 |
| 東方互動圖片 |
本來，狗咬狼骨其實唔係好關小弟事，原先唔多想理，但係，最近見各方對呢件事嘅反應，就開始令小弟有點心寒！
首先，我覺得最恐怖嘅，反而唔係唐狗對豺狼嘅指控內容，而係一眾傳媒、政棍等等對唐狗指控嘅理解及演繹手法。一場狼狗大戰，即刻暴露晒香港嘅報紙原來都疑似地各自歸晒邊，報導及評論基本上各為其主，冇乜道理同邏輯可言。
先唔講在邏輯上唐狗嘅指控有冇毛病，單就無證無據地對人作出指控呢樣嘢，如果香港人咁都可以接受甚至推波助瀾的話，港人就憑乜嘢講有甚麼維護公平公正同埋法理嘅核心價值呢？香港人係唔係接受只要認定對方係壞人，就可以用任何方法包括文革式扣帽子、含血噴人等等方式去對付呢啲壞人異己？就算點搞佢都冇問題？都可以接受？如果下次被控訴嘅對像係劉曉波，香港人係唔係都應該同樣地袖手旁觀？甚至落井下石？
另外，行會對討論內容保密，本意其實係要保護發言者可以暢所欲言。豺狼即使真係有講過好想 cut 商台，好想出防暴，但佢當年只可以得個噏字，佢可獨斷獨行咩？況且，在 Brainstorming 嘅過程中，亦必須要有人扮演 Devil’s Advocate 角色才有意思。小弟雖然極唔同意極唔認同豺狼嘅意見，但在言論自由嘅大前提下，豈唔係更加要極力維護異見者嘅言論權利嗎？今次見有狀棍政棍飛撲出嚟話要秋後算帳，香港人一向說甚麼要維護言論自由呢個核心價值？係真唔係呀？
好可能，有人覺得只要係對付壞人，乜鬼野不擇手段嘅方法都可以隻眼開隻眼閉。如果呢樣係港人普遍嘅想法的話，咁最恐怖嘅，根本唔係隻唐狗或者係隻豺狼，而係香港人自己！
所以我覚得隻狼並無我想像中咁奸(如果佢係我生意對手，我可以話佢唔夠我奸！），因為佢呢次沉唔住氣無論係文字亦或係身體語言的回應都好差。（佢的表現連撐佢的人都認為佢有講過）
回覆刪除好厭呢場戲！
即係唔睇三五七份報紙都唔知發生咩事，但睇咗三五七份報紙都未必會知件事的真相。中學生的通識科點搞呀？！
回覆刪除Hana:
回覆刪除香港D中學生嘅分析能力，隨時好過香港D報紙佬架！
真係9up的blog
回覆刪除係呢個多數人既世界，
回覆刪除自由同民主成為一句口號，
但有幾多人真係理解自由同民主?
係唔係都批評人果D係唔係真係好自由、好民主?
行政會議發生咩事公眾無人會知，
CY有無講過亦得少數人知。
其實CY大可先作否認，然後一笑置之，
對付流言最好既方法就係唔理D流言。
唐唐可以做D咩?告佢?
咁同以言入罪有咩分別?
拎對方多年前係會議入面非公開隨便講既一句話作政治炸彈到底用意何在?
在下在挪威是看星岛和东方的网报，同样的事情可以有相反的报道，在下叹为观止。
回覆刪除一直以为报纸只是把发生了的事情报道给普罗大众，现在好像变成看专栏一样。
悲哉悲哉
我本來好多嘢想寫落blog度，
回覆刪除after a second third fouth 。。。。
thought。
我決定自我審查，將寫好的都 deleted，
並決定暫停兩個星期唔寫嘢 no impulse，
nothing impulsive，
因為我前所未見未聞未覺，咁驚恐恐怖！
sPace
姬語花：
回覆刪除歡迎光臨！
希特拉講過，一個大話只要講足一百次，大家就會信係真。因此，我覺得狼英沉默的話，對佢更加不利。
Desertfox：
回覆刪除對！最近d香港報紙，簡直叫人嘆為觀止！
sPace 兄：
回覆刪除你唔係講真嘛？！
我嘅睇法同你一樣
回覆刪除naruto:
回覆刪除原來大家都心寒。
好灰...
回覆刪除Re "在 Brainstorming 嘅過程中，亦必須要有人扮演 Devil’s Advocate 角色才有意思", 同意, 這個是幫助正反兩面思考的方法, 不一定是主張或提意.
