番大陸好危險

好多人都話番大陸好危險，例如流傳話去厠所會俾人生劏刧走個腎喇，去點貨又會俾人強姦等等。流傳嘅野，係真係假，實在不得而知。不過相信，每間公司都或多或少有流傳一d番大陸結果好大碌嘅故事，以下係一d從同事聽番嚟，發生係以前唔知邊個同事身上，唔知係真唔係嘅傳聞：

傳聞一：坐白牌

話說之前有同事一個人上大陸，叫左架白牌轎車，好自然地佢就坐係後排坐位，一路上相安無事，只係架車開得快左少少，點知唔好彩路上遇到公安（唔係賊！），個公安揸住架電單車，係架白牌後面大叫個司機停車，點知佢不但唔停，仲開得快d，個公安於是又大叫話如果再唔停車，佢就開槍，個司機都係唔停車，結果個公安真係開槍，子彈飛左去離個公安最近嘅人身上。

傳聞二：打刧

又有個同事係大陸行行下街，突然走個人出黎揸把刀指著佢，推左佢去個樓梯口，之後唔知點樣，個同事俾人挿咗刀，仲要𨍭兩𨍭先至拔番出黎。

傳聞三：坐摩托

呢次果個同事係大陸坐摩托車尾，個司機唔小心炒車，果位同事跌咗落地，擦損咗塊面小小，位同事一抬頭，見到原來前面係間診所，於是走入去包紮下，點知，番到香港塊面爛晒，聽講佢仲攪到永久破相潻。

以上嘅野，希望係信則有，不信則無就好喇。