2011年12月2日

我的 band 5 遭遇

大概在中三嗰一年,開咗學冇耐嘅一個深秋早上,天氣好爽。唔知因乜事我一個人晨咁早就出咗去行街街,記得當時沿途好清幽好靜,路上冇乜人。
網上圖片

嗰日應該係星期六賣旗日,因為在路上,我撞著兩個賣緊旗嘅學生妹。

嗰兩個妹妹仔唔知係邊間學校嘅,佢地都身穿潔白嘅連身校服裙,一個靚女啲,一個唔靚。(唔明點解,通常都係咁配搭嘅?!)

兩個小妹子走上前,唔靚嗰果忽然爆出咗一句:「白免牙呀!」然後兩個一味喺度笑。靚女啲嗰個一聲不響,成個身挨咗埋我身度,將塊旗仔貼喺我結實嘅心口上面,足足印咗 5 秒,先攞開隻手。

「可唔可以交換電話啫?」我突然俾人咁問,個心卜卜卜、卜卜卜,亂咁跳,個口開吓合吓,一時唔識點答。靚妹妹攞張紙仔出嚟,含情默默地又再伏係我個心口度,溫柔地在我胸膛上寫咗個電話號碼俾我,另一個妹妹仔在旁就不斷咁笑。

之後,我嘗試打吓嗰個電話號碼啦,點知發現,竟然係流嘅!

從來,我都係一個好容易俾女呃嘅人嚟嘅,只不過,在嗰日之前,我仲未知道啫。


當年今日:
鵝片壽司?
看他安躺月下

49 則留言:

  1. 小星:

    係呀,當時仲覺得好爽添。

    回覆刪除
  2. 這樣配搭不是互相學習,就是身份認同。
    不一定正確,聽罷就算。

    回覆刪除
  3. 肯花時間呃你,
    証明你"可愛"呀!

    回覆刪除
  4. 新鮮人:

    讀中學時,大家都鐘意做埋D無聊嘢架喇,我諗,兩個妺妹仔太得閒,隨便揾個儍仔玩啫。

    回覆刪除
  5. 卡臣:

    如果我真係靚仔,個電話號碼就唔會流啦:(

    回覆刪除
  6. 好傳神!

    『靚妹妹溫柔地在我胸膛上寫咗個電話號碼俾我!』

    咁是用筆寫呢?還是用手指寫呢?兄台當時意亂情迷,若不是用筆寫在胸膛上,白肉黑字(or白恤衫),好容易全靠feeling去recognize數目字,還要是卜卜跳緊,忙中有錯!

    回覆刪除
  7. the inner space:

    佢用筆寫落張紙仔度,在我心口上面寫。

    回覆刪除
  8. OK 多謝兄台加返:『“靚妹妹攞張紙仔出嚟”溫柔地在我胸膛上寫咗個電話號碼俾我!』

    哈哈哈請原諒這是小弟的慣性overQ咗!

    回覆刪除
  9. the inner space:

    我冇加番上去,成篇野我都㖔得閒去執。

    回覆刪除
  10. 嗱嗱嗱,情節好似誇張咗少少喎,咁而家究竟係賣旗定賣身先!

    回覆刪除
  11. Armadillo:

    賣身?實情係我俾人輕薄但自己都唔知。

    睇返真係好似老作,伹事實係真人真事發生過。現在想返,年少輕狂,唔一定係男生嘅專利。

    回覆刪除
  12. 哈哈,有女無神神投懷送抱我都試過,不過係好扒嗰隻囉!俾靚女飛身擒拿,可信性低啲喎,你有冇將嗰兩條女倒轉咗嚟講呀?!

    回覆刪除
  13. 我冇加番上去》》咁一定是我眼朦朦了!哈哈哈請原諒這是小弟的慣性overQ咗!

    回覆刪除
  14. 佢擺明冧你喇,佢喺你健碩胸膛寫嘢,心兒喺佢亂跳,恍惚下咪寫錯咗 no. 咯!

