記得初初返教會嘅時候，曾經俾人教導過：不管你係達官貴人，抑或只係飯夫走卒，大家既然以「弟兄姊妹」相稱，咁樣彼此就係一視同仁架喇，冇人可以扮巴閉，啲乜朵物朵喺教會係冇意思嘅，除非你為要去服侍他人而真係有需要用上你嘅地位身份。自己一向好欣賞呢個教導，亦眼見過不同身份背景嘅人，可以無分彼此，融洽相處。好多時，有乜事要吹雞揾人幫嘅時候，才發現身邊原來有好多臥虎藏龍，先知道貴人總有一個喺左近。
唔知以上講嘅教導，會唔會只係自己所屬教會宗派嘅傳統呢？呢幾年有機會接觸吓多啲唔同類型嘅其他教會，先發現「曬朵」文化，喺某啲教會裡面原來都幾嚴重。
自己覺得，「朵」只係一個出嚟為搵兩餐嘅工具嚟啫，喺教會呢啲地方，除咗為著抬高自己，「曬朵」有屁用咩？但係話時話，原來仍然會見到有人樂此不疲，幾好呢味嘢！我諗唯一解釋，只係「虛榮」心作祟！曾經聽過有啲新返教會嘅朋友話，覺得好難夾咀形，事關啲人好「猛」。我心想，何必呢？
小弟其實都有試過喺教會「曬朵」嘅，嗰次喺教會同埋一班人，為著要替一個細路寫求情信，希望法官可以判佢入正生，因此就齊齊裝吓高尚；聽人教，咁樣法官肯接納求情嘅機會會大啲。記得當時大家喺封求情信上盡「響全朵」，曬得好開心！
小弟唔信神嘅，不過有以下諗法。如果真心信主，個朵係主前面有咩用？係Ｄ兄弟面前有咩用？大家都只係接受主嘅安排喎。
回覆刪除你講得好啱，「朵」只係虛榮，甚至個「朵」上天俾得某人，一定有用得著嘅天意，而唔係為咗俾條友仔佢去謀私嘅！
回覆刪除你個"朵"可不可以在這兒公開呢？
回覆刪除唔好意思呀.....我想問你係唔係一個social compliance auditor呀? 其實我依家都做緊social compliance coordinator ga, 我想問讀d咩or考d咩牌至可以做到auditor呀?? 我對呢行都幾有興趣ga, 但空缺真係好少甘......係唔係唔入行好d呢?? 你可唔可以答下我呀? 唔該灑! ^^
回覆刪除uncle ray:
回覆刪除小弟最勁嘅朵，係我老婆嘅老公！佢成日都叫我曬架，哈哈！
匿名：
回覆刪除睇嚟好似好多人都對 Social Compliance Audit 感興趣咁播！
小弟從前做 Social Compliance Audit, 是會計師樓的其中一些 assignment 而已。只因公司接到這纇case,所以便有機會接觸到。照我所知，要做這纇job,應該不需要考上甚麼特別的牌照。
我不知道香港是否有些公司專門接這纇job, Anyway，相信國內公司在這方面對香港的公司更具竸爭力，所以香港的空缺會很少。
看來，如果香港有公司給你獨沽一咮做到所謂 Social Compliance Auditor, 也請三思，因這纇工作其實技術要求不太高，前途是否真的有保障，也未必有把握。
響朶(我讀書時常聽人這樣說)，為好事不妨呀！
回覆刪除惟若只自矜身價者，童蒙之行而已。
多謝你甘詳細甘答我.....我會考慮清楚ga啦 hahahaha 衷心多謝你 ^^
回覆刪除laulong:
回覆刪除其實「凡事都可行」，重要的反而是背後的動機，和結果會否「造就人」。
匿名：
回覆刪除Haha, you are welcome：）
撻「朵」....都係低調些好.....
回覆刪除聶秀康:
回覆刪除係囉,謙俾d好!
最勁嘅朵係我"老婆嘅老公"...好!
回覆刪除Bittermelon:
回覆刪除Thanks. 哈哈!!
幫小朋友搵學校時, 最多教會人士響朵了....
回覆刪除篤篤篤撐:
回覆刪除對,但未必一定work.
睇下搵邊個曬,
回覆刪除我有朋友想個女入dgs, 佢識得鄘廣傑, 唔搵就笨了。
(最後, 佢真係冇搵, 驚害人害已, 個女, 入左國際學校算了)
篤篤篤撐:
回覆刪除你個friend可能覺得入國際學校仲好呢。
By the way, 我有個friend,兩公婆係工程師,自己係某大浸信會執事,拋埋主任牧師嘅推薦信,但個仔最後都入唔到間浸信會小學。
結果我個friend 要搵間直資嘅DBS俾個仔入去讀算鬼數!
信教有著數! 起碼第日個仔入學有分加!
回覆刪除梁巔巔:
回覆刪除係呀,我都聽過有人為咗仔女入名校先去返教會。