見都未見過佢架。
件事其實係咁嘅，在七月尾我日日嚇佢八月好有可能好大鑊，我仲身體力行清晒倉添。我都唔知以便嫂原來有d私己基金，佢靜靜自己打去問清倉好唔好，點知人地即刻叫佢快d走，咁先逃過一劫咋。
以便,
回覆刪除"在七月尾我日日嚇佢八月好有可能好大鑊，我仲身體力行清晒倉添。"
啊! 原來你也是先知!
匿名:
回覆刪除我唔係先知，只係斷估。
「有斷估, 冇痛苦」, 果然係至理名言.
回覆刪除匿名：
回覆刪除哈哈！正是，正是！！
錢財身外物，
回覆刪除輸了也鯊辦法，
自殺只會生生更多問題，
又唔係無飯開，
睇開點，
玩得就有輸贏，
做個男人大丈夫嘛。
那大大聲話人知想死的一定唔會死，
反而靜靜唔出聲的才有危險。
新鮮人:
回覆刪除係囉，輸錢事少，輸命事大！
RE: 件事其實係咁嘅，在七月尾我日日嚇佢八月好有可能好大鑊，我仲身體力行清晒倉添。
回覆刪除以便兄勝過周瑜孔明多多矣！
Space 兄：
回覆刪除係事後孔明吖嘛。
兄台不用謙虛，勝過周瑜孔明！
回覆刪除Space 兄：
回覆刪除兄台抬舉，實在不敢當！
老實講，我不信有人有能力對市場可以預知末來，我也不例外。
今次的八月跌市，從技術分柝去看，離場訊號算是相當響亮，預早己經有警報的了 所以好多人都同樣收得到，因此不算是甚麼大智慧。
炒股也可以如此累人啊，和賭錢一樣，但生命絕處逢生，跌得越低，可以反彈得越勁。你是否用了新的blogger介面？
回覆刪除五珍 (Jan Ng):
回覆刪除用了新的介面？係唔係我亂打亂撞搞到個介面有d唔同咗？
Anyway, 我都諗緊轉吓背景介面：）