    回覆刪除
  15. Armadillo:

    我諗佢地求其揾個儍仔玩下者,可能我比你好彩,大膽出手果個唔係扒。

    回覆刪除
  16. the inner space:

    哈唅,no big deal^^

    回覆刪除
  17. laulong:

    佢冧唔冧我唔知,但我明顯係冧都冇得冧:(

    回覆刪除
  18. 話明「交換電話」,咁你又有無攞張紙仔出嚟,含情默默地伏係個靚靚妹妹仔個心口度,再溫柔地在佢胸膛上寫返你個電話號碼俾佢?

    回覆刪除
  19. 都話你細個果陣時好靚仔架啦,嗱, 我無講錯啦掛 *_^

    回覆刪除
  20. 魔術師:

    係播!㸃解果陣冇咁做呢!哎呀,哂咗個機會添>.<!

    回覆刪除
  21. Bittermelon:

    我細個果陣時唔係靚仔,係俾人呃咗嘅儍仔v.v!

    回覆刪除
  22. 你这样就不对了,人家在你胸口写电话号码,你也应该在她胸口写电话号码嘛.

    回覆刪除
  23. Desertfox:

    我死蠢!我死蠢!嗚嗚嗚.....

    回覆刪除
  24. 你真係豔福無邊呀,兔仔牙﹗哈哈。

    放linkwithin 個小工具係唔係要放喺底部?

    回覆刪除
  25. 五珍:

    豔福?都算掛?!

    Linkwithin 小工具放在甚麼地方也沒所謂。

    回覆刪除
  26. 再唔係,你一手放在靚靚妹妹仔的心口上,再一收一放,以摩斯密碼打返你個電話號碼出來囉!

    回覆刪除
  27. 魔術師:

    嘩!咁都俾你諗到,你D溝女技巧,真係同浪子m一樣咁勁喎!!

    回覆刪除
  28. 巔巔:

    條女應該係玩撩仔!我估佢完全係貪玩,況且,佢都冇乜蝕底吖。

    回覆刪除
  29. 以便,愈諗你就愈唔啱。

    古語有云:「來而不往,非禮也。」

    人地響你個心口搞咗一輪,你唔搞返佢個心口,是為「非禮」。

    枉讀聖賢書呀你!

    回覆刪除
  30. 巔巔:

    非也。我估係我個樣夠純品,所以佢地先會覺得特別好玩。

    回覆刪除
  31. 魔術師:

    你講得好啱,只怪我讀得書少,以致唔識得點樣待人接物,虧待咗人自己都唔知,罪過!罪過!

    回覆刪除
  32. 佢係米俾左個逐秒計的收費電話號碼你呀? ^^

    回覆刪除
  33. DeepC:

    佢連個咁嘅電話都唔俾我:(

    回覆刪除
  34. 你說靚妹說"交換電話, 佢俾咗個電話你, 你應該亦俾咗個電話佢, 係咪? 咁佢有冇打電話俾你? 你打唔通佢個電話, 會唔會係佢喺意亂情迷下寫錯咗個號碼?

    回覆刪除
  35. 匿名:

    靚妺妺冇打過俾我:(

    回覆刪除
  36. 靚妺妺可能打過電話搵你, 但搵你唔到, 因為你當時個心卜卜跳, 心如鹿撞, 畀錯號碼人都唔定啊!

    回覆刪除
  37. 匿名:

    你講落又似喎,當時我同佢同時心如鹿撞,興奮到連阿媽都唔認得呀!

    回覆刪除
  38. 多謝你Linkwithin的資料,我都係遲啲先整。

    回覆刪除
  39. 五珍 (Jan Ng):

    互相提示一下啫,不用客氣^^

    回覆刪除
  40. 唉﹐呢個真係青頭仔的人間悲劇...(閃)

    回覆刪除