2010年7月3日

巴西出局

喺大陸公幹咗兩個星期,過住啲冇 Blogger、冇 Facebook、冇電視嘅日子,悶死!昨晚番到嚟香港第一件要做嘅事,當然係即刻坐定定,睇荷蘭對巴西啦!

開賽不久,就發覺巴西呢隊波好似有啲唔妥,好躁!荷蘭亦不甘示弱,即刻還拖。成場啲球員除咗踢波之外,就係踢人。本來球員偷雞出吓術係好常見,但條日本仔球証只係眼望望,吓吓都唔吹就真係有啲出奇!!睇條架仔個樣十吓十吓咁,佢一定係好怯場,一定係未見過咁多球星、未見過咁出名嘅球隊,一時間唔知點算啦!兩隊超級球隊見打爛仔波都過得骨,仲唔當少林足球咁踢?唉!呢場波認真兒童不宜!

下半場巴西已經情緒失控,除咗佢地原本已經係心理質素不佳之外,加埋之前無啦啦蝦碌失波,再有條架仔上半場搞亂晒成場嘅秩序,下半場就時罸時唔罸,巴西仲唔更加心煩氣躁,亂上加亂?

坦白講,昨晚場波真係好睇,原因唔單只係兩隊波嘅球技真係咵啦啦之外,係見到成敗如何決勝於“一念之間。

場波令我忽然想起以前考 ACCA 嘅日子,記得老師曾提點過:「去得考呢場試嘅人,大部份其實已經有番咁上下實力架喇,至於最後能過關嘅,就只有係嗰啲唔俾份卷嚇親嘅人。」

Expect for unexpected,往往係決勝之道!

14 則留言:

  1. 尋晚去飲,席間有位舊生打長途去英國,問賭波公司的盤口,回復是那邊逢買巴西贏的都受注,買荷蘭贏的就轉投出去。

    那舊生於是重槌買荷蘭贏,結果中了。是賭波公司眼光獨到,還是又一次假波?

    回覆刪除
  2. laulong:

    你又有冇買番多少玩吓咁呢,嘻嘻^^

    回覆刪除
  3. 我買咗三球,但過唔到關 :(

    嚇死人,那舊生買了八千文,真黐線!

    回覆刪除
  4. 咁你考ACCA時一定無俾份卷嚇親啦,
    咁你一定唔係果位架仔球証囉. ^^

    回覆刪除
  5. laulong:

    你個學生買咁大,會唔會係病態?

    回覆刪除
  6. hkeric:

    阿根廷簡直係慘敗!!

    回覆刪除
  7. 巴西緣盡world cup講真我是很傷心, 當日我整天沒有看電視, 就是不想看到有關的新聞......

    不過我想巴西輸其中一個原因是不懂"打逆境波", 也許之前太順利, 沒有落後追上的經驗.

    回覆刪除
  8. 巴西上下半場判若兩隊, 有疑點, 懷疑是假波

    回覆刪除
  9. BAND 5 仔:

    歡迎光臨!

    假波? 都有d似!

    回覆刪除
  10. 今屆世界盃太沒有氣氛了!

    回覆刪除
  11. Joanna:

    歡迎光臨^^

    是否由於世界盃只在有線呢?

    回覆刪除