回覆刪除另, 一般說話有分正閒, 閒談說笑或只聽到部份子句就不可以當直. 我覺得豬仔可能(只是可能)聽過些東西, 如果佢聽錯或誤解其中意思,那就... =.="
不，根据眾多研究，brainstorming 不应設devil's advocate，否則會扼殺創意。
回覆刪除共同制定政策時設置還可以，但事前必須有足够約定，以免角色倒轉，devil's advocate反过来變成政策制定者。
不嬲都有曬立場架啦
回覆刪除媒體有政黨背景係ok既，外國好多都有
因為相信讀者有判斷能力
反而係唐唐有辦法逼到CY出洋相個下西利
有d似預計到佢有呢個反應先咁問
卡臣:
回覆刪除So sad!
DeepC:
回覆刪除對唐豬嚟講，狼英有係希冇講過唔重要，重要嘅係佢現在可以打擊得到隻狼。
唉! 好一句「心寒」，顯出香港人多无奈！
回覆刪除C.M.：
回覆刪除可能小弟呢行比較特別，以前師傅較落，所有report內要出嘅point，都要brainstorming過，俾師兄弟互踢然後又互接招大打一番後先出街，至今仍然覺得好有用。當然，氣氛feel free同埋容許天馬行空係非常緊要。
張子房:
回覆刪除但我反而覺得，現在已經係小圈子大眾冇得參與，如果連出noise嘅媒體都被小圈子dominate埋，真係好心寒。
hollycowplanet：
回覆刪除哈哈，呢次特首選舉，由一開始大家已經感到好無奈。
為求目的，無所不用其極！
回覆刪除豬僭建、婚外情是事實，現在竟然變了正義化身，哈哈，信佢嘅真係有點天真有點傻！
唐生見大勢已去，所以亂噏嘢，梁生大可以去廉署備案，依家又撲朔迷離啦。我係選民，一定投白票。
回覆刪除laulong:
回覆刪除傳媒一早已經將唐唐同狼英定咗形:
唐係豬，所以佢一定蠢
梁係狼，所以佢一定奸
唐唐今次其實係儘用在大家心中已經建立咗嘅Public Icon去做野，所以，今次唐唐雖然係有咁奸得咁奸，但大眾接收到嘅，只會覺得佢好似玩政治自殺，只係當佢傻仔咁睇，唐唐做乜野奸計大家都唔會反應。
至於隻狼，大家已經認定佢係奸，所以佢以前做人世界固然係奸，今次佢俾人做返世界，都係因為佢奸。
呢個世界好平面架咋！
五珍 (Jan Ng)：
回覆刪除呢個根本係一場鬥爭，大家不如當電視劇睇算啦，冇眼睇！
遲下隻謊唐狗可能又基因異變, 變成「香港雙普選之父」,日日為民請命,咬住隻鷹唔放,大叫:「你講大話,我要雙普選!」
回覆刪除新馬師曾唱：唉﹗冷得我騰騰震﹐真係震到入心﹐心酸我仲發緊冷咯 。。。。。
回覆刪除哈哈哈！廿幾度都由心震出來的寒意！
馬沙：
回覆刪除哈哈，唔好話係當你講笑呀，我想唐狗真係會咁做架！
the inner space:
回覆刪除哈，嚇到你唱粵曲添，真搞笑^^
我不肯定梁有否講過「要做商台世界，同埋要出動防暴隊應付零三七一」。不過，如果他真的曾有此言論，人們現在批評他，不接受他當特首，不能算是秋後算帳或違反言論自由。言為心聲，提議「要做商台世界，同埋要出動防暴隊應付零三七一」代表他有強硬的施政理念和作風。人們現在有權不接受並批評批評他這強硬的施政理念和作風。這不是秋後算帳。現在才批評他是因為當時不知他有此言論。否則，當時已批了他。不接受他強硬的施政理念和作風的人不是不准他有「要做商台世界，同埋要出動防暴隊應付零三七一」的言論，他們只是反對他當特首。因為，特首是一個有很大權力的職位，正如Blog主所講，梁當年即使「真係有講過好想 cut 商台，好想出防暴，但佢只可以得個噏字，佢不可獨斷獨行」。但是，他當了特首之後，就有cut 商台和出防暴的權力。有人反對有這言論的人當特首也是正常的吧!怎算違反言論自由。特首不是人人都適合當的吧?
