2010年7月12日

先知保羅


先知保羅又貼中世界杯賽果,昨晚決賽荷蘭對西班牙,又一如佢所料,真係西班牙勝出,問你服佢唔服?吹漲唔吹漲?

聖經裡面都好多「先知」,但相信好多人都俾呢個亂咁譯嘅名字所誤,以為「先知」就係未卜先知,因而造就咗好多人在教會招搖撞騸嘅機會。其實,聖經所指嘅「先知」,係神嘅「代言人」,雖然好多時佢地都可以預測未來。

可以準確測到未來又如何?連條八爪魚都得,就知呢樣嘢奇實唔一定係好神聖。事實証明,信佢都可以賭輸波(因法定90分鐘內係和波)

究竟信神嘅說話好啲?抑或信「未卜先知」好啲?在教會裡面,好多好多所謂信徒,都係選擇後者!

12 則留言:

  1. 今次世界杯沒有紅了什麼球星, 反而亞pual就一鳴驚人!

    給我選擇, 我也不想要未卜先知, 因為生命的精彩就在於它的無法預測和無限可能.

    回覆刪除
  2. >>生命的精彩就在於它的無法預測和無限可能...

    一百個同意!

    今次吊詭在信佢都輸,識得利用哩隻嘢嘅人最犀利!

    回覆刪除
  3. 咁你信前者定後者? 嘻嘻.

    回覆刪除
  4. 新鮮人:

    人要末卜先知,係好奇同想操控掛?!

    回覆刪除
  5. laulong:

    真係信又死,唔信又死,死末?!

    回覆刪除
  6. 梁巔巔:

    所以人係好易呃囉!

    回覆刪除
  7. 我見薜家燕自認基督徒, 但一樣上蘇民峰節目搵佢算命, 薛家燕話兩者並無衝突矛盾...真使我大惑不解.

    同樣道理, 也有基督徒覺得信神同信 "未卜先知", 都無矛盾啫....

    回覆刪除
  8. Band 5 仔:

    係唔係真係信,唔係講吓算數。

    回覆刪除