回覆刪除potato
四大任務包括：
回覆刪除1）就23條立法、
2）推展國民教育、
3）處理政制發展及
4）整頓麻煩多多的港台。
還可以加上：
5）瓦解支聯會。
potato:
回覆刪除首先，可能有人以為我寫這篇是為了挺梁，其實我絕無此意！
其實，大家要去支持、挺、反對和揶揄某一個特首候選人，其實並不需要甚麼理由，只在乎大家喜歡不喜歡，接受不接受他將來管治香港就是了。這是大家的自由意志，更不應被有有心人所左右。
然而，我卻在乎候選人間在競爭過程中的道德性。例如指控不同揶揄，前者的傷害性比後者大好多好多，甚至可以是致命性的，因此，我對指控的判斷，其成立與接受的要求，一定會比揶揄嚴格得多。
另外，我害怕的，其實不只在於狼英是否被怨枉，說真，我最最害怕的，其實是唐唐今次的整人手法。
今天信報練月琤已告訴了大家，唐唐今次的手法，根本是共產黨所慣用的把戲！有一點是我最怕的，就是是否只因唐唐對抗的是彼此的共同敵人狼英而值得高興？今日香港人口口聲聲說憎恨隻狼，極怕他明天會作奸人對付香港，為何今天唐唐已經用了共產黨扣帽子奸計統戰技港人，就可以視若無睹？
我想重申一次，我跟大家一樣，最怕奸人當道！我好害怕將來狼英的奸，但，我更加害怕的，是唐唐今日的奸！
匿名:
回覆刪除哈哈，hidden 政綱？
為了晞晞賢侄，兄台及嫂夫人都是時候，考慮回流到，已取得的外國公民地區囉！
回覆刪除the inner space：
回覆刪除我地一家人最多只可返大陸做強國公民，走得去邊？
如果梁真的有「要做商台世界，同埋要出動防暴隊應付零三七一」的言論。不理唐的意圖如何奸險，唐踢爆他，對公眾來說都是好事。因為，特首是一個有很大權力的職位，即使我們沒權選，但是，我們也有需要知道候選人真正的施政理念和作風，而不是他在競選是裝扮出來的樣兒。人是有原罪的。我們與其倚賴正值善良的人，不如爭取較有效制衡的制度。
回覆刪除potato
potato:
回覆刪除完全認同！
與其倚賴正值善良的人，不如爭取較有效制衡的制度。
回覆刪除哈哈哈又回到人治法治的討論，中華人文共和國的憲法，閣下可以上網讀到。
幾好的憲法，也是由人來執行的。輿論監察？輿論審查，自我審查，輿論噤聲！afterall，最終仍然是“人”是否尊重法制制度。
Potato and sPace 兄：
回覆刪除你兩位觀點有異，但你們兩個我都同意。
究竟制度可制人？抑或人舞弄制度？這好比究竟時勢造雄？抑或英雄造時勢？我認為兩者出現的機會都有。
今次的亂局，究竟有心人可以以後打橫嚟治港？還是治港者最終還得要有分有寸，我真不敢講，也未可知。
還有傳聞薄熙來的重慶唱紅打黑後，
回覆刪除趁機連輿論都一概打沉報喜不報憂，
普遍市民沒法聽到不公和不義之事，
罪案率下跌破案率極高好到不得了。
兄台笑我唱起粵曲來，其實我是記得新馬師曾唱：唉﹗冷得我騰騰震﹐真係震到入心﹐心酸我仲發緊冷咯 。。。。。
兄台本文標題“心寒”，而我就廿幾度都由心震出來的寒意也！
再者我讀到上面有位“匿名”寫的4+1，其中首四項，我google過，原來是信報提出的四大任務。至於第五可能是“匿名”人推論出來的吧！
回覆刪除the inner space:
回覆刪除不提政治，在經濟上都值得驚。
有傳聞，若狼英上馬，地產霸權會搞樓巿來動搖香港經濟報復。
即使狼或豬上台，末來幾個月泛民都有大把題材搞事，整體政治風險一定大升，短期經濟必被影響。
有說好多基金已經泊咗入美元，會唔會大鱷等緊趁你病攞你命，港元隨時受追撃？
類同：
回覆刪除直程有人同我講過恐嚇我，話啲大鱷見到流選就趁機砌香港，咁樣反對撐流選派。好歹都要選狼選豬，絕不能選人！
所以我連港大全民投票都決定物參加。
the inner space:
回覆刪除我就覺得，邊個當選都好，只要香港立立亂，就係砌香港嘅最好時機。
咁咪喺要為咗避免畀大鱷砌而放棄港人的核心價值呢？
回覆刪除至於所謂核心價值，何謂核心價值，我想大家可能不盡相同，“核心價值”各自表述！
以便，
回覆刪除好辦法喎！你個情况係咪因為團隊精神夠强，加上成熟度高，所以合作無間？
the inner space:
回覆刪除只要香港立立亂，就係砌香港嘅最好時機。並唔等於為咗避免畀大鱷砌而放棄港人的核心價值。在邏輯上咁樣唔係好通喎。
C.M.：
回覆刪除對！我地呢行好乞人憎，所以一定要團隊精神好好，槍咀向外！